02/06/2026
दाजुभाइ हुनु त यस्तो — सम्बन्धको बारेमा चर्चा गर्दा छुटाउने नहुने दुइ नाम हुन्, चन्द्र ढकाल र हेमराज ढकाल । हाम्रो समाजमा देख्दै आएका छौ जब विवाह हुन्छ, दाजुभाईले कमाउन थाल्छन्, तब प्राय: दाजुभाइको सम्बन्ध सुमधुर हुन निकै कठिन हुन्छ, अझ त्यस्तो अवस्थामा जब एउटाको आर्थिक प्रगति अर्कोको भन्दा बढी हुन्छ ।
तर चन्द्र र हेमराज एक उदाहरणीय दाजुभाई हुन् । सायद पारिवारिक संघर्षले पनि दाजुभाईको मित्रता निकै मजबुद बनाइदियो । चन्द्र ढकाल भर्खर एसएलसीको तयारी गर्दै थिए, अकस्मात घरको मुली बुवालाई गुमाउनु पर्यो । यसै त आर्थिक अवस्था कमजोर थियो भाइ हेमराज सहीत दुइ बहिनिको जिम्मेवारी पनि दाइ चन्द्रको काँधमा आयो । यसैले उनि १६ वर्षकै उमेरमा कामको खोजीमा काठमाडौ आए ।
यहाँ आएर जागिर गरे त्यसपछि कार्पेट निर्यात गर्ने कार्गो कम्पनिमा हात हाले । जब भाइ हेमराजले पनि एसएलसी दिए, उनलाई पनि सँगै काम गर्न काठमाडौ बोलाए ताकी दुवै दाजुभाईले मिलेर काम गरेर आमा र बहिनिलाई हेर्न सकिन्थ्यो ।
र त्यहाँबाट यसरी दुइ दाजुभाईले एक अर्कालाई साथ दिंदै अघि बढेको सम्बन्ध आज पर्यन्त जारी छ । उनीहरू जे छन् संयुक्तमा छन् । मिलेर काम गरेका छन् । दाजुभाइ मिल्नाले अझ बढी व्यवसाय विस्तार गर्न सहज भएको छ ।
भनिन्छ नि पैसाको मुख कालो हुन्छ, यसको एउटा उदाहरण भारतको मुकेश र अनिल अम्बानीकै देख्न सकिन्छ । तर यी दाजुभाइले त्यो कालो आफ्नो मनमा आउन कहिल्यै दिएनन । यो मानेमा चन्द्रप्रसाद ढकाल र हेमराज ढकाल दाजु भाइ सबैको लागि प्रेरणा र उदाहरणीय बनेका छन् ।
