Rajmarg Online, ghorahi dang, Ghorahi (2026)

16/10/2026

जिल्ला प्रशासन कार्यालय दाङले आज एक सूचना जारी गर्दै चाडपर्वका बेला गैरकानुनी रूपमा चिठ्ठा, जुवातास, कुनै पनि प्रकारका बाजी वा सट्टेबाजीजन्य खेल नखेल्न र नखेलाउन आग्रह गरेको छ ।

16/10/2026

घोराही–१७ खेलकुद विकास समितिलाई ३३ हजार रुपैयाँ बराबरको जर्सी हस्तान्तरण

दाङ, ३० असोज । घोराही उपमहानगरपालिका–१७ को खेलकुद विकास समितिलाई ३३ हजार रुपैयाँबराबरको खेलकुद सामग्री हस्तान्तरण गरिएको छ ।

घोराही–६ गुरवागाउँका घर भई हाल नेपालगन्ज पुष्पलाल चोकमा रहेको दङाली होटलका सञ्चालक एकराज पाण्डेयले खेलाडीका लागि ३३ हजार रुपैयाँबराबरको जर्सी सहयोग गरेका हुन् । समितिका अध्यक्ष दुर्गा खत्री र उपाध्यक्ष वीरेन्द्र चौधरीलाई एक कार्यक्रमकाबीच पाण्डेयले उक्त सामग्री हस्तान्तरण गरेका हुन् ।

सामाजिक उत्तरदायित्वअन्तर्गत खेलको विकास र समृद्धिका लागि आफूले थोरै भए पनि खेल सामग्री सहयोग गरेको पाण्डेयले बताए । अध्यक्ष भुसालको अध्यक्षतामा भएको कार्यक्रममा कोषाध्यक्ष भोलाबहादुर घर्तीले स्वागत गरेका थिए भने सचिव भीम चौधरीले सहजीकरण गरेका थिए ।

फुटबल खेलको विकास र खेलाडीको वृत्तिविकासमा सहकार्य र सहयोग गरेकोमा समितिले पाण्डेयलाई धन्यवाद ज्ञापन गरेको छ । खेल र खेलाडीको भविष्य उज्ज्वल बनाउन आगामी दिनमा पनि सहकार्य गर्ने समितिले बताएको छ ।

16/10/2026

जिल्ला प्रशासन कार्यालय दाङको अनुरोध

16/10/2026

जिल्ला प्रशासन कार्यालय, दाङद्वारा हवाई सुरक्षा गस्ती तथा निगरानी कार्यलाई प्रभावकारी बनाउन जिल्ला प्रहरी कार्यालय, दाङलाई ड्रोन हस्तान्तरण गरिएको छ।

16/10/2026

७१ औं प्रहरी दिवस ः दाङमा उत्कृष्ट कार्य गर्ने प्रहरी सम्मानित

दाङ,३० असोज । दाङमा ७१ औँ प्रहरी दिवसका अवसरमा उत्कृष्ठ कार्य गर्ने प्रहरी अधिकृतदेखि जवानसम्मलाई सम्मान गरिएको छ ।

७१ औं प्रहरी दिवसका अवसरमा जिल्ला प्रहरी कार्यालय दाङले घोराहीमा आयोजना गरेको कार्यक्रममा आफूलाई सुम्पिएको जिम्मेवारी कुशलतापूर्वक निर्वाह गर्ने प्रहरी अधिकृतदेखि जवानसम्मलाई कदरपत्रसहित सम्मान गरिएको थियो ।

जिल्ला प्रहरी कार्यालय दाङका प्रमुख एवं प्रहरी उपरीक्षक दिपक श्रेष्ठको अध्यक्षता तथा प्रमुख जिल्ला अधिकारी निश्चलराज पाण्डेयको प्रमुख आतिथ्यमा भएको कार्यक्रममा इलाका प्रहरी कार्यालय तुलसीपुरका प्रमुख प्रहरी नायव उपरीक्षक होमबहादुर पराजुली, इलाका प्रहरी कार्यालय भालुवाङका प्रहरी निरीक्षक गोपाल न्यौपाने, जिल्ला प्रहरी कार्यालय दाङका प्रहरी निरीक्षक एक्कबहादुर नेपाली र प्रहरी सहायक निरीक्षक पार्वती गुप्ता, जिल्ला प्रहरी कार्यालय दाङको संचार शाखामा कार्यरत प्राविधिक प्रहरी हवलदार महेन्द्रा वली, सहायक हवलदार कर्णबहादुर केसी र वडा प्रहरी कार्यालय घोराहीमा कार्यरत प्रहरी जवान कल्साप्रसाद थारूलाई सम्मान गरिएको थियो ।

कार्यक्रममा अमर प्रहरीका परिवारलाई पनि सम्मान गरिएको थियो । कार्यक्रमलाई सम्बोधन गर्दै प्रमुख जिल्ला अधिकारी निश्चलराज पाण्डेयले समाज शान्ति सुरक्षा कायम गर्नेदेखि विपद् व्यवस्थापनमा नेपाल प्रहरीको भूमिका महत्वपूर्ण भएको बताएका थिए । नागरिकको सुखदुःखमा प्रहरीको भूमिका महत्वपूर्ण हुने गरेको भन्दै यो भूमिकालाई अझ प्रभावकारी बनाउँदै जनताको मन जित्न आवश्यक रहेको बताए । साथै कार्यक्रममा बोल्ने अन्य सहभागीले प्रहरीको भूमिका थप प्रभावकारी बनाउन अपराध अनुसन्धान, प्रविधिको प्रयोग र जनशक्तिको क्षमता विकासमा ध्यान दिनुपर्नेमा जोड दिएका थिए ।

कार्यक्रममा नेपाल पत्रकार महासंघ दाङका अध्यक्ष सन्तोष सुवेदी, पूर्व प्रहरी संगठन दाङका अध्यक्ष रोवरबहादुर बस्नेत, अमर प्रहरी परिवार संघ दाङकी अध्यक्ष निर्मला थापा, सामुदायिक प्रहरी सेवा केन्द्र घोराहीका सचिव केवी घर्तीलगायतले शुभकामना मन्तव्य व्यक्त गर्दै समाजमा शान्ति सुरक्षा कायम गर्नदेखि अपराधिक गतिविधि नियन्त्रणका लागि नागरिक र प्रहरीविच सहकार्य हुनुपर्नेमा जोड दिएका थिए ।

जिल्ला प्रहरी कार्यालय दाङका सूचना अधिकारी एवं प्रहरी नायब उपरीक्षक डा. हेमबहादुर केसीको स्वागत मन्तव्यबाट सुरु भएको कार्यक्रमको सहजीकरण प्रहरी निरीक्षक कमल परियारले गरेका थिए ।

16/10/2026

दाङमा लापसे-मापसे चेकजाँच
दाङको लमही-भालुबाङ सडकमा दुर्घटना न्यूनीकरण गर्न, सवारी दुर्घटनाबाट हुन सक्ने मानवीय तथा भौतिक क्षति रोकथाम गर्ने र सुरक्षित यातायात सुनिश्चित गर्ने उद्देश्यले लागू पदार्थ सेवन (लापसे) तथा मादक पदार्थ सेवन (मापसे) गरी सवारी साधन चलाउने कार्यलाई नियन्त्रण तथा निरुत्साहित गर्न चेकजाँच गरिएको छ ।

16/10/2026

प्रविधिको प्रयोगले धान काट्न सहज
दाङको गढवा गाउँपालिका–५ बोधीपुरमा रिपर (च्याम्फा ट्याक्टर) को प्रयोग गरी धान काट्दै किसान। पछिल्लो समय कृषिमा आधुनिक प्रविधिको प्रयोग बढ्दै जाँदा किसानलाई धान काट्नेदेखि दाउनेसम्मका काम सहज हुँदै गएका छन्। प्रविधिको प्रयोगले समय र श्रमको बचत हुनुका साथै कृषि कार्यसमेत छिटोछरितो हुने गरेको छ।

16/10/2026

जिल्ला प्रहरी कार्यालय दाङले ७१औँ प्रहरी दिवस–२०८३ को अवसरमा उत्कृष्ट कार्य गर्ने प्रहरी कर्मचारीहरूलाई सम्मान तथा पुरस्कार प्रदान गरेको छ।

16/10/2026

जिल्ला प्रहरी कार्यालय दाङले ७१औँ प्रहरी दिवस–२०८३ को अवसरमा विभिन्न कार्यक्रमहरू आयोजना गरी भव्यताका साथ मनाएको छ ।

16/10/2026

पुर्ख्यौली सीपले गाउँमै रोजगारीसँगै आम्दानी

लीलाधर वली
घोराही, असोज । दसैं–तिहार पर्व नजिकिँदै गर्दा घोराही उपमहानगरपालिका–२ ठाँटीखोला निवासी ४१ वर्षीय अनन्तबहादुर सार्की मादल बनाउने काममा व्यस्त हुनुहुन्छ ।

चाडपर्वको समयमा मादल बिक्रीसँगै मर्मतबाट राम्रो आम्दानी हुने भएपछि चार जना कामदार राखेर नयाँ मादल बनाउनेदेखि मर्मतको काम गर्दै आएको बताउनुहुन्छ ।

चाडपर्वलाई मौलिक संस्कृति र लोकजीवनको पहिचान मान्ने भएकाले नयाँ मादल किन्नदेखि मर्मतका लागि दैनिक जसो १५/२० जना ग्राहक आउने गरेको बताउनुहुन्छ । उहाँका अनुसार दसैंमा विशेषगरी थारु समुदायका मानिस आउने गरेका छन् भने तिहारमा अन्य समुदायका ग्राहकको चहलपहल हुन्छ ।

सार्की परिवारले पुर्खादेखि नै मादल बनाउने सीपलाई पेसाका रूपमा निरन्तरता दिँदै आएको छ । उहाँले भन्नुभयो,‘घरमा बुबाले मादल बनाउने भएकाले सानै उमेरमा सिकियो । अहिले त्यही सीप आम्दानीको स्रोत बनेको छ । घरखर्चका लागि अन्त जानु परेको छैन ।’

मादलसँगै तबला, ढोलकलगायतका बाजा बनाउने गरेको बताउनुहुन्छ । चाडपर्वको समयमा एक्लै भ्याउन नसकिने भएकाले चार जनालाई दैनिक ज्यालामा रोजगारीमा जोडेको भन्दै उहाँले मादलको घम बनाउनेदेखि खरी लगाउनेसम्मका काममा संलग्नलाई दैनिक सात सय रुपियाँका दरले पैसा दिने गरेको बताउनुहुन्छ ।

उहाँका अनुसार मादल बनाउने सीप नयाँ पुस्तामा पनि हस्तान्तरण भइरहेको छ । बुबा टंकबहादुर सार्कीबाट सिकेको सिप अनन्तबहादुरका छोरा थमराजले पनि पछिल्लो समय मादल बनाउनेदेखि बिक्री–वितरणको काम गर्दै आउनुभएको छ ।

नयाँ पुस्ताका धेरैले पुर्ख्यौली पेसा छाडिरहेको बेला मौलिक बाजाको संरक्षणमा योगदान गर्ने उद्देश्यले आफूले यही पेसा रोजेको उनको भनाइ छ ।

अध्ययनसँगै धेरै साथीहरु विदेश गएको भन्दै थमराजले भन्नुभयो,‘पढाई सकेपछि साथीहरु विदेश गए । मलाई पनि जाम भन्थे तर मैले विदेश जानुभन्दा बुबासँगै घरमा मादल बनाउने काम गर्दै आएको छु ।’

दाङका विभिन्न ठाउँसँगै रोल्पा, प्युठान र अर्घाखाँचीबाट समेत ग्राहक मादल किन्न र मर्मत गराउन आउने गरेको अनन्त बताउनुहुन्छ । अन्य काठभन्दा बलियो मानिने खमारीको घम र बाख्राको छाला मात्र प्रयोग गरिने भएकाले आफ्ना मादल धेरैले रुचाउने गरेको उहाँको भनाइ छ ।

उहाँका अनुसार यसरी बनाइएका मादल एक हजार ८ सयदेखि ३० हजार रुपियाँसम्ममा बिक्री हुने गरेका छन् । साइज अनुसार मर्मत गर्दा प्रतिमादल एक हजारदेखि १० हजार रुपियाँसम्म लाग्ने गरेको बताउनुहुन्छ ।

कृष्णजन्माष्टमी, तीज, दशैं र तिहारको समयमा राम्रो बिक्री हुने भएपनि बाह्रै महिना बिक्री नहुने गरेको बताउनुहुन्छ । सिजनमा घरमै बसेर मादल बनाउने काम गर्ने गरेपनि अन्य समयमा भने मादल बनाउनका लागि आवश्यक पर्ने खमारीको काठ, छालासँगै खरिका लागि आवश्यक पर्ने सामाग्री जुटाउने गरेको बताउनुहुन्छ ।

Rajmarg Online

16/10/2026

16/10/2026

16/10/2026

16/10/2026

16/10/2026

16/10/2026

16/10/2026

16/10/2026

16/10/2026

16/10/2026

Address

Website

Alerts

Contact The Business

Shortcuts

Share

Category

Listing takedown request