22/02/2025
पैसा ठगेको आरोप लागेपछि: आदरणिय शुभचिन्तक मित्रहरू नमस्कार । म सञ्चिता शाही, आज मलाई नराम्रो आरोपहरू आइलागेको छन् । कलाकार भाई बिर्ख विश्वकर्माले आफुलाई क्यान्सर भएको र उपचारको लागि आर्थिक अभाव भएको भन्दै सहयोगको लागि याचना गरेका थिए । म भावनामा वहकिएँ । उनले यतिठुलो झुट बोल्लान भन्ने कल्पना सम्म गर्न सकिन, म त्यहीँ नेर चुक्न पुगेछु।
उनले परिवारमा कोही सदस्य नरहेको, आफु एक्लो टुहुरो भएको, अस्पतालमा कुर्ने कुरुवा समेत नरहेको कारण आफु विचल्लीमा परेको भन्दै रोएका थिए । मानवताको नाताले मैले उपचारमा सहयोग गर्ने दाताहरू खोजेँ । सहयोगको अपिल गरेँ। दाताहरूले सहयोग पनि गर्नुभयो ठूलै रकम बिर्ख भाइको खातामा डिपोजिट भयो ।
अहिले आएर उनलाई क्यान्सर नभएको र यो सबैकुरा झुट थियो भन्ने थाह पाउँदा मलाई अत्यन्तै आत्मग्लानी भइरहेको छ। बिर्ख भाई सम्पर्कमा छैनन, कुनै कुराको जवाफ पनि दिंदैनन् । हिजोसम्म मलाई बचाइदिनुस दिदी भन्दै रुने विर्ख आज वेपत्ता भएकाछन्, हजारौँ प्रश्नहरूका बिच मलाई पिडित बनाएर उनि लुकेका छन्।
म सम्पुर्ण चन्दादाताबरू संग क्षमा याचना गर्न चाहन्छु । मैले चन्दा स्वरुप आएको एक पैसा पनि मेरो खातामा नलिएर सोझै विमारिको खातामै जम्मा गरिदिन अनुरोध गरेकी हुँ । मैले आफुसंग जम्मा गरेर विर्खलाई दिएकी होइन । उनि मेरो भावना संग खेले र पैसा लिएर उम्कन सफल भए, । पैसा मेरो खातामा रहिरहेको र हस्तान्तरण गरिनसकेको अबस्था हुन्थ्यो भने म इमान्दारि पूर्वक त्यो पैसा दाताहरूलाई फिर्ता गर्ने थिएँ । अझैपनि बिर्खलाई भेटेर त्यो दान फिर्ता गराउने मेरो प्रयास रहनेछ ।
बिर्ख भाईलाई अनुरोध गर्न चाहन्छु, प्लिज भाई माथिबाट भगवानले सबैकुरा हेरिरहेका छन। तिमिले जे गऱ्यौ त्यो सर्वथा गलत कुरा हो। तिमीले उपचारमा कति खर्च गऱ्यौ?अब आफ्नो इमान्दारिता देखाउ, भगवान संग डराउ भाइ-आउ बसेर हर हिसाब गरेर इमान्दारिता पूर्वक दाताहरूको दान फिर्ता गरौँ । त्यो पैसा अरु साँच्चै क्यान्सर भएका विमारिहरूलाई काम लाग्छ, तिमी सम्पर्कमा आउ भाई, तिम्रो दुखमा सहयोग गरेकी मान्छे हुँ म। अहिले तिम्रो छुटको कारण मलाई नखाएको विष लागिरहेछ यस्तो अबस्थामा तिमिले सबैकुरा क्लियर पार्नै पर्छ।
सम्पूर्ण शुभचिन्तकहरू संग म क्षमा याचना गर्न चाहन्छु।
