Ourkoshi

03/10/2026

सुनसरी–४ मा मतदान रद्द गरी पुनः मतदान गराउन कांग्रेस उम्मेदवारहरूको माग

नेपाली कांग्रेसको १५औँ महाधिवेशनअन्तर्गत सुनसरी निर्वाचन क्षेत्र नम्बर ४ मा भएको मतदानमा अनियमितता भएको आरोप लगाउँदै उम्मेदवार तथा क्षेत्रीय कार्यसमितिले मतदान रद्द गरी पुनः मतदान गराउन माग गरेका छन्। मतदान केन्द्र तथा बुथ कब्जा गरी एकलौटी रूपमा मतदान गरिएको आरोप लगाउँदै क्षेत्रीय कार्यसमितिमा उम्मेदवारी दिएका उम्मेदवारहरूले पुनः मतदानको मागसहित प्रमुख निर्वाचन अधिकृतसमक्ष निवेदन दिएका हुन्।

नेपाली कांग्रेस १५औँ महाधिवेशन, सुनसरीका प्रमुख निर्वाचन अधिकृत भरतबहादुर थापालाई सम्बोधन गरिएको निवेदन क्षेत्रीय कार्यसमितिका सभापति ऐयुव अन्सारी नेतृत्वको टोलीले आज जिल्ला पार्टी कार्यालय, इनरुवा पुगेर बुझाएको हो।निवेदनमा मतदानका क्रममा मतदान केन्द्र तथा बुथ कब्जा गरी एकलौटी मतदान गरिएको आरोप लगाउँदै उक्त मतदानलाई मान्यता नदिई स्थगित मतदान रद्द गरी पुनः मतदान गराउन माग गरिएको छ।

निवेदन बुझाउने क्रममा नेपाली कांग्रेस सुनसरीका जिल्ला सभापति केदार भण्डारीसहित पार्टीका नेता तथा कार्यकर्ताहरूको सहभागिता रहेको थियो।
क्षेत्रीय कार्यसमितिका उम्मेदवारहरूले मतदान प्रक्रियाको निष्पक्षता र पारदर्शितामाथि प्रश्न उठाउँदै पुनः मतदानबाट सबै उम्मेदवारलाई समान अवसर प्रदान गर्नुपर्ने माग गरेका छन्। अब प्रमुख निर्वाचन अधिकृत तथा सम्बन्धित निर्वाचन समितिले प्राप्त निवेदनमाथि आवश्यक छानबिन गरी निर्णय गर्ने अपेक्षा गरिएको छ।

03/10/2026

सशस्त्र प्रहरी महानिरीक्षक नारायण दत्त पौडेलले बराह बाहिनी पकली र मातहत इकाइहरूको निरीक्षण गर्नु भएको छ।
महानिरीक्षक दत्तले बाहिनी र बाहिनी मातहतका कार्यालय प्रमुखहरूलाई निर्देशन सम्बोधन समेत गर्नु भएको छ ।
सम्बोधनको क्रममा दत्तले नजिकिँदै गरेको चाडबाडलाई लक्षित गरी सुरक्षा व्यवस्था मजबुत पार्न निर्देशन दिनु भयाे ।
चोरी तस्करी नियन्त्रणमा प्रभावकारी तरिकाले परिचालन हुन र उच्च मनोबल सहित खटिन वहाँले निर्देशन दिनु भयाे ।
वहाँले अमर सशस्त्र प्रहरी परिवारको आफन्तजन तथा पूर्व सशस्त्र प्रहरी कर्मचारीहरूसँग भेटघाट तथा छलफल समेत गर्नु भएको थियो ।
संगठन प्रमुखबाट भएको निरीक्षण भ्रमण र मार्ग निर्देशनले बाहिनी र मातहत सकल परिवारलाई फिल्डमा परिचालित हुन हौसला प्राप्त भएको बाहिनीपति डीआइजी मनिष थापाले बताउनु भयाे । #खबर #महानिरीक्षक #निरीक्षण #𝐊𝐨𝐬𝐡𝐢𝐏𝐫𝐨𝐯𝐢𝐧𝐜𝐞

02/10/2026

सुनसरी जिल्लाको कोशी गाउँपालिका वडा नं-८ भण्टाबारी स्थित तिनकुने चेकपोस्ट देखि पश्चिम भारतीय ट्रकको ठक्कर बाट एकजनाको मृत्यु भएको छ भने अर्का एकजना घाइते भएको जनाइएको छ ।ठक्कर दिने ट्रकलाई प्रहरीले नियन्त्रणमा लिएको छ भने यसबारे थप विवरण आउन बाँकी ।

01/10/2026

लागूऔषध सहित तीनजना पक्राउ

सुनसरी जिल्लाको कोशी गाउँपालीका क्षेत्रबाट लागूऔषध सहित तीनजना पक्राउ परेका छन् । बिहीबार साँझ कोशी गाँउपालिका १ लौकही भन्सार गेट स्थित स.प्र.बल, नेपाल बिओपी लौकहीबाट खटिएको चेक पोइन्ट टोलीले भारतबाट नेपाल तर्फ आँउदै गरेको प्र.१-02-053प4696 को बजाज कम्पनीको २०० सिसिको NS पल्सर सहित दुईजनालाई लागूऔषध सहित नियन्त्रणमा लिएको बताइएको छ । शंका लागि सशस्त्र प्रहरीले चेकजाँच गर्दा 10 mg nitro core 300 र Spasmo/Proxyvon plus – 136 tablets सहित कोशी गाँउपालिका ४ जुधगंज बस्ने वर्ष २५ का शम्सेर आलम र वर्ष २२ का अलिसेर मियाँलाई नियन्त्रणमा लिइएको हो ।

लागूऔषध सहित पक्राउ परेका उनीहरूलाई आवश्यक कार्वाहीको लागि जिल्ला प्रहरी कार्यालय सुनसरीमा बुझाइएको छ । यसैगरी भोक्राहा नरसिंह गा.पा. ६ ईश्राईल कामत स्थित स.प्र.बल नेपाल, बिओपी लौकहीको FOP पोष्टबाट खटिएको चेक पोईन्ट टोलीले भारतबाट नेपाल तर्फ पैदल आउदै गरेको अवस्थामा जिल्ला सुनसरी ईटहरी उ.म.न.पा. ५ पिपल चौक बस्ने वर्ष १८ का मनिष लिम्बुलाई समेत लागूऔषध सहित नियन्त्रणमा लिएको जनाइएको छ ।

01/10/2026

आज नेपाल कांग्रेसको १५ औं महाधिवेशन अन्तर्गत सुनसरी क्षेत्र नम्बर २ मा भइरहेको मतदान विवाद भएपछि रोकिएको अवस्था ।

01/10/2026

नेपाली कांग्रेसको १५औं महाधिवेशन अन्तर्गत आज सुनसरी क्षेत्र नम्बर २ मा नेतृत्व चयनको लागि मतदान हुँदै । सभापति पदको प्रतिस्पर्धामा राजन मेहता र सुदीप अधिकारी ।

30/09/2026

30/09/2026

सुनसरी २ मा निर्वाचन स्थगित

नेपाली कांग्रेसको १५औँ महाअधिवेशन अन्तर्गत सुनसरी क्षेत्र नं. २ क्षेत्रीय कार्यसमितिको नेतृत्व चयनका लागि आज हुने भनिएको निर्वाचन स्थगित भएको छ।

आज मतपत्र छपाईको काम नभएकोले भोलि ॐ साइ पार्टी प्यालेसमा चुनाव हुने जनाएको छ। सभापति पदका लागि राजन मेहता र सुदीप अधिकारी चुनावी मैदानमा छन् ।