Dainik akhabaar

Dainik akhabaar its news site that you can see all kind of hot news

ओमानको प्रमुख तेल टर्मिनलमा विष्फोट, कच्चा तेल लोडिङ रोकियोओमानको ‘मिना अल फहल’ आयल टर्मिनल नजिकै विष्फोट भएपछि कच्चा ते...
05/06/2026

ओमानको प्रमुख तेल टर्मिनलमा विष्फोट, कच्चा तेल लोडिङ रोकियो
ओमानको ‘मिना अल फहल’ आयल टर्मिनल नजिकै विष्फोट भएपछि कच्चा तेल लोडिङ अस्थायी रूपमा रोकिएको छ। घटनालाई ड्रोन आक्रमणसँग जोडिएको बताइए पनि ओमान सरकारले हालसम्म आधिकारिक प्रतिक्रिया दिएको छैन। विष्फोटपछि बन्दरगाह बाहिर धेरै तेल ट्याङ्करहरू प्रतीक्षामा रहेको जनाइएको छ।

तेस्रो विवाहको तयारीमा आमिर खानबलिउड अभिनेता आमिर खानले आफ्नी प्रेमिका गौरी स्प्राटसँग आगामी जुलाई ५, २०२६ मा विवाह गर्न...
04/06/2026

तेस्रो विवाहको तयारीमा आमिर खान
बलिउड अभिनेता आमिर खानले आफ्नी प्रेमिका गौरी स्प्राटसँग आगामी जुलाई ५, २०२६ मा विवाह गर्ने घोषणा गरेका छन्। दुई वर्षभन्दा बढी समयदेखि प्रेम सम्बन्धमा रहेका उनीहरू अब वैवाहिक बन्धनमा बाँधिन लागेका हुन्।
भारतीय सञ्चारमाध्यमसँगको कुराकानीमा आमिरले विवाहको खबर पुष्टि गरेका छन्। उनीहरू पारिवारिक उपस्थितिमै साधारण रूपमा विवाह गर्ने तयारीमा रहेको बताइएको छ। निजी जीवनलाई अनावश्यक चर्चाबाट टाढा राख्न चाहेकाले भव्य समारोह नगर्ने योजना रहेको जनाइएको छ।
आमिरले सन् २०२५ मा आफ्नो ६०औँ जन्मदिनका अवसरमा गौरीसँगको सम्बन्ध सार्वजनिक गरेका थिए। त्यसयता उनले गौरीले आफ्नो जीवनमा स्थिरता र शान्ति ल्याएको बताएका थिए।
यो आमिरको तेस्रो विवाह हुनेछ। यसअघि उनले रीना दत्ता र किरण रावसँग विवाह गरेका थिए। दुवैसँग सम्बन्धविच्छेद भए पनि उनीहरूले सन्तानको जिम्मेवारी सहमतिपूर्वक निर्वाह गर्दै आएका छन्।
गौरी स्प्राट बेंगलुरूकी उद्यमी हुन् र फेसन तथा ब्यूटी क्षेत्रमा व्यवसाय गर्दै आएकी छन्। करिब २५ वर्षअघि पहिलो पटक भेटिएका आमिर र गौरी वर्षौँपछि पुनः नजिकिएका थिए, जसले पछि प्रेम सम्बन्धको रूप लिएको थियो।

प्रधानमन्त्री बालेन शाह ले जातीय भेदभाव तथा छुवाछूत उन्मूलन राष्ट्रिय दिवसको अवसरमा कानुन मात्र बनाएर विभेद अन्त्य नहुने...
04/06/2026

प्रधानमन्त्री बालेन शाह ले जातीय भेदभाव तथा छुवाछूत उन्मूलन राष्ट्रिय दिवसको अवसरमा कानुन मात्र बनाएर विभेद अन्त्य नहुने भन्दै समाजको सोच, व्यवहार र संस्कारमा सकारात्मक परिवर्तन आवश्यक रहेको बताएका छन्।
उनले समानता, सम्मान र सामाजिक न्यायलाई व्यवहारमा उतार्न सबैले जिम्मेवार भूमिका निर्वाह गर्नुपर्ने उल्लेख गर्दै दलित समुदायको योगदानको उच्च सम्मान गरेका छन्। साथै, सरकारले छुवाछूत तथा भेदभावविरुद्ध राष्ट्रिय अभियान सञ्चालन गर्दै दलित समुदायको सीप संरक्षण, आयआर्जन वृद्धि र प्रविधि विकासलाई प्राथमिकतामा राखेको बताएका छन्।
प्रधानमन्त्री शाहले जातीय भेदभावमुक्त, समतामूलक र सम्मानजनक समाज निर्माणका लागि सबै नेपाली एकजुट हुनुपर्नेमा जोड दिएका छन्।

सगरमाथा आधार शिविर क्षेत्रमा ६ दिनदेखि सम्पर्कविहीन रहेका पर्यटन श्रमिक दावा शेर्पा (हिलारी) सकुशल फेला परेका छन्। खुम्ब...
04/06/2026

सगरमाथा आधार शिविर क्षेत्रमा ६ दिनदेखि सम्पर्कविहीन रहेका पर्यटन श्रमिक दावा शेर्पा (हिलारी) सकुशल फेला परेका छन्। खुम्बु आइसफल क्षेत्रबाट उद्धार गरिएका उनलाई हेलिकोप्टरमार्फत काठमाडौं ल्याई उपचारका लागि ह्याम्स अस्पताल भर्ना गरिएको छ। हिउँका कारण हातखुट्टामा असर परेको अवस्थामा भेटिएका शेर्पाको थप उपचार भइरहेको छ।

परराष्ट्रमन्त्री शिशिर खनाल भोलिदेखि तीन दिने औपचारिक भारत भ्रमणमा जाने भएका छन्। भारतीय विदेशमन्त्री एस. जयशङ्कर को निम...
04/06/2026

परराष्ट्रमन्त्री शिशिर खनाल भोलिदेखि तीन दिने औपचारिक भारत भ्रमणमा जाने भएका छन्। भारतीय विदेशमन्त्री एस. जयशङ्कर को निमन्त्रणामा हुने भ्रमण २२ देखि २४ जेठसम्म चल्नेछ।
भ्रमणका क्रममा नयाँ दिल्लीमा नेपाल र भारतका परराष्ट्रमन्त्रीबीच द्विपक्षीय भेटवार्ता हुनेछ। छलफलमा व्यापार, लगानी, सम्पर्क सञ्जाल, ऊर्जा सहयोग तथा दुई देशका नागरिकबीचको सम्बन्धलाई अझ सुदृढ बनाउने विषयमा केन्द्रित वार्ता हुने बताइएको छ।
परराष्ट्र मन्त्रालयका अनुसार यो भ्रमणले नेपाल–भारतबीचको कूटनीतिक तथा ऐतिहासिक सम्बन्धलाई थप मजबुत बनाउने अपेक्षा गरिएको छ। मन्त्री खनाल २४ जेठमा स्वदेश फर्किने कार्यतालिका रहेको छ।

भक्तपुरमा घरायसी विवादका क्रममा एक महिलाको ज्यान गएको छ। भक्तपुर नगरपालिका–१० छालिङ रोडस्थित आर्मी ब्यारेक नजिक डेरा गरी...
04/06/2026

भक्तपुरमा घरायसी विवादका क्रममा एक महिलाको ज्यान गएको छ। भक्तपुर नगरपालिका–१० छालिङ रोडस्थित आर्मी ब्यारेक नजिक डेरा गरी बस्दै आएकी ३३ वर्षीया सलिना तोलाङ्गे विश्वकर्माको हत्या भएको प्रहरीले जनाएको छ।
प्रहरीका अनुसार उनका श्रीमान् ३८ वर्षीय विदुर विश्वकर्माले बुधबार साँझ घरायसी झगडाका क्रममा खुकुरी प्रहार गरेका थिए। घटनामा सलिनाको घटनास्थलमै मृत्यु भएको र आरोपीलाई प्रहरीले नियन्त्रणमा लिएको छ।
झगडा छुट्याउन गएका उनीहरूका ८ वर्षीय छोरा पनि घाइते भएका थिए। उपचारपछि उनी अस्पतालबाट डिस्चार्ज भइसकेका छन्। घटनाबारे प्रहरीले थप अनुसन्धान गरिरहेको जनाएको छ।

इरानी आक्रमणले कुवेत अन्तर्राष्ट्रिय विमानस्थलमा ठूलो क्षति पुर्‍याएको छ। यो इरानी शासनले केवल इजरायलमा मात्र होइन, सम्प...
03/06/2026

इरानी आक्रमणले कुवेत अन्तर्राष्ट्रिय विमानस्थलमा ठूलो क्षति पुर्‍याएको छ। यो इरानी शासनले केवल इजरायलमा मात्र होइन, सम्पूर्ण मध्यपूर्वभर नागरिक पूर्वाधार र सर्वसाधारणलाई निशाना बनाउने व्यापक प्रवृत्तिको हिस्सा भएको दाबी गरिएको छ।

अध्ययन बिदा लिएर सेवामा नफर्किएका ४१ जना प्राध्यापकबाट त्रिभुवन विश्वविद्यालयले १० करोड ४६ लाख रुपैयाँभन्दा बढी रकम फिर्...
03/06/2026

अध्ययन बिदा लिएर सेवामा नफर्किएका ४१ जना प्राध्यापकबाट त्रिभुवन विश्वविद्यालयले १० करोड ४६ लाख रुपैयाँभन्दा बढी रकम फिर्ता असुल गरेको दाबी गरिएको छ। उक्त रकम विश्वविद्यालयको पेन्सन कोषमा जम्मा भइसकेको जनाइएको छ।
यस प्रकरणबाट विश्वविद्यालयलाई २ अर्ब रुपैयाँभन्दा बढी आर्थिक क्षति पुगेको दाबी गरिएको छ। सरकारको निर्देशनपछि विश्वविद्यालयले सम्बन्धित प्राध्यापकहरूसँग रकम फिर्ता माग्ने प्रक्रिया अघि बढाएको थियो। रकम नबुझाउनेहरूको नाम सार्वजनिक गर्ने तयारी गरिएपछि धेरैले रकम फिर्ता गर्न थालेको बताइएको छ।
अध्ययन बिदाको सुविधाको दुरुपयोग गर्दै सेवामा नफर्किने प्रवृत्तिविरुद्ध कडाइ गरिएसँगै रकम असुली प्रक्रिया तीव्र बनेको जनाइएको छ।

दिल्लीको होटलमा भीषण आगलागी, २१ जनाको मृत्यु
03/06/2026

दिल्लीको होटलमा भीषण आगलागी, २१ जनाको मृत्यु

बैंकिङ कसुरको आरोपमा जानकी मेडिकल कलेजका अध्यक्ष ओमप्रसाद पाण्डे पक्राउ परेका छन्।केन्द्रीय अनुसन्धान ब्युरो (सीआईबी) ले...
03/06/2026

बैंकिङ कसुरको आरोपमा जानकी मेडिकल कलेजका अध्यक्ष ओमप्रसाद पाण्डे पक्राउ परेका छन्।
केन्द्रीय अनुसन्धान ब्युरो (सीआईबी) ले उनलाई धनुषास्थित जानकी मेडिकल कलेजबाट नियन्त्रणमा लिएको हो। प्रहरीका अनुसार पाण्डेमाथि कर्जा लिँदा अनियमितता गरेको, ऋणको दुरुपयोग गरेको तथा बैंकिङ सम्बन्धी कानुन उल्लंघन गरेको आरोप छ।
अनुसन्धानका क्रममा कर्जासम्बन्धी विभिन्न शंकास्पद गतिविधि देखिएकाले उनीमाथि बैंकिङ कसुर तथा सजाय ऐन अन्तर्गत छानबिन अघि बढाइएको प्रहरीले जनाएको छ। घटनाबारे थप अनुसन्धान जारी रहेको छ।

Address

Boudhhanath Marg
Kathmandu
44600

Website

Alerts

Be the first to know and let us send you an email when Dainik akhabaar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category