05/08/2025
भारत को उत्तरकाशीं स्थित धाराली गाउँमा ठूलो दुर्घटना, बादल फुट्दा नाला बग्दै तल झरेको दृश्य❗️
उत्तरकाशीं — उत्तराखण्डको उत्तरकाशीं जिल्लास्थित धाराली गाउँमा बादल फुट्दा ठूलो दुर्घटना भएको पुष्टि जिल्ला विपद् व्यवस्थापन समितिले गरेको छ । बादल फूटेपछि पहाडबाट अत्यन्त तीव्र बगिरहेको नाला तल झर्दै गरेको दृश्य देखिएको छ ।
हालसम्म मानवीय क्षतिको ठोस विवरण आइसकेको छैन, तर घटनाको गम्भीरतालाई मध्यनजर गर्दै स्थानीय प्रशासन सतर्क अवस्थामा रहेको बताइएको छ । घटनास्थल नजिकैको मखवा गाउँ, जहाँबाट गंगोत्री धामको शीतकालीन स्थानान्तरण र गंगाजीको आराधना गरिन्छ, पनि प्रभावमा परेको जनाइएको छ ।
सुरक्षा र उद्धार कार्यका लागि सम्बन्धित निकायहरूलाई हाइअलर्टमा राखिएको छ । थप विवरण आउँदै छ ।
