03/07/2026
चुरे वातावरण तथा जैविक विविधता संरक्षण मञ्च नेपाल, कैलाली र श्री शान्ती माध्यमिक विद्यालय, मोहन्याल–३ फलेबिसौनाको संयुक्त आयोजनामा वृक्षारोपण कार्यक्रम सम्पन्न भएको छ।
श्री शान्ती माध्यमिक विद्यालय व्यवस्थापन समितिका अध्यक्ष रबिन्द्र बहादुर बस्नेतको सभापतित्वमा आयोजित कार्यक्रममा चुरे वातावरण तथा जैविक विविधता संरक्षण मञ्च नेपालका अध्यक्ष बिरेन्द्र रावल, विद्यालयका प्रधानाध्यापक मान बहादुर बुढा, शिक्षक–शिक्षिका तथा विद्यार्थीहरूको सहभागिता रहेको थियो।
कार्यक्रमअन्तर्गत विद्यालय परिसरमा २०० वटा विभिन्न प्रजातिका बिरुवा रोपिएको छ। वातावरण संरक्षण, चुरे क्षेत्रको जैविक विविधता जोगाउने तथा विद्यार्थीहरूमा वृक्षारोपण र वातावरण संरक्षणप्रति सचेतना अभिवृद्धि गर्ने उद्देश्यले कार्यक्रम आयोजना गरिएको आयोजकले जनाएको छ।
कार्यक्रममा सहभागीहरूले रोपिएका बिरुवाको संरक्षण र नियमित हेरचाह गर्दै हरियाली प्रवर्द्धनमा सक्रिय भूमिका खेल्ने प्रतिबद्धता व्यक्त गरेका छन्।
