17/05/2026
गिद्दको बच्चाले भन्यो, " बाबा,आज मलाई मान्छेको मासु खान मन लागेको छ।"
गिद्दले भन्यो, " हुन्छ छोरा, तँ बस्दै गर म लिएर आउँछु।"
यति भनेर उ उड्यो र सुगुरको मासु लिएर आयो।
बच्चाले भन्यो, " यो त सुगुरको मासु हो। मलाई त मान्छेको मासु खान मन लागेको छ।"
गिद्दले भन्यो, " पर्खी छोरा,म भोलिसम्म बन्दोबस्त गर्छु।"
भोलिपल्ट उसले गाईको मासु लिएर आयो।
बच्चा रिसाउदै भन्यो, " यो त गाईको मासु हो, मैले त मान्छेको मासु भनेको थिएँ।"
गिद्द फेरि उड्यो र उसले सुँगुरको मासु पवित्र मस्जिदको छेउमा र गाईको मासु मन्दिरको छेउमा लगेर फ्याकिदियो। केही समयपछि त्यहाँ धार्मिक द्वन्द्वले मान्छे-मान्छेबिच काटमार शुरु भयो। मान्छेको लासहरु छ्याप्छ्याप्ती भेटिए। गिद्दका बाउ छोराले अघाउन्जेल मान्छेको मासु खाए।
गिद्दको बच्चालाई यो अचम्म लाग्यो र बाउलाई सोध्यो," यो चमत्कार कसरी गर्नुभयो,यति धेरै मान्छेको मासु?"
गिद्दले जवाफ दियो, "छोरा, केही धुर्त मान्छेहरुले आफ्नो स्वार्थको लागि धर्म,जात,संगठन,आयोग जस्ता नामको भाइरस फैलाइरहेका छ्न्। अनि अबुझ मान्छेहररू ती संगठनको नाममा मर्न र मार्न तयार हुन्छ्न्। धन्य छोरा! हाम्रो कुनै धर्म र जात छैन् र हामी खुशी छौँ। त्यसैले तैले मज्जाले मासु खा।
*******
(यो हाम्रो समाजमा घटिरहेको कथा र उदाहरण मात्रै हो। कुनै धर्म र जातिको मानमर्दन गर्ने उदेश्य नभएको जानकारी गराउँदछु।)
