Rajmarg Online, ghorahi dang, Ghorahi (2026)

09/06/2026

दरबार हत्याकाण्ड छानबिन गर्ने गृहमन्त्रीको निर्णय ।

09/06/2026

सांसददेखि स्थानीय जनप्रतिनिधिको संख्या घटाउन निर्वाचन आयोगको प्रस्ताव

साभार : अनलाइनखबरबाट

09/06/2026

दाङ महिला जेसिजद्वारा विद्यार्थीलाई वित्तीय साक्षरता सम्वन्धी प्रशिक्षण

दाङ, २६ जेठ । दाङ महिला जेसीजले ‘जेसीज सप्ताह–२०२६’ अन्तर्गत युवाहरुसँग वित्तीय साक्षरतासम्बन्धी सचेतनामूलक कार्यक्रम गरेको छ ।

जेसीज सप्ताहव्यापी कार्यक्रमअन्तर्गत चौथो दिन मंगलवार घोराही उपमहानगरपालिका–१४ स्थित अम्बिकेश्वरी क्याम्पसमा अध्ययनरत विद्यार्थीलाई लक्षित गरी वित्तीय साक्षरतासम्बन्धी प्रशिक्षण तथा अन्तरक्रिया कार्यक्रम गरेको हो ।

दाङ महिला जेसीज अध्यक्ष अर्चना शर्माको अध्यक्षता तथा घोराही उपमहानगरपालिका–१५ का वडा अध्यक्ष रमेश पाण्डेयको प्रमुख आतिथ्यतामा भएको कार्यक्रममा वक्ताहरूले आर्थिक अनुशासन, बचत संस्कृतिको विकास र जिम्मेवार वित्तीय व्यवहारका लागि वित्तीय साक्षरता अपरिहार्य रहेकोमा जोड दिएका थिए ।

उनीहरूले बढ्दो उपभोगमुखी प्रवृत्तिका बीच आय र खर्चको सन्तुलन कायम गर्दै भविष्यका लागि बचत गर्ने बानी विकास गर्न युवापुस्ताले वित्तीय ज्ञान हासिल गर्नुपर्नेमा जोड दिएका थिए ।

कार्यक्रममा त्रिभुवननगर जेसीजका सदस्य तथा चार्टर्ड एकाउन्टेन्ट (सि.ए.) दिपक सेट्ठीले वित्तीय साक्षरतासम्बन्धी विद्यार्थीलाई प्रशिक्षण दिएका थिए ।

कार्यक्रममा प्रमुख अतिथि वडा अध्यक्ष रमेश पाण्डेय, अम्बिकेश्वरी क्याम्पसका प्रमुख चन्द्रप्रकाश खनाललगायतले शुभकामना मन्तव्य व्यक्त गर्दै यस्ता कार्यक्रमले युवामा सकारात्मक सोच र आर्थिक चेतना विकास गर्न महत्वपूर्ण भूमिका खेल्ने विश्वास व्यक्त गरेका थिए।

कार्यक्रम संयोजक रेमन्ता पुनको स्वागत मन्तव्यबाट सुरु भएको कार्यक्रममा जेसीज सप्ताहका बारेमा सप्ताहव्यापी कार्यक्रमकी मुल संयोजक एवं कार्यकारिणी उपाध्यक्ष आराधना सिंह ठकुरीले जानकारी गराएकी थिइन् ।

कार्यक्रममा दीपा पुनले जेसीज आस्थापाठ गराएकी थिइन् भने कार्यकारिणी उपाध्यक्ष भीमा डिसीले धन्यवाद ज्ञापन गरेकी थिइन् । कार्यक्रमको सहजीकरण महासचिव बसन्ती सुवेदीले गरेकी थिइन् ।

दाङ महिला जेसीजले जेठ २३ देखि ३० गतेसम्म विभिन्न सामाजिक, शैक्षिक,साहित्यिकसँगै चेतनामुलक कार्यक्रम गरि ‘जेसीज सप्ताह–२०२६’ मनाउन थालेको छ ।

सप्ताहव्यापी कार्यक्रमअन्तर्गत पाँचौ दिन दाङ महिला जेसीजले बुधबार बिहान घोराहीमा स्लो स्कुटी रेस प्रतियोगिता आयोजना गरेको छ । जिल्ला ट्राफिक प्रहरी कार्यालय दाङसँगको सहकार्यमा आयोजना गरेको उक्त कार्यक्रम विहान सात बजेदेखि घोराही–१५ स्थित जिल्ला समन्वय समिति अगाडिको सडकमा सुरु हुने दाङ महिला जेसीजले जनाएको छ ।

09/06/2026

हाप्किडो च्याम्पियनका विजेता खेलाडीलाई शुभ सन्देश घॊराहीमा सम्मान

दाङ, २६ जेठ । घोराही उपमहानगरपालिका–१४ मा रहेको शुभ सन्देश शिक्षा सदनले ‘तेस्रो राष्ट्रिय प्रोफेसनल हाप्किडो च्याम्पियन–२०८३’ का विजेता खेलाडीलाई सम्मान गरेको छ।

बाँकेको नेपालगञ्जमा सम्पन्न प्रतियोगितामा दोस्रो स्थान हासिल गर्न सफल विद्यालयका खेलाडीलाई मंगलबार कार्यक्रमको आयोजना गरेर सम्मान गरिएको हो। विद्यालयका प्रिन्सिपल थम्मनबहादुर बस्नेतको अध्यक्षता तथा विद्यालय सञ्चालन समितिका अध्यक्ष डा. शिवकुमार सुवेदीको प्रमुख आतिथ्यतामा सम्पन्न कार्यक्रममा विजेता खेलाडीलाई टीका तथा खादालगाएर सम्मान गरिएको थियो।

प्रतियोगितामा शुभ सन्देश शिक्षा सदनको टोलीले २३ स्वर्ण, १४ रजत र ४ कांस्य पदक जित्दै उत्कृष्ट प्रदर्शन गरेको थियो। प्रतियोगितामा विद्यालयका विद्यार्थी विवेक विक उत्कृष्ट खेलाडी घोषित भएका थिए। त्यस्तै, डेमोस्टेसन प्रदर्शनतर्फ पनि शुभ सन्देश शिक्षा सदनको टोली प्रथम हुन सफल भएको थियो।

कार्यक्रममा विद्यालय व्यवस्थापन, शिक्षक, अभिभावक तथा विद्यार्थीहरूको उपस्थिति रहेको थियो। बाँके जिल्ला हाप्किडो संघको आयोजनामा जेठ २१ गतेदेखि २४ गतेसम्म नेपालगञ्जमा सञ्चालन भएको उक्त प्रतियोगितामा देशका विभिन्न जिल्लाका खेलाडीहरूको सहभागिता रहेको थियो।

09/06/2026

गृहमन्त्रीमा गुरुङको पुनरागमन, महावीर पुनलाई नवप्रवर्तनमन्त्रीको जिम्मेवारी

दाङ। प्रधानमन्त्री बालेन्द्र (बालेन) शाहले मन्त्रिपरिषद् विस्तार गर्नुभएको छ । आज दुई जना मन्त्री नियुक्त गर्दै प्रधानमन्त्री शाहले मन्त्रिपरिषद् विस्तार गर्नुभएको हो ।

प्रधानमन्त्री शाहको सिफारिशमा राष्ट्रपति रामचन्द्र पौडेलले गृहमन्त्रीमा सुधन गुरुङ र विज्ञान, प्रविधि तथा नवप्रवर्तनमन्त्रीमा महावीर पुनलाई नियुक्त गर्नुभएको हो । नवनियुक्त मन्त्रीले आजै राष्ट्रपतिसमक्ष पद तथा गोपनीयताको शपथ लिनुभएको छ ।

सुधन गुरुङले दोस्रो पटक गृह मन्त्रालयको जिम्मेवारी पाउनुभएको हो । फागुन २१ गते भएको प्रतिनिधिसभा सदस्य चुनावमा गोरखा–१ बाट निर्वाचित उहाँ यसअघि २७ दिन गृहमन्त्री बन्नुभएको थियो ।

गुरुङ गएको चैत १३ गते गृहमन्त्रीमा नियुक्त हुनुभएको थियो । तर सम्पत्ति विवरणको स्रोतमाथि विवाद हुँदा उहाँले वैशाख ९ गते पदबाट राजीनामा दिनुभएको थियो । त्यसपछि छानबिन भएको थियो । छानबिनबाट ‘क्लिनचिट’ पाएसँगै गुरुङ गृह मन्त्रालयमा फर्किनुभएको हो ।

महावीर पुन म्याग्दीबाट निर्वाचित स्वतन्त्र सांसद हुनुहुन्छ । उहाँ तत्कालीन सुशीला कार्की नेतृत्वको सरकारमा शिक्षामन्त्री बन्नुभएको थियो ।

09/06/2026

शपथ ग्रहणको लागि शितल निवास पुगे सुदन गुरुङ र महावीर पुन

Nepal press

09/06/2026

दाङकॊ घोराहीमा लुम्बिनी प्रदेशस्तरीय आईटीएफ तेक्वान्दो प्रतियोगिता हुने

दाङ, २६ जेठ । दाङको घोराहीमा लुम्बिनी प्रदेशस्तरीय आइटीएफ तेक्वान्दो प्रतियोगिता–२०८३ हुने भएको छ । प्रदेश खेलकुद परिषद् लुम्बिनीको आयोजनामा आउने असार ८ र ९ गते घोराहीमा प्रदेशस्तरीय आईटीएफ तेक्वान्दो प्रतियोगिता हुने भएको हो ।

परिषद्ले जिल्ला खेलकुद विकास समितिहरूलाई पत्राचार गर्दै प्रतियोगिताका लागि खेलाडी छनोट गरी सहभागिता सुनिश्चित गर्न अनुरोध गरेको छ । प्रतियोगितामा सहभागी हुन इच्छुक खेलाडीको दर्ता असार ५ गते दिउँसो १२ बजेसम्म गरिसक्नुपर्नेछ ।

प्रतियोगितामा महिला तथा पुरुष दुवैतर्फ विभिन्न तौल समूहमा स्पारिङ तथा प्याटर्न विधामा प्रतिस्पर्धा हुनेछ । जसअन्तर्गत महिलातर्फ ४०–४५, ४५–५०, ५०–५५, ५५–६० तथा ६० केजीमाथि तौल समूह समावेश गरिएको छ भने पुरुषतर्फ ४५–५०, ५०–५५, ५५–६०, ६०–६५ तथा ६५ केजीमाथि तौल समूह निर्धारण गरिएको छ । यसका साथै रेड बेल्ट, ब्लु बेल्ट र ब्ल्याक बेल्ट प्रथम डानका खेलाडीहरूबीच पनि प्रतिस्पर्धा हुनेछ ।

प्रदेशस्तरको प्रतियोगिताले आईटीएफ तेक्वान्दो खेलको विकास, खेलाडीको क्षमता अभिवृद्धि तथा राष्ट्रियस्तरका प्रतियोगिताका लागि उत्कृष्ट खेलाडी उत्पादनमा सहयोग पुग्ने अपेक्षा गरिएको छ । प्रतियोगितासम्बन्धी थप जानकारीका लागि परिषद्का प्रशासन प्रमुख अमृत केसी तथा सुरेन्द्र चौधरीसँग सम्पर्क गर्न सकिने जनाइएको छ ।

09/06/2026

भारतीय नागरिकलाई नागरिकता दिएको आरोपमा दाङमा एक वडाध्यक्षसहित चार जना पक्राउ

दाङ । भारतीय नागरिकलाई गैरकानुनी ढंगले नागरिकता दिलाउन भूमिका खेलेको पाइएपछि दाङमा एक वडाध्यक्षसहित चार जना पक्राउ परेका छन् ।

पक्राउ पर्नेमा राजपुर गाउँपालिका– ४ का वडाध्यक्ष ६५ वर्षीय रामेश्वर अहिर, कपिलवस्तु जिल्लाको कृष्णनगर नगरपालिका– ९ घर भएका राजपुर– ४ का वडा सचिव तथा स्थानीय पञ्जिकाअधिकारी ४७ वर्षीय राजेशकुमार कहर, वडाको कार्यालय सहायक ३४ वर्षीया मीना चौधरी र राजपुर– ४ का ४५ वर्षीय आलम जोल्दा रहेका छन् ।

पक्राउ परेका चारै जनालाई सोमबार नै जिल्ला अदालतले ५ दिन थुनामा राखेर अनुसन्धान गर्न अनुमति प्रदान गरिसकेको छ । उनीहरु चार जनासहित नागरिकतामा हस्ताक्षर गरेका इलाका प्रशासन कार्यालय लमहीका तत्कालीन कार्यालय प्रमुख प्रेमबहादुर खवास र भारतीय नागरिक आयशा जोल्दाकाविरुद्ध प्रहरीले गत जेठ २० गते जिल्ला अदालतबाट पक्राउ पुर्जी लिएको थियो ।

चार जना पक्राउ परे पनि तत्कालीन कार्यालय प्रमुख खवास र भारतमा बिहे भइ गएकी आयशा पक्राउ परेका छैनन् । उनीहरु दुई जनालाई प्रहरीले खोजी गरिरहेको इलाका प्रहरी कार्यालय गढवाका प्रमुख डबलबहादुर बमले बताउनुभयो ।

पक्राउ परेका वडाध्यक्ष अहिर लगातार दोस्रो कार्यकालका लागि वडाध्यक्षमा निर्वाचित हुनुभएको थियो । २०७५ कात्तिक २८ गते वंशजका आधारमा बुवा सुनाउल्ला जोल्दाको नामबाट ४५ वर्षीय आलम जोल्दाले नागरिकता प्राप्त गरेको देखिएको छ ।

जोल्दाले त्यो नागरिकता इलाका प्रशासन कार्यालय लमहीबाट प्राप्त गरेको खुलेको छ । जसमा तत्कालीन प्रशासन प्रमुख खवासको हस्ताक्षर छ । भारतीय नागरिक भनिएका आलमलाई नागरिकता दिलाउन आयशा सूचक बसेकी छन् । जसको बिहे भारतमा भएको छ ।

इलाका प्रहरी कार्यालय गढवाका प्रमुख बमका अनुसार सनाउल्लाको मृत्यु २०३८ वैशाख १५ गते भएको भनिएको छ । तर सरकारी अभिलेखमा उनको मृत्यु २०५८ वैशाख ११ गते भएको देखिएको छ ।

२०७४ सालमा निकालिएको नागरिकताको प्रतिलिपिमा पनि बाबुको मृत्युको विवरण फरक देखिएको प्रशासनले बताएको छ । आलाम जोल्दाको नागरिकताबारे अनुसन्धान गर्न २०८१ सालमा अख्तियार दुरुपयोग अनुसन्धान आयोगले प्रहरीलाई पत्राचार गरेको थियो । सोही पत्रका आधारमा प्रहरीले वडाध्यक्षसहित चार जनालाई पक्राउ गरेको हो ।

09/06/2026

विकासले जोडिदै तुईदाङ

तुईदाङ उपत्यकालाई दाङ उपत्यकासँग जोड्ने अकमी–रनियापुर सडकखण्डको स्तरोन्नतिको काम अन्तिम चरणमा पुगेको छ ।

जलकुण्डी–बाघखोर–मानपुर–बिजौरी हुँदै रोल्पाको दहवन जोड्ने सडकअन्तर्गत तुलसीपुर उपमहानगरपालिका–१३ र १४ को सीमा क्षेत्रमा पर्ने पहाडमा संघीय सरकारको दुई करोड ४६ लाख रुपैया खर्च गरेर सडक ढलानसँगै ग्राभेल, नाला निर्माणलगायतको काम भइरहेको छ ।

09/06/2026

दाङमा ट्रकको पछाडि मोटरसाइकल ठोक्किँदा चालकको मृत्यु

दाङ, २६ जेठ । दाङको देउखरीमा ट्रकको पछाडि मोटरसाइकल ठोक्किँदा मोटरसाइकल चालकको मृत्यु भएको छ भने अर्का एक जना गम्भीर घाइते हुनुभएको छ।

पूर्व–पश्चिम राजमार्गअन्तर्गत लमही नगरपालिका–५ रातोडाँडामा रोकिएको ट्रकको पछाडि मोटरसाइकल ठोक्किँदा लमही नगरपालिका–७ हसनापुर निवासी मोटरसाइकल चालक करिव ३७ वर्षीय जीवन गिरीको मृत्यु भएको जिल्ला प्रहरी कार्यालय दाङ सुचना अधिकारी एवं प्रहरी‌ नायव उपरीक्षक डा हेमबहादुर केसीले जानकारी दिनुभएको छ।

लमही बजारबाट पश्चिमतर्फ जाँदै गर्दा मंगलबार बिहान करिब ५ बजेतीर पूर्व–पश्चिम राजमार्गअन्तर्गत बिग्रिएर सडक किनारमा रोकिएको ना ५ ख ९३३६ नम्बरको ट्रकको पछाडि लु १२ प ९८४० नम्बरको मोटरसाइकल ठोक्किदा मोटरसाइकल चालक गिरी गम्भीर घाइते हुनुभएको थियो।

गम्भीर घाइते गिरीलाई उपचारका लागि लमही अस्पताल लगिएकोमा‌ चिकित्सकले मृत घोषणा गरेका थिए
मोटरसाइकलमा सवार सोही ठाउँ नि्वासी करिव ३२ वर्षीय धनिराम चौधरी गम्भीर घाइते भएको प्रहरीले जानकारी दिएको छ । घाइते चौधरीको राप्ती स्वास्थ्य विज्ञान प्रतिष्ठान, घोराहीमा उपचार भइरहेको प्रहरीले जनाएको छ।

प्रारम्भिक अनुसन्धानका मोटरसाइकल रोकिएको ट्रकको पछाडि ठोक्किँदा दुर्घटना भएको देखिएको प्रहरीले जानकारी दिएको छ।

Rajmarg Online

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

Address

Website

Alerts

Contact The Business

Shortcuts

Share

Category