15/09/2025
जेनजी आन्दोलनका सुरुवाती अगुवा मिराज ढुंगानाले आफू सुरक्षित रहेको भन्दै कैदी बनाइएका भन्ने हल्ला खण्डन गरेका छन्।
ढुंगानाले सामाजिक सञ्जाल टिकटकमार्फत भिडियो सन्देश दिँदै आफूलाई कुनै प्रकारको नियन्त्रणमा नलिइएको स्पष्ट पारेका हुन्। उनले भने, “मेरोबारेमा धेरै चिन्ता गरिएको पाएँ। म एकदम सेफ छु। मलाई कसैले कैदी बनाएको छैन। तपाईँहरू ढुक्क हुनुहोस्।”
उनले आन्दोलनको परिणामप्रति सन्तोष व्यक्त गर्दै भने, “हामी ठूलो चेन्जबाट गुज्रेका छौँ। धेरै राम्रो पनि भएको छ, केही नराम्रो पनि भएको छ। तर अन्ततः हामीले अन्तरिम सरकार ल्यायौँ, जुन निकै खुसीको कुरा हो।”
जेनजी आन्दोलनको सुरुवातमा सक्रिय भूमिका खेलेका ढुंगानाबारे पछिल्लो समय उनी ‘कैदी बनाइएको’ भन्ने हल्ला फैलिएको थियो। तर उनले प्रत्यक्ष सन्देशमार्फत आफ्नो अवस्था सामान्य रहेको जनाउँदै आन्दोलनप्रति निरन्तर साथ रहने विश्वास दिलाएका छन्।
