31/05/2025
संयुक्त नागरिक पार्टीमा विभिन्न नेताहरुलाइ बिभागिय जिम्मेवारी दिएको पार्टी उपमहासचिव तथा प्रबक्ता बिदुर अधिकारीले जानकारी दिनुभएको छ।
प्रेस विज्ञप्ति
सञ्चारकर्मी / पत्रकार मित्रहरू,
उपर्युक्त सम्बन्धमा यही मिति २०८२ साल जेठ १४ गते यस संयुक्त नागरिक पार्टीको सचिवालय समितिको पार्टी अध्यक्ष श्री दल मर्दन कामीज्युको अध्यक्षतामा पार्टी केन्द्रीय कार्यालय बिजुलीबजारमा बसी तपशीलका एजेन्डामाथि छलफल गरी निर्णयहरू पारित गरिएका छन् । यी निर्णयहरूलाई अविलम्ब कार्यान्वयन गर्न/गराउन सम्बन्धित पदाधिकारी तथा विभागहरूलाई निर्देशनसहित यसै विज्ञप्तिमार्फत सार्वजनिक गर्दछौँ ।
१. विभागीय जिम्मेवारी तोकिएको सम्बन्धमाः
(१) आर्थिक विभाग प्रमुख :- महासचिव प्रेम बहादुर कार्की । उपप्रमुखः सचिवालय सदस्य राम बाहदुर पाठक क्षेत्री ।
(२) संगठन विभाग प्रमुखः अध्यक्ष दल मर्दन कामी । उपप्रमुख: उपमहासचिव उपेश नौबाग ।
(३) अनुशासन विभाग प्रमुख:- उपाध्यक्ष बलराम बि.क । उपप्रमुख :- सचिव सृजना लामा भट्टराई
(४) महिला विभाग प्रमुखः वरिष्ठ नेता कमलादेवी हेमचुरी । उपप्रमुख उपाध्यक्ष विष्णु गुरुङ (लोइस) । सदस्य, सचिव सपना महत ।
(५) युवा विभाग प्रमुख :- उपमहासचिव श्याम बहादुर राई । उपप्रमुख :- सचिवालय सदस्य बिष्णु खड्का
(६) कृषि विभाग प्रमुख :- उपाध्यक्ष हुम बहादुर पुन । उपप्रमुख:- सचिवालय सदस्य :- उदय बहादुर शेरपुन्जा ।
(७) प्रशिक्षण विभाग प्रमुख :- उपाध्यक्ष जित बहादुर घले । उपप्रमुखः उपमहासचिव नरेश वि.क. ।
(८) दलित/शिल्पी विभाग प्रमुख :- सचिव शशी कुमार विश्वकर्मा । उपप्रमुख :- सहकोषाध्यक्ष चित्रलाल बि.क. ।
(९) धार्मिक, अल्पसंख्यक तथा सीमान्तकृत विभाग प्रमुख :- उपाध्यक्ष डिल्ली बहादुर तामाङ । उपप्रमुख :- सचिव मन बहादुर कार्की ।
(१०) खेलकुद विभाग प्रमुख :- उपमहासचिव सोम बहादुर आले । उपप्रमुख :- सचिवालय सदस्य, बिनय लामा ।
(११) सूचना तथा सञ्चार विभागः प्रमुख उपमहासचिव नरेश विश्वकर्मा । उपप्रमुखः सहकोषाध्यक्ष राम महर्जन (रूबेन) ।
(१२) विदेश विभाग प्रमुख :- उपाध्यक्ष कलिराम पुर्जा (कमल) । उपप्रमुख :-सचिव जीत बहादुर बि.क.; सचिवालय सदस्य युहन्ना घले (जोन) ।
(१३) मुद्दा पहिचान तथा आन्दोलन परिचालन विभाग प्रमुख :- उपमहासचिव विदुर अधिकारी । उपप्रमुख :- सचिवालय सदस्य शेर बहादुर चुनारा ।
(१४) सदन, सरकार तथा गैरसरकारी संघसंस्था समन्वय विभाग प्रमुख :- उपाध्यक्ष इन्द्रबहादुर राई । उपप्रमुख :- उपमहासचिव निमा शेर्पा ।
२. प्रदेश इन्चार्ज तथा सह इन्चार्ज तोकिएको सम्बन्धमाः
(१) प्रदेश १ इन्चार्ज:- उपाध्यक्ष इन्द्रबहादुर राई, सह इन्चार्ज:- कोषाध्यक्ष देवेन्द्र कुमार लिम्बु; सचिव, शशीकुमार विश्वकर्मा ।
(२) मधेस प्रदेश इन्चार्ज :- उपाध्यक्ष बलराम बि.क. (शैलेश) । सह इन्चार्ज :- केन्द्रीय सदस्य नविन साह ।
(३) बागमती प्रदेश इन्चार्ज:- उपाध्यक्ष डिल्ली बहादुर तामाङ । सह इन्चार्ज :- उपमहासचिव, उपेश नौबाग ।
(४) गण्डकी प्रदेश इन्चार्ज - उपाध्यक्ष, जीत बहादुर घले । सह इन्चार्ज:- सचिवालय सदस्य उदय बहादुर शेरपुन्जा ।
(५) लुम्बिनी प्रदेश इन्चार्जः उपाध्यक्ष हुम बहादु पुन । सह इन्चार्ज:- सचिव, मन बहादुर कार्की
(६) कर्णाली प्रदेश इन्चार्जः महासचिव प्रेम बहादुर कार्की । सह इन्चार्जः केन्द्रीय सदस्य, नर बहादुर चन्द
(७) सुदुरपश्चिम प्रदेश इन्चार्ज :- महासचिव प्रेमबहादुर कार्की । सह इन्चार्ज:- सचिवालय सदस्य शेर बहादुर चुनारा ।
३. विशेष समिति (Core Committee) गठन गरिएको सम्बन्धमा :
राष्ट्रिय तथा अन्तर्राष्ट्रिय परिस्थितिलाई तत्काल नीतिगत निर्णय, कार्यान्वयन, तथा समस्याहरू समाधानका लागि एक विशेष समितिको आवश्यकता महसुस गरी मिति २०८२ जेठ ०४ गते बसेको केन्द्रीय समितिको विस्तारित बैठकले सो समिति गठन गर्न अनुमति दिएको निर्णयअनुसार निम्नानुसारका पदाधिकारीहरू सहितको एक विशेष समिति (Core Committee) गठन गरी अख्तियारी दिइएको छ :
(१) अध्यक्ष, दल मर्दन कामी
(२) वरिष्ठ नेता, कमला हेमचुरी
(३) उपाध्यक्ष, कलिराम पुर्जा (कमल)
(४) उपाध्यक्ष, बलराम बि.क. (शैलेस)
(५) उपाध्यक्ष, जित बहादुर घले
(६) महासचिव, प्रेमबहादुर कार्की
(७) उपमहासचिव, विदुर अधिकारी
(८) उपमहासचिव, सोम बहादुर आले
(९) कोषाध्यक्ष, देवेन्द्र कुमार लिम्बु
(१०) आमन्त्रित सदस्यहरूः उपमहासचिवद्वय नरेश बि.क. तथा श्याम बहादुर राई ।
४. पार्टीको प्रवक्ता तोकिएको सम्बन्धमाः
पार्टीको आधिकारिक धारणा सार्वजनिक गर्न उपमहासचिव एवम् मुद्दा पहिचान तथा आन्दोलन परिचालन विभाग प्रमुख विदुर अधिकारीलाई प्रवक्ता तोकिएको छ ।
५. आन्दोलन कार्यक्रम सञ्चालन सम्बन्धमा :
आम जनसरोकार न्याय, समानता, नैतिकता, राष्ट्रियता, र सार्वभौमिकताका मुद्दाहरूमा तथा कुनै पनि नेपाली नागरिकको हक, हित, अधिकार र जीवनसँग सम्बन्धित विषयमा जनचेतना अभिवृद्धि गर्दै सरोकारवालाहरूलाई खबरदारी र राज्य तथा सरकारलाई जिम्मेवार बनाउँदै निगरानी गर्न आवश्यक ठहर भएका सन्दर्भहरूमा पार्टीले तात्कालिक तथा दीर्घकालीन योजना अनुरूप विविध आन्दोलनात्मक कार्यक्रमहरू सञ्चालन गर्ने निर्णय गरेको छ ।
जस अन्तर्गत आवश्यकता अनुसार सचेतना अभियान, कोणसभा, विरोध प्रदर्शन, खबरदारी कार्यक्रम, शान्तिपूर्ण आन्दोलन लगायतका गतिविधिहरू सञ्चालन गरिने निर्णय गरिएको छ ।
६. आर्थिक तथा कार्यालय व्यवस्थापन सम्बन्धमा :
आर्थिक तथा कार्यालय व्यवस्थापनका लागि निम्न पदाधिकारी रहेको आर्थिक तथा कार्यालय व्यवस्थापन विभाग गठन गरियो । जसमा उपाध्यक्ष कलिराम पुर्जा (कमल), उपाध्यक्ष बलराम बि.क. (शैलेस), महासचिव प्रेम बहादुर कार्की, उपमहासचिव विदुर अधिकारी, उपमहासचिव नरेश बि.क., कोषाध्यक्ष डि.के. लिम्बु, सहकोषाध्यक्ष राम महर्जन (रुबेन), सचिवालय सदस्य राम बहादुर पाठक रहने निर्णय गरिएको छ ।
७. पार्टी सदस्यता विस्तार सम्बन्धमा :
पार्टी सदस्यता विस्तार कार्यलाई युद्धस्तरमा अघि बढाउँदै एक वर्षभित्रमा तीन लाख (३,००,०००) पार्टी सदस्य बनाउनु पर्ने निर्णय गरिएको यसै प्रेस विज्ञप्ति मार्फत जानकारी गराउँदछौँ ।
