26/09/2024
द्रव्यपिपासु नेता, वकिल, इन्जिनियर, जनप्रतिनिधि, पत्रकार, कर्मचारीको भिलिभगतले देश कंगाल बनाएको तथ्य अब कसैका सामु छिप्ला र ? यिनीहरुको अहिलेसम्मको प्रशिक्षण र अनुभवबाट नयाँ पुस्ताले कसरी आफुलाई देश र जनताको पक्षमा उभ्याउने ? यस कारणले पनि अब ६० वर्ष कटेका सबैले अब द्रव्यमोह हटाएर परिवारमा नातिनातिनालाई सभ्य र सुसंस्कृत बनाउने अभियानमा जुट्नु पर्दछ र देश युवा पुस्ताको हातमा सुम्पिनु पर्दछ तब मात्र यो देशले स्वच्छ सास फेर्ला । जीवनभर कुकर्म गरे पनि मर्ने बेलामा पाएको अवसरलाई त सहि रुपमा प्रयोग गरेर कम्तीमा भोलि मर्दा विचरा भन्न ठाउँ त देऊ ।
बहुदलको नामबाट राजनीतिक अस्थिरताका नाइकेहरु गिरिजाप्रसाद, शेरबहादुर, माधव नेपाल, केपी ओली, झलनाथ खनाल, पुष्पकमल दाहालले गरेका गल्तिहरुको निरन्तरताले देश फेरी उथलपुथलको अवस्थामा पुगेको छ । फसाउने र सिध्याउने अनि आफु र आफ्नालाई मात्र दुध खुवाउने परिपाटी झनै मौलाएर गएको छ । यो आम नेपालीका लागि अर्को वितृष्णाको जनलहरले तिमी जहाँ गए पनि भगाउन थालेको दृष्टान्त त देख्यौ नि । त्यस कारण होस गर । मर्ने बेलामा सहज तरिकाले सास जाने मार्ग खोज ।
