JNK

JNK JNK | Trusted source for Nepal politics, breaking news & real updates
Follow for facts, analysis
(1)

“शवलाई यसरी गाड्नु हुँदैन!” विनय जंग बस्नेतको कडा आपत्तिरसुवाको भोटेकोशी बाढीमा परी चितवनसम्म बगाएर ल्याइएका पहिचान नखुल...
30/08/2026

“शवलाई यसरी गाड्नु हुँदैन!” विनय जंग बस्नेतको कडा आपत्ति
रसुवाको भोटेकोशी बाढीमा परी चितवनसम्म बगाएर ल्याइएका पहिचान नखुलेका शवलाई जमिनमुनि व्यवस्थापन गर्ने निर्णयप्रति विनय जंग बस्नेतले आपत्ति जनाएका छन्।
शनिबार चितवन पुगेका बस्नेतले पहिचान नखुलेका शवलाई सामूहिक रूपमा गाड्नुको सट्टा देवघाट वा सम्बन्धित घाटमा परम्पराअनुसार दाहसंस्कार गर्न आफू र आफ्नो टोली तयार रहेको बताएका छन्।
उनले सबै शवको डीएनए नमुना, फोटो तथा आवश्यक विवरण सुरक्षित राखेर पहिचानको प्रक्रिया अघि बढाउनुपर्ने बताएका छन्। भविष्यमा डीएनए परीक्षणबाट पहिचान खुलेमा आफन्तले आफ्नो परम्पराअनुसार अन्तिम संस्कार गर्न सक्ने भएकाले शव व्यवस्थापन संवेदनशील रूपमा गर्नुपर्ने उनको भनाइ छ।
बस्नेतका अनुसार उनी विगत १७ वर्षदेखि बेवारिसे तथा पहिचान नखुलेका शवको सद्गत गर्दै आएका छन्।
उनको आग्रह स्पष्ट छ— “मृत्यु भएपछि हरेक व्यक्तिले सम्मानपूर्वक अन्तिम संस्कार पाउनुपर्छ।”

नेपालका बाढीपहिरो पीडितका लागि यूएईको ठूलो सहयोग घोषणा!विनाशकारी बाढी तथा पहिरोबाट प्रभावित नेपालका नागरिकका लागि संयुक्...
30/08/2026

नेपालका बाढीपहिरो पीडितका लागि यूएईको ठूलो सहयोग घोषणा!
विनाशकारी बाढी तथा पहिरोबाट प्रभावित नेपालका नागरिकका लागि संयुक्त अरब इमिरेट्स यूएईले १ करोड अमेरिकी डलर अर्थात् करिब १० मिलियन डलरको आपत्कालीन मानवीय सहायता छुट्याएको छ।
यूएई न्यूज एजेन्सीका अनुसार राष्ट्रपति शेख मोहम्मद बिन जायद अल नाह्यानको निर्देशनमा यो सहायता उपलब्ध गराउन लागिएको हो।
यूएई एड एजेन्सीले स्थानीय निकाय तथा अन्तर्राष्ट्रिय संस्थासँग समन्वय गरी प्रभावित नागरिकसम्म राहत पुर्‍याउने जनाएको छ।
विपत्तिको कठिन घडीमा यूएईको यो सहयोगले नेपालमा राहत तथा मानवीय सहायता अभियानलाई थप बल पुग्ने अपेक्षा गरिएको छ।

बाढीपीडित नेपाललाई अमेरिकाको सहयोग!नेपालमा विनाशकारी बाढीपछि अमेरिकाले प्रभावित समुदायका लागि ५ लाख अमेरिकी डलरको मानवीय...
30/08/2026

बाढीपीडित नेपाललाई अमेरिकाको सहयोग!
नेपालमा विनाशकारी बाढीपछि अमेरिकाले प्रभावित समुदायका लागि ५ लाख अमेरिकी डलरको मानवीय सहायता घोषणा गरेको छ।
अमेरिकी विदेश मन्त्रालयका अनुसार यो सहयोग आपत्कालीन आश्रय, राहत सामग्री तथा खानेपानी, सरसफाइ र स्वच्छतासम्बन्धी आवश्यकताका लागि प्रयोग गरिनेछ।
अमेरिकाले विपद्पछि उद्धार तथा राहत अवस्थालाई नजिकबाट निगरानी गरिरहेको जनाएको छ।
यसैबीच, नेपालमा बाढी–पहिरोबाट प्रभावित नागरिकका लागि विभिन्न मित्रराष्ट्र र अन्तर्राष्ट्रिय संस्थाबाट राहत तथा उद्धार सहयोग आउने क्रम जारी छ।

‘हामी त भिरको घाँस समातेर बाँच्यौँ, तर हाम्रा साथीहरू अझै सुरुङभित्र छन्!’ 😱रसुवाको भोटेकोशीमा आएको भीषण बाढीबाट ज्यान ज...
30/08/2026

‘हामी त भिरको घाँस समातेर बाँच्यौँ, तर हाम्रा साथीहरू अझै सुरुङभित्र छन्!’ 😱
रसुवाको भोटेकोशीमा आएको भीषण बाढीबाट ज्यान जोगाएर फर्किएका सब–इन्जिनियर महेश र उमेश रावलले सुरुङभित्र रहेका सहकर्मीको तत्काल उद्धार गर्न सरकारसँग आग्रह गरेका छन्।
उनीहरूका अनुसार बाढी आउनुअघि कुनै पूर्वसूचना थिएन। अचानक ठूलो आवाज आएपछि बाहिर निस्कँदा विशाल भेल आयोजनातर्फ आएको थियो। केही साथीलाई बाढीले बगाएको र आफूहरू भिरमा घाँस समातेर ज्यान जोगाएको उनीहरूले बताएका छन्।
महेशका अनुसार धेरै सहकर्मी अझै सुरुङभित्र फसेका छन्। उनीहरूले समयमै खोज तथा उद्धार गरे जीवन बचाउन सकिने सम्भावना रहेको भन्दै सरकारसँग तत्काल उद्धार अभियान तीव्र बनाउन अपिल गरेका छन्।
उनीहरूले एक हजारभन्दा बढी व्यक्ति सम्पर्कविहीन हुनसक्ने दाबीसमेत गरेका छन्।

त्रिशूली–३ ‘ए’ सुरुङबाट आयो आशा जगाउने खबर!सुरुङभित्र फसेकाहरूको उद्धारमा महत्वपूर्ण प्रगति भएको छ। उद्धार टोली सुरुङको ...
30/08/2026

त्रिशूली–३ ‘ए’ सुरुङबाट आयो आशा जगाउने खबर!
सुरुङभित्र फसेकाहरूको उद्धारमा महत्वपूर्ण प्रगति भएको छ। उद्धार टोली सुरुङको माथिल्लो भाग अर्थात् ‘क्राउन’ सम्म पुग्न सफल भएको छ।
त्यहाँ सानो प्वाल बनाएर सुरुङभित्र हावा पठाउन सुरु गरिएको छ। अब सोही ठाउँबाट थप खन्ने काम अघि बढाउँदै उद्धार टोलीलाई सुरुङभित्र पठाउने तयारी भइरहेको छ।
फसेकाहरूको अवस्था अझै स्पष्ट छैन, तर यो प्रगतिले उद्धारको आशा भने बलियो बनाएको छ। 🇳🇵🙏

नेपालको बाढीमा दक्षिण कोरियाको ठूलो खोजी अभियान! 🇰🇷🇳🇵विनाशकारी बाढीपछि ९ जना दक्षिण कोरियाली नागरिक अझै बेपत्ता छन्! उनी...
29/08/2026

नेपालको बाढीमा दक्षिण कोरियाको ठूलो खोजी अभियान! 🇰🇷🇳🇵
विनाशकारी बाढीपछि ९ जना दक्षिण कोरियाली नागरिक अझै बेपत्ता छन्! उनीहरूको खोजी गर्न दक्षिण कोरियाली सरकारी तथा कम्पनीका उद्धार टोली नेपालमा सक्रिय भएका छन्।
अगस्ट २९ मा टोलीका सदस्यहरू दुई चार्टर्ड हेलिकप्टरमार्फत रासुवा क्षेत्रतर्फ खोजीका लागि उडेका छन्। बेपत्ता ९ जनामध्ये ६ जना Doosan Enerbility र ३ जना Korea South-East Power का कर्मचारी हुन्।
सडक र पुल बगिसकेकाले स्थलमार्गबाट पुग्न कठिन भएपछि हेलिकप्टर र ड्रोनमार्फत खोजी तीव्र पारिएको छ। 🇳🇵🙏🇰🇷

‘छोरी जीवित छिन्!’—नेपाल बाढीमा बेपत्ता अस्ट्रेलियाली युवती सम्पर्कमा 😱🇦🇺नेपालमा आएको विनाशकारी बाढीपछि बेपत्ता भएकी २६ ...
29/08/2026

‘छोरी जीवित छिन्!’—नेपाल बाढीमा बेपत्ता अस्ट्रेलियाली युवती सम्पर्कमा 😱🇦🇺
नेपालमा आएको विनाशकारी बाढीपछि बेपत्ता भएकी २६ वर्षीया अस्ट्रेलियाली नागरिक कारा सेभेरिनो जीवित रहेको पुष्टि भएको छ।
लाङटाङ ट्रेकमा रहेकी कारा बाढीपछि सम्पर्कविहीन भएकी थिइन्। तर शुक्रबार बिहान उनले परिवारसँग छोटो फोन सम्पर्क गरेपछि आफन्तमा ठूलो राहत मिलेको छ।
कारा केही नेपाली पदयात्रीसँगै गोसाइँकुण्ड पुगेकी र पैदल काठमाडौं फर्किने प्रयासमा रहेको बताइएको छ।
तर कारा सम्पर्कमा आए पनि त्यतिबेला ३८ जना अन्य अस्ट्रेलियाली नागरिक अझै बेपत्ता रहेको जनाइएको थियो। बाढी र पहिरोपछि विदेशी पर्यटकको खोजी तथा उद्धार कार्य जारी छ।

रसुवा–नुवाकोटको बाढीपछि राष्ट्रकवि माधव घिमिरेका ज्येष्ठ सुपुत्र पनि सम्पर्कविहीन!राष्ट्रकवि माधव घिमिरेका ज्येष्ठ सुपुत...
29/08/2026

रसुवा–नुवाकोटको बाढीपछि राष्ट्रकवि माधव घिमिरेका ज्येष्ठ सुपुत्र पनि सम्पर्कविहीन!
राष्ट्रकवि माधव घिमिरेका ज्येष्ठ सुपुत्र इन्दिवर घिमिरे रसुवा–नुवाकोट क्षेत्रमा आएको भीषण बाढीपछि सम्पर्कविहीन भएका छन्।
नेपाल विद्युत् प्राधिकरणको अपर त्रिशूली–३ बी जलविद्युत् आयोजनाका प्रोजेक्ट म्यानेजर रहेका इन्दिवर २६ अगस्ट बिहानदेखि परिवार तथा आफन्तको सम्पर्कमा नआएको जनाइएको छ।
उनी रसुवाको आयोजनास्थलमा रहेको र बाढीपछि त्यहाँ रहेका अन्य व्यक्तिहरूको अवस्थासमेत अज्ञात रहेको बताइएको छ।
बाढीबाट प्रभावित क्षेत्रमा उद्धार तथा खोजी कार्य जारी रहेका बेला इन्दिवर घिमिरे सम्पर्कविहीन भएको खबरले परिवार र आफन्तमा चिन्ता बढेको छ।

बाढीले बगाएको बैंकको भल्ट फोडेर करोडौँ रकम निकालियो! २९ जना पक्राउ!रसुवाको भोटेकोशी बाढीले बगाएर धादिङको गल्छी पुगेको बै...
29/08/2026

बाढीले बगाएको बैंकको भल्ट फोडेर करोडौँ रकम निकालियो! २९ जना पक्राउ!
रसुवाको भोटेकोशी बाढीले बगाएर धादिङको गल्छी पुगेको बैंकको सेफ फोडेर रकम निकालिएको घटनामा प्रहरीले २९ जनालाई नियन्त्रणमा लिएको छ।
प्रहरीका अनुसार उनीहरूको साथबाट ९२ लाख ६८ हजार ५०५ रुपैयाँ नगद बरामद भएको छ।
यसअघि सांसद आशिका तामाङले वडाध्यक्षसहित करिब ३५ जनाले भल्ट फोडेर १ करोड ८० लाख रुपैयाँ बाँडेको दाबी गरेकी थिइन्।
तर, भल्टमा वास्तविक रूपमा कति रकम थियो र घटनामा अरू को–को संलग्न छन् भन्नेबारे प्रहरीको अनुसन्धान जारी छ।

रसुवा बाढीको त्रासदी झन् गहिरिँदै!भोटेकोशी बाढीपछि विभिन्न जिल्लामा ४८९ जनाको शव फेला परेको नेपाल प्रहरीले पुष्टि गरेको ...
29/08/2026

रसुवा बाढीको त्रासदी झन् गहिरिँदै!
भोटेकोशी बाढीपछि विभिन्न जिल्लामा ४८९ जनाको शव फेला परेको नेपाल प्रहरीले पुष्टि गरेको छ।
शुक्रबार दिउँसो १२ बजेसम्म रसुवा, नुवाकोट, धादिङ, चितवन, गोरखा, तनहुँ तथा नवलपरासी पूर्व–पश्चिममा शव फेला परेका हुन्।
सबैभन्दा धेरै चितवनमा १८६ र नवलपरासी पूर्वमा ११२ शव फेला परेको प्रहरीले जनाएको छ।
यता, बेपत्ताको खोजी तथा शव व्यवस्थापनको काम अझै तीव्र पारिएको छ। बाढीबाट २ हजार ३८१ जना अझै सम्पर्कविहीन रहेको प्रहरीले जनाएको छ।
विपत्तिको यो भयावह तस्वीरसँगै खोज तथा उद्धार अभियान जारी छ।

Address

Kathmandu

Website

Alerts

Be the first to know and let us send you an email when JNK posts news and promotions. Your email address will not be used for any other purpose, and you can unsubscribe at any time.

Shortcuts

Share

Category