02/09/2026
बाढीमा बेपत्ता मैयाँ दाहाल विमलीको कुशको शव बनाई अन्त्येष्टि, परिवारको आशा समाप्त
दोलखा । दोलखा जिल्ला मेलुङ गाउँपालिका–१, पवटी निवासी रमेश विमलीकी श्रीमती मैयाँ दाहाल विमली भोटेकोशीमा आएको विनाशकारी बाढीमा परी बेपत्ता हुनुभएको थियो।
नेपाल सरकारको राष्ट्रसेवक कर्मचारीका रूपमा लाङटाङ राष्ट्रिय निकुञ्ज, स्याप्रुबेसी पोस्टमा सिनियर गेम स्काउट पदमा कार्यरत रहनुभएकी मैयाँ दाहाल विमली मिति २०८३/०५/१० गते भोटेकोशीमा आएको बाढीमा परी बेपत्ता हुनुभएको थियो।
बेपत्ता भएलगत्तै उहाँको खोजी कार्य निरन्तर गरिए पनि हालसम्म शव फेला पर्न सकेन। लामो समयसम्म खोजी गर्दा पनि कुनै खबर प्राप्त नभएपछि हिन्दू धर्म तथा नेपाली परम्पराअनुसार मिति २०८३/०५/१७ गते कुशको लास बनाई विधिवत् अन्त्येष्टि गरिएको परिवारले जनाएको छ।
उहाँ सकुशल घर फर्किनुहुन्छ कि भन्ने परिवारको झिनो आशा पनि अब समाप्त भएको छ। आज उहाँको ८ दिनको पुण्यकार्य भइरहेको छ।
स्वर्गीय मैयाँ दाहाल विमलीप्रति हार्दिक श्रद्धाञ्जली।
उहाँको आत्माले चिरशान्ति पाओस् तथा शोकसन्तप्त परिवारजनमा यस अपूरणीय पीडा सहन सक्ने शक्ति मिलोस्।
