11/06/2026
नेपाली फिल्म उद्योगका चर्चित अभिनेता तथा सुपरस्टार पल शाह यतिबेला बुढानिलकण्ठमा आफ्नो भव्य नयाँ घर निर्माणमा व्यस्त छन्। प्राप्त जानकारीअनुसार करिब ३ करोड रुपैयाँको लागतमा निर्माण भइरहेको उक्त घर आधुनिक डिजाइन र सुविधा सम्पन्न सहित तयार हुँदैछ।
फिल्म क्षेत्रमा लगातार व्यस्त रहेका पल शाहले अभिनयबाट मात्र होइन, म्युजिक भिडियो र स्टेज कार्यक्रममार्फत पनि उल्लेख्य आम्दानी गर्दै आएका छन्। विशेषगरी पछिल्ला वर्षहरूमा उनले अभिनय गरेका गीतहरू करोडौं भ्युज बटुल्न सफल भएका छन्, जसले उनको लोकप्रियता र बजार मूल्य अझ बलियो बनाएको छ। यही कारण उनी नेपाली मनोरञ्जन क्षेत्रमा सबैभन्दा बढी आम्दानी गर्ने कलाकारहरूमध्ये एक मानिन्छन्।
फिल्म, म्युजिक भिडियो, ब्रान्ड प्रमोसन र देश–विदेशका स्टेज कार्यक्रमबाट राम्रो कमाइ गरिरहेका पलले आफ्नो मेहनतको कमाइलाई घर निर्माणमा लगानी गरेका हुन्। बुढानिलकण्ठको शान्त र आकर्षक क्षेत्रमा निर्माणाधीन उनको नयाँ घरको हामीले एक्सक्लुसिभ तस्बिरसहित छोटो सेयर गरेका हौं ।
सफलता, लोकप्रियता र निरन्तर मेहनतका कारण पल शाह नेपाली मनोरञ्जन उद्योगका सबैभन्दा स्थापित र व्यस्त कलाकारमध्ये एक बनेका छन्। अब हेर्न बाँकी छ, निर्माण सम्पन्न भएपछि उनको यो सपनाको घर कति भव्य देखिनेछ।
हार्दिक बधाई सुपरस्टार पल ☺️😍
