14/09/2026
विशेष सम्पादकीय
जलेश्वरलाई धार्मिक पर्यटन, स्थानीय व्यापार र रोजगारीको केन्द्र बनाऔँ
जलेश्वरका व्यवसायीले "शनिबार–आइतबार बजार बन्द हुन्छ" भनेर चिन्ता मात्र गर्ने होइन, ग्राहकको व्यवहार अनुसार व्यापारको मोडल परिवर्तन गर्नु पर्छ । विशेष गरी जलेश्वरलाई धार्मिक पर्यटनसँग जोडेर सप्ताहन्तको मागलाई नयाँ अवसर बनाउन सकिन्छ ।
सात दिन मध्ये शुक्रबारलाई "विकेण्ड साँपिङ डे" को रुपमा अघि बढाउन आवश्यक रहेको देखिन्छ । यसको लागि
सरकारी कार्यालय बन्द हुनु अघि शुक्रबार नै कर्मचारी, शिक्षक र स्थानीय ग्राहकलाई लक्षित गरेर विशेष अफरका साथ व्यवसाय गर्ने तरिका बदल्नु पर्दछ ।
शनिबार–आइतबार पर्यटक केन्द्रित व्यापार गर्ने तिर लक्षित हुन समेत जलेश्वरका व्यवसायीले योजना बनाउनु पर्ने देखिन्छ ।
जलेश्वरनाथ महादेव वरिपरि पूजा सामग्री, प्रसाद, स्थानीय उत्पादन, खाना, चिया–नास्ता र स्मरणीय वस्तुको बिक्री बढाउन सकिन्छ । यसले धेरै हदसम्म आम्दानीको स्रोत बढाउन सक्दछ ।
जलेश्वरका होटल–रेस्टुरेन्टले विकेण्ड प्याकेज को योजना बनाउन आवश्यक रहेको देखिन्छ ।
"दर्शन + खाना + बसाई" जस्ता सस्तो प्याकेज बनाएर महोत्तरी, जनकपुर, धनुषा, सर्लाही, सिरहा, भारतको सीमावर्ती क्षेत्र आदिबाट आउने धार्मिक पर्यटकलाई लक्षित गर्न सकिन्छ ।
जलेश्वर तथा सो क्षेत्र वरपरका स्थानीय उत्पादनलाई ब्रान्ड बनाउन आवश्यक रहेको देखिन्छ ।
मिठाई, मखाना, फलफूल, कृषि उत्पादन,फुलमाला, मिथिला चित्रकला, अन्य हस्तकला, धार्मिक सामग्री, मन्दिरको फोटो आदिलाई "मेड ईन जलेश्वर" भनेर प्याकेजिङ गरेर बिक्रि बितरण गर्न आवश्यक रहेको देखिन्छ ।
जलेश्वरलाई मेनुअल भन्दा पनि डिजिटल गर्न अनलाइन बिक्री सुरु गर्ने प्रविधिको प्रयोग गर्न त्यहाँका व्यवसायिले आफ्ना क्षमता बढाउन र कार्यान्वयन गर्न आवश्यक रहेको देखिन्छ ।
सामाजिक सञ्जालका विभिन्न साधनहरु मार्फत व्यवसायिक सामानको फोटो/भिडियो राख्ने र घरमै डेलिभरी दिने सिस्टम बनाउनु पर्ने देखिन्छ ।
शनिबार र आईतबार विशेष बजार/हाट सञ्चालन गर्ने नीति जलेश्वरको व्यवसायी,उद्योग वाणिज्य संघ तथा नगरपालिकाले समन्वय गरेर अगाडी बढाउन आवश्यक रहेको देखिन्छ ।
नगरपालिकाको समन्वयमा निश्चित स्थानमा शनिबार र आईतबार बजार सञ्चालन गर्न सकिन्छ । यसले बिदाको दिनलाई व्यापारको दिनमा बदल्न सक्छ ।
महाशिवरात्रि, श्रावण, सोमबार, शिवरात्रि, चाडपर्व तथा विशेष धार्मिक अवसरलाई केन्द्र बनाएर पहिले नै व्यापारिक अभियान सञ्चालन गर्न आवश्यक छ ।
व्यवसायी बीच संयुक्त प्रचार गर्ने सिस्टमको विकास गर्नु पर्दछ ।
एक होटलले मात्र विज्ञापन गर्नुको सट्टा होटल + रेस्टुरेन्ट + यातायात + पूजा सामग्री + स्थानीय पसल मिलेर "भिजिट जलेश्वर" अभियान चलाउने जोडतोडको साथ प्रचारप्रसार गर्नु पर्दछ ।
सरकारी कर्मचारीमा मात्र निर्भर नभएर व्यवसायको ग्राहकहरु जस्तो की स्थानीय परिवार,विद्यार्थी,धार्मिक पर्यटक,भारतीय पर्यटक,किसान,निजी क्षेत्रका कर्मचारी,विवाह/कार्यक्रमका ग्राहक सम्म विस्तार गर्नुपर्छ ।
जलेश्वरनाथ महादेवको धार्मिक महत्वलाई पर्यटनसँग, पर्यटनलाई बजारसँग, बजारलाई स्थानीय उत्पादनसँग, स्थानीय उत्पादनलाई व्यवसायसँग र व्यवसायलाई रोजगारीसँग जोड्न सकियो भने जलेश्वरको अर्थतन्त्रलाई नयाँ गति दिन सकिन्छ ।
