24/07/2025
ओसाका, जापान — गैरआवासीय नेपाली संघ (एनआरएनए) जापानका वर्तमान उपाध्यक्ष कृष्ण शर्मा गैरेले आगामी कार्यकाल ९२०२५–२०२७० का लागि वरिष्ठ उपाध्यक्ष पदमा आफ्नो उम्मेदवारी घोषणा गर्नुभएको छ।
जापानमा लामो समयदेखि बसोबास गर्दै आउनुभएका गैरेले एनआरएनएलाई सामाजिक सेवाको माध्यम बनाई निरन्तर सक्रिय रूपमा क्रियाशील रहँदै आउनुभएको छ। उहाँको समाजसेवा, नेतृत्व क्षमता तथा संस्थागत अनुभव यहाँका नेपाली समुदायबीच पहिल्यैबाट स्थापित र सम्मानित रहँदै आएको छ। जापानको ओसाका संचालित प्रथम नेपाल फेष्टिवलको संयोजकको भुमिकामा रहेर कुशलता पूर्वक सम्पन्न समेत गर्नूभएको छ ।
उहाँले उम्मेदवारी घोषणा गर्दै सम्पूर्ण जापानवासी आमा–बुबा, दाजु–भाइ, दिदी–बहिनी, बुद्धिजीवी वर्गहरूलाई समर्पित गर्दै आफ्नो सन्देशमा विगतदेखि पाएको माया, आशिर्वाद, प्रेरणा, साथ, सहयोग र समर्थनप्रति हार्दिक कृतज्ञता प्रकट गर्नुभएको छ।
उहाँको एनआरएनए जापानसँगको अनुभव यसप्रकार छ
२०११–२०१३, एनआरएनए कान्साई – सदस्य
२०१३–२०१५, एनआरएनए कान्साई – सदस्य
२०१५–२०१७, एनआरएनए कान्साई – कोषाध्यक्ष
२०१७–२०१९, एनआरएनए कान्साई – उप–संयोजक
२०१९–२०२१, एनआरएनए कान्साई – संयोजक
२०२१–२०२३, एनआरएनए जापान – कोषाध्यक्ष
२०२३–२०२५, एनआरएनए जापान – उपाध्यक्ष
उहाँले विभिन्न कालखण्डमा विभिन्न जिम्मेवारीहरू कुशलतापूर्वक निर्वाह गर्दै संघमा नेतृत्वदायी भूमिका निर्वाह गर्नुभएको छ। यिनै अनुभव र निरन्तर सेवाभावलाई अगाडि बढाउँदै उहाँले २०२५–२०२७ कार्यकालका लागि वरिष्ठ उपाध्यक्ष पदमा उम्मेदवारी दिने निर्णय गर्नुभएको हो। उहाँले आफ्नो उम्मेदवारी औपचारिक रूपमा निर्वाचन समितिमा दर्ता गरिसक्नुभएको जानकारी गराउनुभएको छ।
गैरेले आफ्नो सन्देशमा भन्नुभएको छ, म विगतमा जस्तै यसपटक पनि तपाईंहरूको अमूल्य मत र माया प्राप्त गर्ने विश्वासका साथ अघि बढेको छु। मेरो इमानदारिता, संस्थाप्रतिको उत्तरदायित्व, जवाफदेहिता र नेतृत्वको निरन्तरता तपाईंहरूले मूल्याङ्कन गर्दै फेरि पनि साथ र समर्थन प्रदान गर्नुहुनेछ भन्ने अपेक्षा राखेको छु।
