11/05/2026
होटलबाट पाँच जना शंकास्पद अवस्थामा पक्राउ, भारतीय मोटरसाइकल बरामद
झापा । झापाको बिर्तामोड नगरपालिका–३ स्थित आँखा अस्पताल नजिक रहेको ‘मामा भान्जा होटल एण्ड लज’बाट प्रहरीले पाँच जना शंकास्पद व्यक्तिलाई नियन्त्रणमा लिएको छ।
होटलमा शंकास्पद गतिविधि भइरहेको भन्ने गोप्य सूचनाका आधारमा प्रहरी चौकी बिर्ताबजारबाट खटिएको प्रहरी टोलीले वैशाख २६ गते दिउँसो करिब ४ बजे होटलमा खानतलासी गरेको थियो।
प्रहरीका अनुसार होटलबाट दुई जना नेपाली महिला, होटलको रिसेप्सनमा सहयोग गर्ने एक कर्मचारी तथा दुई जना भारतीय नागरिकलाई नियन्त्रणमा लिइएको हो। प्रहरीले घटनास्थलबाट WB73R5148 नम्बरको भारतीय मोटरसाइकल समेत बरामद गरेको जनाएको छ।
पक्राउ परेकामाथि आवश्यक अनुसन्धान भइरहेको प्रहरीले जनाएको छ।
