Kochila News

08/08/2026

गौरीगंजमा बोलबम कार्यक्रम

07/08/2026

गौरीगंज गाउँपालिका वार्ड नं.६ वडा कार्यालयको सुचना

06/08/2026

31/07/2026

भोली हुने सद्भाव र्याली स्थगन गरिएको सुचित गराईन्छ।

31/07/2026

भोली शनिबार विहान बजे ८ बजे सद्भाव र्यालीमा सहभागी भईदिनहुन हार्दिक अनुरोध गर्दछौं।

31/07/2026

धार्मिक सद्भाव कायम राख्न गौरीगञ्जमा सर्वपक्षीय बैठक

गौरीगञ्ज, झापा। देशका विभिन्न स्थानमा पछिल्लो समय देखिएको धार्मिक तनाव तथा सुनसरीमा भएको घटनापछि धार्मिक सद्भाव कायम राख्ने उद्देश्यले झापाको गौरीगञ्जमा सर्वपक्षीय बैठक सम्पन्न भएको छ।

जिल्ला प्रशासन कार्यालय झापाको आयोजनामा गौरीगञ्ज गाउँपालिकाको सभा हलमा सम्पन्न बैठकमा झापाका प्रमुख जिल्ला अधिकारी शिवराम गेलाल, जिल्ला प्रहरी कार्यालय झापाकी प्रमुख बसुन्धरा खड्का, गौरीगञ्ज गाउँपालिकाकी अध्यक्ष फुलवती राजवंशी, उपाध्यक्ष पूजन न्यौपाने कुँवर, प्रमुख प्रशासकीय अधिकृत खेमराज थापा, विभिन्न धार्मिक सङ्घसंस्थाका प्रतिनिधि, स्थानीय तहका जनप्रतिनिधि, राजनीतिक दलका प्रतिनिधि, सुरक्षा निकायका अधिकारी तथा सामाजिक अगुवाहरूको सहभागिता रहेको थियो।

बैठकलाई सम्बोधन गर्दै प्रमुख जिल्ला अधिकारी शिवराम गेलालले सुनसरीमा भएको घटना दुःखद भएको उल्लेख गर्दै झापामा यस्ता घटना दोहोरिन नदिन समयमै आवश्यक पूर्वसावधानी अपनाउन सद्भाव बैठक आयोजना गरिएको बताए। उनले जिल्लाका सबै स्थानीय तहसँग समन्वय गर्दै धार्मिक सङ्घसंस्थाबीच निरन्तर संवाद, सहकार्य र आपसी विश्वासलाई थप मजबुत बनाइने जानकारी दिए।

गौरीगञ्ज गाउँपालिकाकी अध्यक्ष फुलवती राजवंशीले गौरीगञ्ज धार्मिक तथा सांस्कृतिक विविधता र समुदायबीचको आपसी सद्भावलाई अझ सुदृढ बनाउन गाउँपालिका सदैव प्रतिबद्ध रहने बताइन्। उनले कुनै पनि प्रकारका अफवाह वा उत्तेजनात्मक गतिविधिबाट प्रभावित नहुन सबैलाई आग्रह गर्दै सामाजिक एकता कायम राख्न सबै पक्षले जिम्मेवार भूमिका निर्वाह गर्नुपर्ने धारणा व्यक्त गरिन्।

उपाध्यक्ष पूजन न्यौपाने कुँवरले सामाजिक सद्भाव र धार्मिक सहिष्णुता स्थानीय विकासको महत्वपूर्ण आधार भएको बताउँदै कुनै पनि समुदायबीच अविश्वास सिर्जना हुने गतिविधिलाई निरुत्साहित गर्न सबैले साझा जिम्मेवारी वहन गर्नुपर्ने बताए। उनले सत्यतथ्य नबुझी सामाजिक सञ्जालमा फैलिने भ्रामक सामग्रीप्रति सचेत रहनसमेत आग्रह गरे।

बैठकमा सहभागी राजनीतिक दलका प्रतिनिधि, धार्मिक अगुवा तथा सामाजिक अगुवाहरूले धार्मिक सहिष्णुता, सामाजिक एकता र शान्ति कायम राख्न सबै समुदायबीच निरन्तर संवाद, सहकार्य र संयम आवश्यक रहेकोमा जोड दिएका थिए। उनीहरूले कुनै पनि उक्साहट, अफवाह वा भ्रामक सूचनाबाट प्रभावित नहुन सर्वसाधारणलाई आग्रह गर्दै सामाजिक सद्भाव कायम राख्न सामूहिक प्रतिबद्धता व्यक्त गरेका थिए।

बैठकले जिल्लामा धार्मिक सद्भाव, सामाजिक एकता र पारस्परिक विश्वास कायम राख्न सबै सरोकारवाला निकायबीच समन्वय र सहकार्यलाई थप प्रभावकारी बनाउने निष्कर्षसमेत निकालेको छ।

28/07/2026

गौरीगंज गाउँपालिका वार्ड नं. ६ वार्ड कार्यालयबाट भोली मिती २०८३/०५/१३ गते निम्न समय अनुसार विरूवा वितरण गर्ने भएकोले समयमा कार्यालयमा सम्पर्क गर्न हुन सूचित गराइन्छ।

27/07/2026

https://kochilanews.com/2026/07/22511/
विस्तृत समाचार कमेन्ट बक्समा

26/07/2026

कांग्रेस १५ वटै पालिकाको पक्षमा, एमाले घटाउनेतिर, रास्वपा छलफलमा....

झापा साउन १० । स्थानीय तहको निर्वाचन नजिकिदै गर्दा झापामा स्थानीय तहको पुनर्‌संरचनासम्बन्धी बहस शुरु भएको छ ।

दश वर्षअघि लामो रस्साकसीपछि ८ नगरपालिका र ७ गाउँपालिकामा मुश्किलले सहमति गरेका राजनीतिक दलहरुको धारणा अहिले स्थानीय तहको पुनर्‌संरचनाका विषयमा पनि फरक फरक आएको छ ।

कांग्रेस १५ वटै पालिकाको पक्षमा

नेपाली कांग्रेस स्थानीय तहको पुनर्‌संरचनाको पक्षमा छैन । १५ वटा पालिका यथावत रहनु पर्ने धारणा आफ्‌नो पार्टीको भएको नेपाली कांग्रेस झापाका सभापति देउकुमार थेबेले बताए । आदिवासी जनजातिको क्लस्टरको रुपमा रहेका पालिकाहरुलाई मटियामेट गर्ने पक्षमा आफूहरु नरहेको उनले बताए । ‘आदिवासी जनजाति , मधेसी ,पिछडा वर्ग समुदायको अधिकारमाथि धावा बोल्नु हुँदैन । संविधानले दिएको आरक्षित क्षेत्रको व्यवस्था गर्न नसकेको अबस्थामा उल्टै संरक्षित क्लस्टरहरु भत्काउन पाइदैन । १५ वटै पालिका , त्यसका वडा कार्यालयको संरचना निर्माणका लागि ठूलो लगानी भइसकेको छ , जग्गादाताहरुले निःशुल्क जग्गा दिएका छन् । त्यसकारण स्थानीय तहको पुनर्‌संरचना केटाकेटीको खेल होइन’ उनले भने । ऐतिहासिक झापा बजारजस्ता ठाउँबाट पालिकाहरुको नामकरण गरिएको भन्दै उनले ऐतिहासिक नामकरणलाई समाप्त पार्न नमिल्ने धारणा राखे । ‘ १५ वटा पालिकामा केही नगाभी नहुने अबस्था छ भने कुन कुन गाभ्नु पर्ने हो ? त्यो कारणसहित आउनु पर्‍यो ’ उनले भने,‘ अनि छलफल गरौला ।’

जिल्ला समन्वय समितिले स्थानीय तहको पुनर्‌संरचनाको विषयमा छलफल गर्न भोलि बोलाएपछि त्यसका बारेमा धारणा बनाउन नेपाली कांग्रेस झापाले आज बिहान बैठक राखेको थियो । २०७३ सालको राज्यको पुनर्‌संरचना गर्ने बेलामा एमाले १० वटा पालिकाको अडानमा रहँदा आफूहरुकै जोडमा १५ वटा पालिका बनाइएको थेबेले स्मरण गरे । २०७३ कात्तिक २३ मा एमालेसहित केही दलको असहमतिका बीच झापामा १५ वटा स्थानीय निकायको खाका सिफारिस गरिएको थियो । त्यसअघि २०७३ भदौ २७ गते एउटा उपमहानगरपालिकासहित ११ वटा स्थानीय तह सिफारिस गरिएको थियो ।

एमाले पालिका समायोजनका पक्षमा
नेकपा एमाले झापामा स्थानीय तह पुनर्‌संरचनाको पक्षमा देखिएको छ । हरेक १० वर्षमा स्थानीय तह पुनरावलोकन गर्न सकिने संवैधानिक अधिकार अनुसार एमालेले प्रगतिशील निर्णय गर्न लागेको जिल्ला अध्यक्ष प्रेम गिरीले बताए । झापाका पालिकाहरुको अव्यवहारिक भूगोल र आर्थिक स्रोतलाई हेरेर अझ व्यवहारिक र वैज्ञानिक कसरी बनाउन सकिन्छ भनेर अन्य दलहरुसंग साझा धारणा बनाउन प्रयास गरिने बताउँदै अध्यक्ष गिरीले सहमति नजुटे एक साताभित्र एमालेले आफ्‌नो आधिकारिक धारणा सार्वजनिक गर्ने जानकारी दिए । स्थानीय तहको पुनर्‌संरचनाका विषयमा छलफल गर्न आज क्रीम टीमको छलफल रहेको उनले बताए । बैठकमा नीतिगत विषयमा विचारहरु आएको बताउँदै उनले ती विचारहरुलाई विश्लेषण गरेर पार्टीको धारणा बनाइने जानकारी दिए । जिल्लामा महानगर , उपमहानगर र नगरपालिका बनाउन सकिन्छ कि सकिदैन भनेर अन्य दलहरुसंग छलफल अघि बढाइने उनको भनाइ छ ।

रास्वपाले छलफल गर्ने
झापामा स्थानीय तह पुनर्‌संरचनाका लागि भूमि व्यवस्था, सहकारी, संघीय मामिला तथा सामान्य प्रशासन मन्त्रालयले जिल्ला समन्वय समिति झापाका प्रमुख विश्वनाथ बरालको नेतृत्वमा अध्ययन समिति बनाएर परिपत्र गरेको छ ।समितिको पहिलो बैठक भोलि बस्दैछ । तीन दिनअगाडि अध्ययन समितिले छलफलको लागि बोलाएपछि आफूहरु छलफल गर्न लागेको राष्ट्रिय स्वतन्त्र पार्टी झापाका सभापति ओम भण्डारीले बताए । उनले त्यस विषयमा भोलि बिहान बैठक राखिएको जानकारी दिए । उनले अध्ययन समितिले बोलाएको बैठकमा सहभागी भएर पहिला अरुको कुरा सुन्ने र त्यसपछि आफ्‌नो पार्टीको धारणा बनाउने जानकारी दिए ।

18/07/2026

झापा, साउन २ । झापाको गौरीगंजमा कारमा ठोक्किएर मोटरसाइकलमा सवार दुईजनाको मृत्यु भएको छ ।
हिजो दिउँसो १ बजे गौरीगंज २ कृष्ण खोला छेउस्थित हुलाकी राजमार्गमा पश्चिम बिराटनगरबाट पूर्व तुलाचन चोकतर्फ आउँदै गरेको प्र१–०२–००२ च ५१०१ नं. को कार र बिपरीत दिशाबाट जाँदै गरेको बीआर ३८ एच ५५४७ नं. को मोटरसाइकल एकआपसमा ठक्कर खाएका थिए ।

दुर्घटनामा मोटरसाइकल चालक मोरङ रतुवामाई ५ गोबिन्दपुर बस्ने ३० वर्षीय मोहम्मद नुर इस्लाम र मोटरसाइकलमा पछाडी सवार सोही ठाउँ बस्ने ३५ वर्षीय एनबी मोजाबुल हक गंभीर घाइते भएका थिए ।

मोटरसाइकल चालक इस्लामलाई दिउँसो २;३७ बजे दमक अस्पताल दमक पुर्‍याउँदा उनको मृत्यु भइसकेको थियो । त्यस्तै मोटरसाइकलमा पछाडी सवार मोजाबुल हकलाई न्युरो अस्पताल बिराटनगर लगिएकोमा डाक्टरले चेकजाँच गर्ने क्रममा दिउँसो ३;१३ बजे उनको पनि मृत्यु भएको हो ।

दुर्घटनापछि इलाका प्रहरी कार्यालय गौरीगंजबाट प्रहरी निरीक्षक कैलाशकुमार अधिकारीको कमाण्डमा प्रहरी टोली खटिएर घाइतेहरुलाई अस्पताल पठाएको थियो । कार इलाका प्रहरी कार्यालय गौरीगंजले नियन्त्रणमा लिएको छ । कार चालक बिराटनगर १३ बस्ने ३५ वर्षीय विवेक सिंह पनि घाइते भएका छन् । उनको बिराट नर्सिङ होम अस्पताल बिराटनगरमा उपचार भइरहेको प्रहरीले जनाएको छ ।