Janata Abhiyan, Dewanganj Rural Munciplity, Inarwa (2026)

04/06/2026

Celebrating my 5th year on Facebook. Thank you for your continuing support. I could never have made it without you. 🙏🤗🎉

17/02/2026

केही वर्षअघिसम्म लथालिंग, अस्तव्यस्त र जीर्ण अवस्थामा रहेको रंगेली अस्पताल नगर अस्पतालका रूपमा रूपान्तरण भएपछि निजी अस्पतालभन्दा अब्बल बनेको छ । निजी अस्पतालभन्दा सुव्यवस्थित नगर अस्पताल एक पटक होइन, तीन–तीन पटक देशकै सर्वोत्कृष्ट अस्पतालका रूपमा घोषित् भएको छ ।

निवर्तमान नगरप्रमुख दिलीप बगडियाको इच्छाशक्ति, नगरपालिकाको कुशल व्यवस्थापन, अस्पताल प्रशासनको चुस्तता र सबैको साझा प्रयासले गर्दा न्यूनतम सेवा मापदण्डका विभिन्न सूचकका आधारमा गरिएको मूल्यांकनमा स्थानीय तहमातहत सञ्चालन भएका देशभरका अस्पतालमध्ये रंगेली नगर अस्पताल सर्वोत्कृष्ट ठहरिँदै आएको छ ।

सुशासन, व्यवस्थापन, क्लिनिकल म्यानेजमेन्ट र हस्पिटल सेवा सूचकका आधारमा पछिल्लो तीन वर्षयता रंगेली अस्पतालले छलाङ मार्दै आएको छ ।

रंगेलीमा स्थानीय सरकार प्रमुखका रूपमा दिलीप बगडिया आउनुअघि एउटा प्रमुख समस्याका रूपमा स्वास्थ्य नै थियो । बिरामी पर्दा स्वास्थ्यको हब मानिएको विराटनगर जानैपर्ने बाध्यता यहाँका नागरिकमा थियो ।

तत्कालीन रंगेली अस्पताल सुबिधाविहीन भएकै कारण एउटा रिफर सेन्टरका रूपमा मात्र सीमित थियो । शतप्रतिशत बिरामी रिफर भएर विराटनगरको कोशी अस्पताल जाने गरेकामा अहिले त्यस्तो बाध्यता टरेको छ ।

नगरपालिकाले सञ्चालन गर्नुअघि चिकित्सकको अभाव रहने, आएका चिकित्सकहरू पनि लामो समय बस्न नचाहने समस्या थियो । तर, अहिले नगरपालिकाले करारमा चिकित्सक नियुक्त गर्न थालेपछि डाक्टर र स्वास्थ्यकर्मीको समस्या छैन ।

स्थानीय सरकारको नेतृत्व गर्दै बगडियाको आगमनले नगर अस्पतालसँगै रंगेलीको समग्र स्वास्थ्य क्षेत्रले छलाङ मारेको नगर-उपप्रमुख भूमा पराजुलीको धारणा छ ।

बगडिया नेतृत्वको जनप्रतिनिधिहरूसहित अस्पतालका चिकित्सक, स्वास्थ्यकर्मी र कर्मचारी सबैको प्रयासबाट रंगेली अस्पताललाई नमूना अस्पताल बन्न सफल भएको उनले बताइन् ।

उनका अनुसार यसअघि रंगेली र कानेपोखरी, सुनवर्षी नगरपालिका, रतुवामाई नगरपालिका, धनपालथान गाउँपालिका बिरामीले विराटनगरको कोशी अस्पतालमा नेताको पहुँच लगाएर उपचार गर्नुपर्ने बाध्यता थियो ।

उक्त समस्यालाई मध्येनजर गरेर रंगेली नगर अस्पताललाई ‘अपग्रेड’ गरेका दिलीप बगडियाले रंगेलीसँगै मोरङ निर्वाचन क्षेत्र नम्बर २ लाई स्वास्थ्य, शिक्षाको पहुँचमा राख्ने लक्ष्य लिएका छन् ।

आसन्न प्रतिनिधिसभा सदस्यको चुनावमा होमिएका बगडियाले यो अस्पताललाई भविष्यमा अझ सुबिधासम्पन्न बनाउनेमात्रै नभएर क्षेत्रभरि रहेका स्वास्थ्य संस्थालाई यसैगरी सुधार्ने प्रतिबद्धता जनाएका छन् ।

सरकारबाट प्राप्त सशर्त कार्यक्रम र नगरको आफ्नो बजेटबीच तालमेल मिलाउने कुरामा सक्षम बनिदिँदा नगरले जनतालाई अनुभूत हुनेगरी स्वास्थ्य क्षेत्रमा विकास गरेको हो ।

स्थानीय तहको स्वास्थ्य सेवामा विश्वसनीयता थप्न नगरले स्वास्थ्य संस्थाको भौतिक विकासमा मात्र जोड दिएको छैन, अत्याधुनिक स्वास्थ्य उपकरण र विशेषज्ञ चिकित्सकहरूको सहायतामा भरपर्दो सेवा पनि दिइरहेको छ ।

कागजी रूपमा १५ बेडको यो अस्पतालले यस क्षेत्रका बिरामीहरू आवश्यकतालाई मध्येनजर गर्दै ५५ बेडमा सञ्चालन गरिरहेको छ । आकस्मिक कक्षमा मात्रै १६ बेड राखेर सञ्चालन भइरहेको छ ।

आफ्नै अत्याधुनिक ल्याब, भिडियो एक्सरे, जनरल अप्रेसन कक्ष, फार्मेसी, प्रसूति कक्ष र आधुनिक आपतकालीन कक्ष यहाँ उपलब्ध छन् । यस्तै, दन्तसेवा, डाइलेसिस सेवा र जेनस्पोट अर्थात् टिबीका बिरामीको परीक्षण अनि संस्थागत क्लिनिकलगायत सेवा रंगेली नगर अस्पतालमा उपलब्ध छ ।

यसैले पनि बिरामीहरूको चाप हुने यो अस्पतालबाट करिब ५०० जनाले दैनिक रूपमा बहिरंग सेवा लिने गरेका छन् भने प्रत्येक महिना २०० जना आमाहरूले प्रसूति सेवा लिने गरेको अस्पतालको तथ्यांक छ । प्रसूतिका जटिलभन्दा जटिल प्रकृतिका केसहरू पनि समाधान हुने गरेको छ ।

अझ, दिलीप बगडियाको ‘थिम’ अनुसार नगरभित्रका एक हजार आठ सय ८३ जनालाई बिमा गरिदिएर नगरपालिकाले नगर अस्पतालमा एक लाख रुपैयाँसम्मको निःशुल्क स्वास्थ–उपचार गरिरहेको छ । जसले गर्दा नगरबाट आर्थिक सहायता दिनुपर्ने बाध्यता टरेको छ ।

यी र यावत कुरामा बगडियाको राम्रो योगदान छ । तर, उनी भने सबैको साझा प्रयासले गर्दा रंगेली नगर अस्पताल देशकै सर्वोत्कृष्ट बनेको र नगरभित्र र बाहिरका बिरामीले निर्धक्कका साथ सेवा लिन सम्भव भएको बताउँछन् ।

रंगेलीको स्वास्थ्य क्षेत्रमा क्रान्ति ल्याउने दिलीप बगडिया अहिले प्रतिनिधिसभा सदस्यका उम्मेदवार छन् ।

अहोरात्र खटिएर नगर अस्पतालको मुहार फेर्न सफल उनी मोरङ निर्वाचन क्षेत्र नम्बर २ का जनतालाई यहीँबाट सबै सुबिधा दिने चाह बोकेर अगाडि बढिरहेका छन् । नयाँ–नयाँ प्रविधि आत्मसात् गरी यही अस्पतालमा सरकारबाट पाउने उपचारलाई थप सहज र सुलभ बनाउने उनको जीवनको लक्ष्य छ ।

13/02/2026

रंगेलीलाई कायापलट गरेका दिलीप बगडिया, जसको अबको चाह ‘क्षेत्र विकास’

स्थानीय सरकार प्रमुखका रूपमा रहेर संघ र प्रदेश सरकारका योजनाहरूलाई कार्यान्वयन गर्न सिपालु मेयरका रूपमा चिनिने एउटा नाम हो, दिलीप बगडिया । दुई कार्यकाल रंगेली नगरपालिका प्रमुखको रूपमा रही नगरलाई कायापलट गरेका उनै बगडिया अब क्षेत्र विकास गर्न तम्सिएका छन् ।

रंगेलीका लागि मरिमेट्ने बगडिया हाल मोरङ निर्वाचन क्षेत्र नम्बर २ बाट प्रतिनिधिसभा सदस्यका उम्मेदवार बनेका छन् । क्षेत्रमा सर्वांगीण विकास गर्ने लक्ष्यका साथ बगडियाले सांसद बन्ने चाह राखेपछि मोरङ–२ का क्षेत्रबासीमा उत्साह र उमंग थपिएको छ ।

आसन्न प्रतिनिधिसभा सदस्यको निर्वाचनको तयारीमा होमिएका बगडियाले संघीय सरकार र कोशी प्रदेश सरकारका योजनालाई कार्यान्वयन मात्र गरेनन् नगरसँग भएकै स्रोत–साधनको उचित प्रयोग गरी रंगेलीलाई हराभरा बनाए ।

पहिले वर्षायाममा हिलाम्मे र हिउँदयाममा धुलाम्मे हुने हुलाकी राजमार्गको विस्तार एवम् सौन्दर्यीकरणमा उनले गरेको पहलले सार्थकता पाएपछि नगरबासीले राहतको सास फेर्न पाए । जसकारण हुलाकी राजमार्गको ७ किलोमिटर सडक अन्य पालिकाभन्दा छिटो कालोपत्रे भयो अनि थप आकर्षित पनि भयो । ‘पिच’ गरिएको सडकको बीचमा ‘गार्डेनिङ’ गरेका उनले सडकबत्ती बालेर थप सुन्दर बनाए ।

हुलाकी राजमार्ग त एउटा उदाहरण हो, आठ वर्षे कार्यकालमा बगडियाले रंगेली नगरभित्र ७५ किलोमिटर सडक कालोपत्रे गरे । तीमध्ये १५ किलोमिटर सडकको डिभाइडर र पेटीमा विभिन्न प्रजातिका फूल–बिरुवा उनले रोपेका छन् । बगडियाकै योजनाअनुसार थप सडक कालोपत्रे बनाउने काम पनि भइरहेकै छ । आफ्नो कार्यकालभरिमा उनले ११५ वटा कल्भर्ट पनि बनाए ।

मेयरका रूपमा संघ र प्रदेश सरकारसँग पहल गरी योजना ल्याउन सफल भएका बगडिया संघीय संसद् पुगेर बृहत्त् रूपमा क्षेत्र विकास गर्ने लक्ष्यका साथ चुनावी मैदानमा होमिएका छन् । सत्ताका लागि नभएर जनतालाई आवश्यक पर्ने सर्वांगीण विकास गर्ने उद्देश्य लिएर अगाडि बढेका बगडियाले स्वास्थ्य क्षेत्रमा पनि उत्तिकै काम गरेका छन् । नगरमातहतकै अस्पताल भए पनि यो अस्पतालबाट छिमेकी पालिका र भारतसम्मका बिरामी लाभान्वित छन् ।

यस्तै, उनले रंगेलीको मुख्य बजारमा साढे तीन बिघा जमिनमा २२ करोड रुपैयाँ लागतमा कृषि बजार निर्माण गरेका छन् । आफ्नो घरको उत्पादन ढाकीमा बोकेर बजार तथा सडकमा बिक्री गर्ने स्थानीय किसानलाई मध्येनजर गरे नयाँ बनेको बजारमा कुनै शुल्क नलाग्ने व्यवस्था मिलाएका उनले रंगेलीको अर्को बजार दोहमानालाई चिटिक्क बनाएका छन् । २१ करोड रुपैयाँको लागतमा बनेको यो बजारमा भने पशु हाटका लागि पनि संरचना बनाइएको छ, जसकारण उत्तरी भेगका रंगेलीबासीलाई सुविधा मिलेको छ ।

त्यसबाहेक उनले रंगेलीका लागि एक दर्जन गौरवका योजना सञ्चालन गरेका छन् । १२ करोडको लागतमा मुख्यमन्त्री अत्यावश्यक केन्द्र बनाएका छन्, उनले । जहाँ रंगेलीसँगै सुनवर्षी, कानेपोखरी र धनपालथान गरी चार पालिकाको संयुक्त दमकल, एम्बुलेन्स र स्वास्थ्यकर्मी तैनाथ रहन्छन् ।

विपद् ब्यवस्थापनका लागि बनाइएको यो केन्द्र नेपालकै नमुना हो । त्यसैगरी, रंगेली–४ मा केही गहिरो भागमा रहेको २० बिघा क्षेत्रफलको जमिनलाई सिमसार क्षेत्र बनाएर पर्यटकीय तथा रमणीय स्थल निर्माण गर्नका लागि उनले पहलकदम लिएका छन् । संसारी माइस्थान मन्दिरको परियोजना पनि उनको पहलमा संघीय र प्रदेशको योजनाअनुरूप बनेको हो ।

संघ र प्रदेश सरकारबाट योजना भित्र्याउने क्षमता भएका बगडियाले रंगेलीको मुहार फेर्ने कुरामा कुनै कसर छोडेका छैनन् । नगरबासीलाई इन्टरनेटको पहुँचमा पुर्‍याउन १३२ स्थानमा फ्रि वाइफाइ जडान गरेका उनले सहरको सुरक्षालाई मध्येनजर गरेर ४८ स्थानमा सिसी क्यामेरा जडान गरेका छन् ।

विपद व्यवस्थापनअन्तर्गत बाढी प्रभावित क्षेत्रमा खोलाको तटबन्धन निर्माण, सामुदायिक विद्यालयमा व्यापक सुधार, स्वच्छ खानेपानी योजना विस्तार, ढल निकास तथा फोहोर व्यवस्थापन, सार्वजनिक भवन, सामुदायिक हल र पार्क निर्माण, महिला, युवा किसान र सामाजिक समूह सशक्तीकरण र रोजगार तथा सिपमुलक तालिमका लागि उनले व्यापक काम गरेका छन् ।

समग्रमा बगडियाले स्थानीय तह शक्तिशाली बन्दा त्यसको असर विकास निर्माणको काममा देखिन्छ भन्ने एउटा गतिलो उदाहरण प्रस्तुत गरेका छन् ।

13/02/2026

काठमाडौंपछिको सबैभन्दा धेरै निर्वाचन क्षेत्र भएको जिल्ला हो, मोरङ । ‍अनि आसन्न प्रतिनिधिसभा सदस्य निर्वाचनमा मोरङको कुनै एउटा क्षेत्रबाट सबैभन्दा धेरै उम्मेदवार बन्नेरू छन्, भने त्यो मोरङ–५ हो ।
तर, मोरङमै थोरै मतदाता भएको क्षेत्र पनि यही क्षेत्र हो । एक लाख १० हजार एक सय ७७ मतदाता रहेको मोरङ–५ बाट संघीय सांसद बन्ने दाउमा १४ दलका र ८ स्वतन्त्र गरी २२ जनाको उम्मेदवारी परेको छ । मोरङका अन्य निर्वाचन क्षेत्रभन्दा पिछडिएको मोरङ–५ लाई उकास्ने प्रयास यसअघिका विजेता सांसदहरूले गरे पनि सार्थकता पाउन सकेको थिए ।

यसअघि २०७४ यहाँबाट तत्कालीन नेकपाका शिवकुमार मण्डल कांग्रेसका अमृत अर्याललाई हराएर संघीय संसद प्रवेश गरेका थिए । २०७९ सालको निर्वाचनमा कांग्रेससँग चुनावी गठबन्धन गर्दा पनि मण्डलले जित्न सकेनन् । बरु, एमालेबाट बाघी उम्मेदवार बनेका योगेन्द्र मण्डलले फराकिलो मतान्तरको जित हात पारे ।

पछिल्ला दुई निर्वाचनमा एमालेले भने यो क्षेत्रबाट आफ्नै चुनाव चिह्नमा भोट हाल्न पाएको थिएन । तर, यसपालि दलहरूले छुट्टाछुट्टै चुनावी प्रतिस्पर्धा रोज्दा एमालेले मनोजकुमार अग्रवाल यस क्षेत्रको उम्मेदवार बनेका छन् ।
अग्रवालले आफ्नो सामाजिक छवि र सांगठनिक बललाई मुख्य चुनावी आधार बनाउँदै चुनावी मैदानमा उत्रिएका हुन् । लामो समयदेखि विभिन्न सामाजिक, धार्मिक र शैक्षिक संघसंस्थामा सक्रिय अग्रवालले यसपटक आफ्नो क्षेत्रको समग्र विकास र गरिबी निवारणलाई मुख्य एजेन्डा बनाएका छन् ।

रंगेली गोचर गौशालाको दुई कार्यकाल उपाध्यक्ष र तिरुपति आर्यघाट व्यवस्थापन समितिको अध्यक्षका रूपमा सामाजिक सेवामा स्थापित भइसकेका अग्रवालले पब्लिक माध्यमिक विद्यालयको पूर्व विद्यार्थी मञ्च र नेपाल राष्ट्रिय मारवाडी युवा संगठनको पूर्व महासचिव भएको पृष्ठभूमीबाट राजनीतिमा छन् । सुनचाँदी व्यवसायलाई पूर्ण रूपमा परिवार र साथीहरूको जिम्मा लगाएर उनी अहिले राजनीतिमा होमिएका हुन् । उनले समाजको तल्लो तहका जनताको जीवनस्तर सुधार्नु नै आफ्नो मुख्य लक्ष्य रहेको स्पष्ट पारेका छन् ।

आफ्नो निर्वाचन क्षेत्रमा बिहान–बेलुकाको हातमुख जोड्ने समस्या झेलिरहेका विपन्न वर्गलाई गास, बास र कपासको ग्यारेन्टी गर्ने प्रतिबद्धता जनाएका छन् । उनले प्रत्येक पालिकामा एक खेलकुद मैदान र एक सुविधासम्पन्न अस्पताल निर्माण गर्ने योजना अघि सारेका छन् । यस्तै, स्थानीय खोलानालाको सदुपयोग गरी सिँचाईको व्यवस्था गर्ने, तटबन्ध निर्माण र धार्मिक तथा सांस्कृतिक पर्यटनका माध्यमबाट रोजगारी सिर्जना गर्ने उनको योजना छ ।

युवा पलायनको समस्याप्रति लक्षित गर्दै अग्रवालले स्वदेशमै रोजगारीका अवसरहरू सिर्जना गर्ने र ब्यवसाय गर्न चाहने युवाहरूको लागि राज्यस्तरबाटै न्यून वा शून्य ब्याजदरमा ऋणको व्यवस्था गर्ने नीतिगत योजना आफ्नो परिवर्तनका योजना उनको छ । नेकपा एमालेको बलियो सांगठनिक संरचना र आफ्नो दशकौँ लामो सामाजिक संलग्नता नै जितको मुख्य आधार भएको दाबी उनले गरेका छन् । पिछडिएको यस क्षेत्रलाई एमालेको नेतृत्वमा ‘सुखी र समृद्ध’ बनाउने चाहनाका साथ आफू उम्मेदवार बनेको उनको धारणा छ ।

26/01/2026

पर्सा जिल्लाकै कान्छी पाइलट बनिन् आयुशा
पर्सा जिल्लाकै सबैभन्दा कान्छी पाइलट बनेर आयुषा कापरीले नेपालको उड्डयन क्षेत्रमा इतिहास रचेकी छिन्। परम्परागत रूपमा पुरुषको वर्चस्व रहेको यस क्षेत्रमा उनको यो उपलब्धि नेपाली महिलाहरूको क्षमता, आत्मविश्वास र सम्भावनाको एक बलियो प्रतीकको रूपमा उभिएको छ।
सन् २००४ जुलाई १५ पर्साको वीरगन्जमा जन्मिएकी आयुषाको बाल्यकाल देखि नै पाइलट बन्ने सपना थियो। जुन सपना अहिले आएर पूरा भएको छ।

30/12/2025

पूर्व पश्चिम राजमार्ग अन्तर्गत रौतहटको चन्द्रनिगाहपुर–धन्सार खण्डमा मङ्गलबार बिहान दुर्घटनाग्रस्त एलपी ग्याँस बुलेट । बीच सडकमा दुर्घटना हुँदा सडक अवरुद्ध भएको छ भने आसपासको क्षेत्रमा जोखिम बढेको छ ।
तस्बिर/रमेश तिमलसिना/रासस

27/12/2025

भाेक्राहा नरसिंह गाउँपालिका वाठ नं १ बस्ने रामनारायण मेहताले राष्ट्रिय स्वतन्त्र पार्टीको सदस्यता लिएका हुन् ।
शुभकामना ।

15/12/2025

मन्दिरको दान–सम्पत्तिमा समान व्यवहारको माग
हिन्दु सम्राट सेना मोरङ जिल्लाका अध्यक्ष जेपी पाण्डेले मठ–मन्दिरबाट उठ्ने दान, भेटी तथा सम्पत्तिमा राज्यले अपनाइरहेको नीतिप्रति प्रश्न उठाएका छन्। उनले मस्जिद र चर्चजस्ता अन्य धार्मिक संस्थाबाट कर नलिँदा हिन्दु मन्दिरको दान सरकारलाई बुझाउनुपर्ने बाध्यता असमान र अन्यायपूर्ण भएको बताएका छन्।

पाण्डेले मन्दिरमा चढाइएको दान श्रद्धालुको आस्थासँग जोडिएको उल्लेख गर्दै उक्त रकम धर्म, संस्कृति, शिक्षा, सेवा र संरक्षणमै खर्चिनु पर्ने धारणा व्यक्त गरेका छन्। धर्मनिरपेक्षताको मर्म सबै धर्मप्रति समान व्यवहार हुनु पर्ने भन्दै उनले यस विषयमा शान्तिपूर्ण र लोकतान्त्रिक ढंगले आवाज उठाउन सबै नागरिकलाई आग्रह गरेका छन्।

15/12/2025

दुहवी नगरवासीका लागी खुशीको खबर : दुहवी नगर आधारभूत अस्पतालको समुद्घाटन समारोहको तस्बिरहरु....

15/12/2025

झुक्किएर कार्यकर्ताले आलोचकलाई काउन्टर दिन बनाएको एआई फोटो पोस्ट गरेछुः महेश बस्नेत

Janata Abhiyan

04/06/2026

17/02/2026

13/02/2026

13/02/2026

26/01/2026

30/12/2025

27/12/2025

15/12/2025

15/12/2025

15/12/2025

Address

Telephone

Website

Alerts

Contact The Business

Shortcuts

Share

Category