Lok Aawaj

Lok Aawaj Contact information, map and directions, contact form, opening hours, services, ratings, photos, videos and announcements from Lok Aawaj, News & Media Website, Bhanu chauk, Janakpur.

31/07/2026

जनकपुरधामको अहिलेको ताजा अवस्था हेर्न सक्नुहुनेछ।।

जिल्ला प्रहरी कार्यालय धनुषाको सबैला नगरपालिका वार्ड नं १२ मा भएको हत्याको प्रेस विज्ञप्ति।
31/07/2026

जिल्ला प्रहरी कार्यालय धनुषाको सबैला नगरपालिका वार्ड नं १२ मा भएको हत्याको प्रेस विज्ञप्ति।

31/07/2026

मधेसका सम्पूर्ण दाजुभाइ तथा दिदीबहिनीहरूमा मेरो हार्दिक अपिल।
धर्म वा जातको नाममा कसैको भड्काउ भाषण सुनेर अन्ध रूपमा कसैको पछि नलाग्नुहोस्। एउटा कुरा गम्भीरतापूर्वक सोच्नुहोस्— यदि कुनै व्यक्तिले तपाईंलाई आफ्नो घरमा समान व्यवहारका साथ बसाएर खाना खान वा खुवाउन सक्दैन भने, त्यही व्यक्तिले धर्मको नाममा तपाईंलाई आफ्नो स्वार्थका लागि प्रयोग पनि गर्न सक्छ। त्यसैले व्यक्तिको बोलीभन्दा उसको व्यवहारलाई आधार बनाएर निर्णय गर्नुहोस्।
हामी विभाजन होइन, समानता, सद्भाव र आपसी सम्मान चाहन्छौँ। धर्मले होइन, मानवताले जोडिएको समाज निर्माण गरौँ। सबै नेपाली हाम्रा आफ्नै दाजुभाइ तथा दिदीबहिनी हुन्।

30/07/2026

सुनसरी घटनाको विरोधमा जनकपुरधाममा प्रदर्शन, दिउँसो ३:३० बजेदेखि कर्फ्यु र सेना परिचालन

30/07/2026

सर्लाही, १४ साउन । सुनसरीको कप्तानगञ्जमा भएको घटनाको प्रभाव सर्लाहीमा पनि देखिएको छ ।

जिल्लामा दुई समूहबीच तनाव चुलिँदा झडप भएको छ भने ११ भन्दा बढी मोटरसाइकलमा आगजनी गरिएको छ । आगलागीमा परेका सबै मोटरसाइकल पूर्ण रूपमा नष्ट भएका छन् ।

आगलागी नियन्त्रणका लागि नगरपालिकाको दमकल परिचालन गरिएको थियो । दमकलको सहयोगमा आगो नियन्त्रणमा लिइए पनि घटनास्थलमा तनावपूर्ण अवस्था कायमै रहेको जनाइएको छ ।

घटनापछि स्थानीय प्रशासनले प्रभावित क्षेत्रमा कर्फ्यु आदेश जारी गरेको छ । तर, कर्फ्यु लागू गरिए पनि प्रदर्शनकारीहरू सडकमा उत्रिने क्रम नरोकिएको र विभिन्न स्थानमा प्रदर्शन जारी रहेको बताइएको छ ।

सुरक्षा निकायले स्थिति नियन्त्रणमा लिन थप प्रहरी परिचालन गरेको छ ।

घटनाबारे विस्तृत विवरण आउन बाँकी रहेको तथा प्रशासनले नागरिकलाई अफवाहमा नलाग्न र शान्ति सुरक्षा कायम राख्न सहयोग गर्न आग्रह गरेको छ ।

27/07/2026

ओबीसी महासभाले आगामी बजेट, महाधिवेशनको कार्यतालिका, संगठन विस्तार र ओबीसी समुदायको अधिकारका लागि आन्दोलन तथा कार्यक्रम अघि बढाउने निर्णय गरेको छ।

पिछडावर्गको हक–अधिकार र विकासका मुद्दामा जनकपुरधाममा राष्ट्रिय बहसजनकपुरधामस्थित जिल्ला समन्वय समिति धनुषाको सभाहलमा पिछ...
27/07/2026

पिछडावर्गको हक–अधिकार र विकासका मुद्दामा जनकपुरधाममा राष्ट्रिय बहस

जनकपुरधामस्थित जिल्ला समन्वय समिति धनुषाको सभाहलमा पिछडावर्ग (ओबीसी) महासंघद्वारा आयोजित केन्द्रीय विस्तारित भेला तथा पिछडावर्ग (ओबीसी) जातजातिहरूको सर्वाङ्गीण विकासमा मधेश प्रदेश सरकारको भूमिका विषयक अन्तरसंवाद कार्यक्रम सम्पन्न भएको छ। महासंघका केन्द्रीय अध्यक्ष राजकुमार महतोको अध्यक्षतामा सम्पन्न कार्यक्रममा मधेश प्रदेशका विभिन्न जिल्लासहित देशका विभिन्न स्थानबाट आएका ओबीसी समुदायका प्रतिनिधि, समाजसेवी, बुद्धिजीवी, जनप्रतिनिधि तथा पत्रकारहरूको उल्लेखनीय सहभागिता रहेको थियो।

अन्तरसंवादमा ओबीसी समुदायको पहिचान, अधिकार, शिक्षा, रोजगारी, राजनीतिक सहभागिता, सामाजिक न्याय तथा आर्थिक सशक्तीकरणका विषयमा गहन छलफल गरिएको थियो। सहभागीहरूले ओबीसी समुदायको सर्वाङ्गीण विकासका लागि मधेश प्रदेश सरकारले प्रभावकारी नीति, कार्यक्रम र बजेटमार्फत ठोस पहल गर्नुपर्नेमा जोड दिएका थिए।

वक्ताहरूले संविधानले सुनिश्चित गरेका अधिकारको पूर्ण कार्यान्वयन, राज्यका सबै निकायमा समानुपातिक सहभागिता, समावेशी विकास तथा ओबीसी समुदायको सम्मानजनक प्रतिनिधित्व सुनिश्चित गर्न सरकार गम्भीर हुनुपर्ने धारणा व्यक्त गरेका थिए। महासंघले यस्ता अन्तरसंवादले ओबीसी समुदायका साझा मुद्दालाई राष्ट्रिय बहसमा स्थापित गर्दै अधिकार, अवसर र समावेशी विकासका लागि थप दबाब सिर्जना गर्ने विश्वास व्यक्त गरेको छ।

26/07/2026

बुद्ध जन्मिएको भूमि भएकै कारण होइन, बुद्धको मार्गमा हिँड्न सके मात्रै नेपाल साँच्चिकै शान्त, समुन्नत र सभ्य राष्ट्र बन्न सक्छ।

राष्ट्रिय मूलवासी महासंघ मधेश प्रदेश समितिको मासिक बैठक सम्पन्नमहोत्तरीको लोहर्पट्टीमा राष्ट्रिय मूलवासी महासंघ, मधेश प्...
25/07/2026

राष्ट्रिय मूलवासी महासंघ मधेश प्रदेश समितिको मासिक बैठक सम्पन्न

महोत्तरीको लोहर्पट्टीमा राष्ट्रिय मूलवासी महासंघ, मधेश प्रदेश समितिको मासिक बैठक सम्पन्न भएको छ। बैठकमा संगठनका पदाधिकारी तथा सदस्य, बुद्धिजीवी र सञ्चारकर्मीहरूको सहभागिता रहेको थियो। कार्यक्रममा मूलवासी समुदायको अधिकार, पहिचान, भाषा, संस्कृति तथा सभ्यताको संरक्षण र प्रवर्द्धनका विषयमा विस्तृत छलफल गरिएको सहभागीहरूले बताएका छन्।

महासंघले देशमा आदिकालदेखि बसोबास गर्दै आएका जाति तथा समुदायलाई मूलवासीका रूपमा परिभाषित गर्दै उनीहरूको हक–अधिकारको सुनिश्चितता, सामाजिक न्याय र सम्मानका लागि आवाज उठाउँदै आएको जनाएको छ। संगठनले मूलवासी समुदायबीच एकता, चेतना र अधिकारप्रतिको जागरण अभिवृद्धि गर्ने उद्देश्यले नियमित रूपमा विभिन्न कार्यक्रम सञ्चालन गर्दै आएको पनि बताएको छ।

बैठकमा डा. भीमराव अम्बेडकर, गौतम बुद्ध र सम्राट अशोकको विचार, सिद्धान्त र आदर्शलाई आत्मसात गर्दै समाजमा समानता, न्याय, शान्ति र मानवताको सन्देश फैलाउने विषयमा समेत छलफल भएको थियो। उनीहरूको विचारलाई नयाँ पुस्तासम्म पुर्‍याउँदै अनुसरण गर्न प्रेरित गर्ने संगठनको मूल उद्देश्य रहेको महासंघले जनाएको छ।

महासंघका अनुसार यस्ता बैठक प्रत्येक महिनामा एकपटक आयोजना गरिन्छ। बैठकमार्फत संगठनका नीति, उद्देश्य, आगामी कार्यक्रम, वैचारिक छलफल तथा सदस्यहरूबीच अनुभव आदानप्रदान, सिकाइ र जनचेतनामूलक अभियानलाई प्रभावकारी बनाउने कार्य हुँदै आएको छ।

Address

Bhanu Chauk
Janakpur

Website

Alerts

Be the first to know and let us send you an email when Lok Aawaj posts news and promotions. Your email address will not be used for any other purpose, and you can unsubscribe at any time.

Shortcuts

Share

Category