27/07/2025
नेपाल पत्रकार महासंघ डोटी शाखाका पूर्व कार्यसमिति सदस्य तथा सार्वजनिक सेवा प्रसारण रेडियो नेपाल प्रादेशिक प्रसारण केन्द्र दिपायलमा कार्यरत स्वर्गीय दीर्घ बहादुर खत्रीको असामयिक निधनले नेपाल पत्रकार महासंघ डोटी शाखा स्तब्ध र मर्माहत भएको छ ।
आज चौथो दिन नेपाल पत्रकार महासंघ डोटी शाखाको नेतृत्वमा पत्रकारहरूको टिम निवासमा पुगेर स्वर्गीय खत्रीप्रति भावपूर्ण श्रद्धाञ्जली अर्पण गर्दै दिवंगत आत्माको चीर शान्तिको कामना गरेको छ । साथै ,शोकको यस घडीमा उहाँकी धर्मपत्नी र छोराछोरी सहित शोक सन्तप्त परिवारजनमा धैर्य धारण गर्ने शक्ति प्रदान होस् भनी उहाँको निवासमा पुगेर गहिरो समवेदना प्रकट गरेको छ ।
