07/08/2026
पत्रकार महासंघ झापा अध्यक्ष एक राज गिरी ज्युले निरन्तर सामाजिक संजालमा आफुमाथी चरीत्र हत्या गरेको बिषयमा वास्तविक वक्तव्य सार्वजनिक गर्नु भएको छ ।
सबैमा नमस्कार ।
केही समयदेखि सामाजिक सञ्जालमा मेरो चरित्र हत्या हुने गरी प्रेषित सामग्रीका विषयमा चासो र चिन्ता व्यक्त गर्नुहुने तथा प्रतिक्रिया जनाउनुहुने सबैमा धन्यवाद व्यक्त गर्दछु ।
नितेश ओली नामले चिनिने व्यक्तिका विषयमा नेपाल पत्रकार महासंघ झापाले संस्थागत रुमपा दिएको जाहेरीको सन्दर्भ महासंघ लगायतका संस्था र संगठनहरुले सार्वजनकि वक्तव्य मार्फत स्पष्ट पारिसकेको विषय छ । तर, संस्थाको कुरालाई पदीय जिम्मेवारीको दृष्टिले व्यक्ति केन्द्रित गरेर चरित्र हत्या गर्नु निक्कै गम्भीर विषय हो ।
नितेश ओली जसलाई मैले आजसम्म प्रत्यक्ष देखेको छैन, दोहोरो चिनजान छैन । जहाँसम्म मेरो व्यक्तिगत विषयमा गम्भीर आरोप लगाइएको छ ती सबै कुरा भ्रामक र चरित्र हत्या गर्ने उद्देश्यले प्रेषित भएको स्पष्ट गर्दछु ।
आज समाजमा नकारात्मकता बढ्दो छ । दण्डहिनता बढ्दो छ । कसैले कसैलाई पनि निराधार रुपमा जे पनि आरोप लगाइदिने अनि साँच्चै हो कि भन्ने भ्रम पालेर बस्नेको जमात पनि बढ्दो छ ।
जहाँसम्म ४१ लाख रुपैयाँको चेकको कुरा छ यस विषयमा केही कुरा स्पष्ट गर्न चाहन्छु । चार वर्षअघि यो एक जग्गा सम्बन्धी प्रोजेक्टका लागि काटिएको चेक हो । त्यसबारे सरकारी निकायमै बसेर नेपाली कागजमा तमसुक समेत भएको र सरकारी निकायले प्रमाणित गरेको विषय हो । तर, बढ्दो आर्थिक मन्दीका कारण प्रोजेक्ट अघि बढाउन नसकिने भएपछि चेक र तमसुक दुबै कार्यान्वनयमा आउन सकेन र त्यसलाई साँक्षीहरु राखेर च्यातियो । जहाँसम्म सुरेन्द्रकुमार उप्रेतीको केही विषय छ यो इलाका प्रहरी कार्यालय र सम्मानित झापा जिल्ला अदालतबाट तीन वर्षअघि टुंगिएको विषय हो । त्यस कुरालाई प्रतिशोधपूर्ण ढंगले उठाएर चरित्र हत्या गर्नु र अदालतको अवहेलना गर्नु कहाँसम्म उचित हो ? यस विषयको निरुपणका लागि मैले जिल्ला प्रशासन कार्यालयमा निवेदन दिइसकेको पनि स्पष्ट गर्दछु । र, आरोप प्रमाणित गर्न चुनौति पनि दिन्छु ।
चेकवाला साथी मात्र होइन म सार्वजनिक अपिल नै गर्दछु कि यदि मैले कसैको पनि रकम चलाएर नतिरेको भए प्रमाणसहित आउनुहोला । कसैलाई व्यक्तिगत रुपले म बाट अन्याय परेको भए न्यायका लागि सम्बन्धित निकायमा जानुहोला । मैले कुनै कमीकमजोरी, कानून विपरीतको कार्य गरेको भए म सजाय भोग्न तयार छु ।
नितेश ओलीजीलाई पनि मेरो अपिल छ– भागेर समस्याको समाधान हुँदैन । तपाई सही, असल र इमान्दार हुनुहुन्छ भने उपस्थित भएर सम्वन्धित निकायमा आरोपहरुका प्रमाण पेश गरिदिनुहोला । कानून कार्यान्वयनमा सहयोग गरिदिनुहोला । सबैले बुझनु पर्ने कुरा यो छ कि सामाजिक सञ्जालको इजलासले कसैलाई न्याय दिन सक्दैन, यसले थप पीडित बनाउँछ ।
र, म गर्वका साथ भन्छु मैले कसैको एक रुपैयाँ पनि खाएको छैन । मेरो २८ वर्षको पत्रकारिता यात्रामा यो निक्कै दुःखद् क्षण हो कि म माथि जुन आरोप लगाएर मेरो मान, प्रतिष्ठा र चरित्रमा आघात पु¥याइयो, यसको क्षति कुनै पनि मूल्यले पूरा गर्न सक्दैन । तथापि म विधिको शासन र राज्यका निकायबाट निरुपण हुने न्यायमा विश्वास गरिरहेको छु । प्रतीक्षा गरिरहेको छु ।
म मेरो पेशा र पदीय जिम्मेवारीप्रति गर्व गर्छु । आजसम्म पत्रकारिता पेशा, यसको निष्ठा र मर्यादामा आँच पु¥याउने कुनै काम गरेको छैन । मेरा माता पिता, गुरुहरु र परिवारको आदर्श गुम्ने कुनै काम गरेको छैन । मप्रति कसैलाई औला उठाउने ठाउँसम्म दिएको छैन । समाजको अघि शिर झुकाउने कुनै काम गरेको छैन, गर्ने पनि छैन । र म विचलित र कमजोर भएको छैन । पेशा, समाज र राष्ट्रप्रतिको निस्वार्थ उत्तरदायित्व तथा तपाईहरुको शुभेच्छाले, प्रश्न र प्रतिक्रियाले म अझ सचेत र बलियो मानसिकताका साथ उभिएको छु ।
दण्डहिनताका कारण सामाजिक सञ्जालको दुरुपयोग बढ्दो छ । यसले समाजमा नकारात्मकता बढाएको छ । भ्रम र असत्य छिटो फैलिन्छ । सत्य र न्याय निरुपणमा समय लाग्छ तर असत्य, भ्रम र अन्यायका लागि कुनै समय चाहिँदैन । र, मेरो यो सन्देश धेरैमा नपुग्न सक्छ जतिमा भ्रम फैलिसकेको छ । आरोप लगाउनेले जे पनि लगाउन सक्छ तर प्रतिक्रिया दिनेहरुले सत्य, तथ्य र घटनाको गहिराइमा पुगेर यथार्थ बुझेर मात्र धारणा व्यक्त गर्नुहोला ।
असल र इमान्दार मानिसहरु चुप लागेर बस्दा खराब र चरित्रहीन मानिसहरुको जमात बढेको देखिन्छ । धेरै मानिस म जस्तै पीडित बनेका छन् । यस विषयमा सबै गम्भीर हुन जरुरी छ । मुलुकमा सुशासन र न्यायका लागि नागरिक तहबाट सरकारलाई सकारात्मक दवाव दिन जरुरी छ । म र मेरो पेशाप्रति सद्भाव र शुभेच्छा राख्नुहुने सबैमा फेरि पनि धन्यवाद व्यक्त गर्दछु ।
धन्यवाद ।
एकराज गिरी
अध्यक्ष - नेपाल पत्रकार महासंघ झापा शाखा ।
