02/06/2026
जनकपुरधाम । धनुषा जिल्ला पार्टीको आधिकारिक पोर्टल ह्याक गरिएको भन्दै सामाजिक सञ्जालमार्फत जानकारी सार्वजनिक गरिएको छ। सार्वजनिक सूचनामा केही व्यक्तिहरूले मनोमानी ढंगले पालिका पदाधिकारीहरूको विवरण सम्पादन (एडिट) गरेको आरोप लगाइएको छ।
सूचनामा यस्ता गतिविधिलाई अराजकता भन्दै सम्बन्धित व्यक्तिहरूमाथि कारबाही गर्न पार्टीका आधिकारिक निकायमा उजुरी दिन आग्रह गरिएको छ। साथै पार्टीको आधिकारिक टिमले घटनाबारे आवश्यक छानबिन तथा कानुनी प्रक्रिया अगाडि बढाउने संकेत दिएको छ।
यद्यपि, पोर्टल कहिले र कसरी ह्याक भएको हो भन्ने विषयमा विस्तृत जानकारी सार्वजनिक गरिएको छैन। सम्बन्धित पक्षबाट आधिकारिक धारणा आउन बाँकी रहेको बताइएको छ।
घटनाप्रति पार्टी कार्यकर्ता तथा समर्थकहरूले चासो व्यक्त गरेका छन् भने सत्यतथ्य छानबिन गरी दोषीमाथि आवश्यक कारबाही गर्न माग गरेका छन्।
जानकारी गराउने व्यक्ति = Sajan Sah
Er Kumar Nayak
