11/09/2026
मानवीय सेवामा ईन्स्पायर इङ्गलिस स्कूलको साथ ।
रसुवा बाढीपीडित तथा भोटेकोशी खोलाको बाढीबाट प्रभावित परिवारहरूको सहयोगार्थ रु. ५५,०००/- सहयोग
हालै आएको प्राकृतिक विपत्तिका कारण रसुवा जिल्लाका विभिन्न क्षेत्र तथा भोटेकोशी खोलामा आएको बाढीबाट प्रभावित परिवारहरूले ठूलो कठिनाइ र पीडा भोगिरहेका छन्। यस्तो विषम परिस्थितिमा पीडित परिवारहरूप्रति ऐक्यबद्धता जनाउँदै ईन्स्पायर इङ्गलिस स्कूल, दमक–०१, झापा ले सहयोगको हात अघि बढाएको छ।
विद्यालयका विद्यार्थीहरू, शिक्षक–शिक्षिकाहरू तथा प्रशासनिक टोलीको सामूहिक पहल र योगदानबाट संकलित रु. ५५,०००/- (पचपन्न हजार रुपैयाँ) रसुवा तथा भोटेकोशी बाढीबाट प्रभावित पीडितहरूको राहत तथा सहयोगका लागि प्रदान गरिएको छ ।
