Sabdhan Media House Pvt. Ltd.

02/06/2025

26/05/2025

महान छाेरिकाे लागि Follow र Like गरिदिनुहाेला ।
याे सामग्री https://www.facebook.com/share/1J45DDKJws/ बाट साभार गरिएकाे हाे ।

18/05/2025

Please follow and Like page
हाम्रो प्रशिद्ध धार्मिक स्थल सुपादेउराली प्रति समर्पित भजन "सुपादेउरालीकी माइ" बजारमा आयो है ।

21/09/2024

Nepal

17/12/2022

निजामती कमर्चारीहरुको आधिकारिक ट्रेड युनियन, जिल्ला कार्य समिति अर्घाखाँचीले विदाई तथा फेरी भेटौला कार्यक्रम सम्पन्न गरेको छ । डिभिजन वन कार्यालय, अर्घाखाँचीमा सहायक वन अधिकृत पदमा कार्यरत शिला पोखरेलको विदाई गरेको हो । उहाँ पूर्ण छात्रावृत्तिमा अमेरिकाको North Carolina State University मा वन विज्ञानमा स्नातकोत्तर अध्ययनको लागि जिल्ला छोड्न लाग्नु भएको हो । कार्यक्रममा उपस्थित सबैले उहाँलाई अमेरिका सम्मको सुखद यात्राका साथै उच्च प्रगतिको कामना सहित विदाई गरेको थियो ।

01/11/2022

अर्घाखाँची कार्तिक -१५
नेपाल कम्युनिस्ट पार्टीका तीन दलित मोर्चाद्वारा संसदिय निर्वाचन यसको औचित्य बिषयक संयुक्त अन्तरक्रिया कार्यक्रम सम्पन्न ।
नेपाल कम्युनिस्ट पार्टीको तिनदलिय मोर्चा नेकपा (बहुमत ) ,नेकपा मसाल र नेकपा क्रान्तिकारी माओबादी अर्घाखाँचीले संयुक्त रुपमा संसदिय चुनाव अबज्ञा र बहिष्कार गरौं भन्ने मुलनाराका साथ सर्बपक्षिय अन्तरक्रिया कार्यक्रम सम्पन्न गरेको छ ।
नेकपा (बहुमत )का केन्द्रिय सदस्य तथा अर्घाखाँची कपिलवस्तु इन्चार्ज शेरमानको प्रमुख आतिथ्यता मा शुरु कार्यक्रममा नेकपा मसालका नेता कृष्ण बहादुर केसि, एमाले नेता रामचन्द्र पोख्रेल ,माओबादी केन्द्रका नेता डिलाराम पान्डे ,नेपाल समाजबादिका नेता पुस्करनाथ आचार्य , नेकपा ( बहुमत ) का केन्द्रिय सदस्य सुनिल बन्जाडे , अनेमसंघकि केन्द्रिय महासचिव रेखा खनाल ,नेपाल परिवार दलका नेता डिल्लीराज भुसाल ,नागरिक समाजका अध्यक्ष नन्दराम पोख्रेल तथा संचारकर्मीहरुको उपस्थित रहेको थियो ।
नेपाली जनताको हित गर्ने नौलो जनबाद हुदै बैज्ञानिक समाजबाद स्थापनाका लागी अगाडि बढ्ने प्रस्तुत अपिल पत्रमा भनिएको छ चारदशक देखि संचालित दलाल संसदिय ब्याबस्थाको कारण नेपाल आर्थिक रूपमा श्रीलंका र राजनैतिक रुपले युक्रेन हुदै जान थालेको भन्दै ,नेपालमा बाइड- बडि जाहाजमा भएको भस्टाचार,सेक्युरिटी प्रेस खरिदमा भएको कमिसनखोरी ,सुन कान्ड, ओम्नि कान्ड,बतास कान्ड, एनसेल लाई ट्याक्स मिनाहा ,निर्मला पन्तको हत्या प्रकरणमा राज्यको मौनता ,निरन्तरको सरकार बदली जस्ता संसदिय ब्याबस्थाको चारीत्रीक विशेषता भएको भन्दै ढाइपेज लामो आपिलपत्र प्रस्तुत गरिएको थियो ।
कार्यक्रम मसालका प्रतिनिधि नरेन्द्र थापाको अध्यक्षता मसाल नेता कृष्ण केसीको कार्यपत्र प्रस्तुति क्रान्तिकारी माओबादीका जिल्ला सचीव टन्कमानको स्वागत मन्तव्य तथा नेपाल (बहुमत ) का नेता नवीन खड्का बारुदको संचालनमा सम्पन्न भएको थियो ।
यो समाचार पत्रकार अशोक कुमार खनालको फेसबुक वाटबाट साभार गरिएको हो ।

31/10/2022

गुल्मी यातायातको जिप दुर्घटना ३ जना सामान्य घाइते ।
गुल्मीको नयाँ गाउँबाट सन्धिखर्ककोलागी छुटेको लु १ ज २६२० नम्बरको जिप सन्धिखर्क १० माटेमा आज बिहान दुर्घटना ।
जिपमा चालक सहित १३ जना यात्रु सबार रहेको जिल्ला ट्राफिक प्रहरी कार्यालय अर्घाखाँची विष्णु केसिद्वारा जानकारी । घाइतेको जिल्ला अस्पताल अर्घाखाँचीमा उपचार हुँदै ।
यो समाचार पत्रकार श्याम घिमिरेको फेसबुक वालवाट साभार गरिएको हो ।

31/10/2022

अस्ट्रेलियाले अभिभावक र दक्ष कामदार भिसा दोब्बर बनायो
अस्ट्रेलिया — अस्ट्रेलियाले दक्ष कामदार तथा अभिभावक भिसाको संख्या करिब दोब्बरले वृद्धि गर्ने भएको छ । अस्ट्रेलियाका ट्रेजरर जिम चाल्मरले बजेट सार्वजनिक गर्दै त्यसको घोषणा गरेका हुन् । बजेटमार्फत सार्वजनिक कार्यक्रम अन्तर्गत आगामी ४ वर्षका लागि अस्ट्रेलियाको अध्यागमन क्षेत्रलाई अझ प्रभावकारी बनाउन करिब ६ सय मिलियन डलरसमेत छुट्याइएको छ ।

गृह मन्त्रालयमा सार्वजनिक गरिएको सूचनाअनुसार दक्ष कामदार भिसाको संख्या आगामी आर्थिक वर्ष २०२२/०२३ मा ७९ हजारबाट १ लाख ४२ हजार पुर्‍याइएको छ भने अभिभावकलाई दिइने भिसासमेत ४ हजार ५ सयबाट बढाएर ८ हजार ५ सय बनाइएको छ ।

अस्ट्रेलियामा कोरोना भाइरसको संक्रमणपछि कामदार अभाव भएका कारण उक्त अभावलाई पूरा गर्न दक्ष कामदार भिसाको संख्या वृद्धि गरिएको बताइएको छ । अस्ट्रेलियामा हरेक वर्षका लागि छुट्याइएको सीमित संख्यामध्येमा केही भिसालाई कम गरेर यी दुई भिसालाई बढाइएको हो । अस्ट्रेलियाले गत वर्ष जम्मा १ लाख ६५ हजार आप्रवासीलाई भित्र्याएकोमा उक्त संख्यालाई बढाएर १ लाख ९५ हजार पुर्‍याएको छ । अहिले परिवर्तन गरिएको संख्यासमेत उक्त निर्धारित कोटाअन्तर्गत नै आवश्यकताका क्षेत्रअनुसार छुट्याइएको हो ।

गृह मन्त्रालयमा उपलब्ध जानकारी अनुसार श्रीमान् वा श्रीमतीलाई दिइने (पार्टनर) भिसामा करिब आधा कटौती गरिएको छ भने व्यावसायिक व्यक्ति तथा अन्तर्राष्ट्रिय ख्याति कमाएका व्यक्तिलाई दिइने भिसामा पनि अत्यधिक कटौती गरिएको छ । जानकारीअनुसार कार्यक्षेत्रबाट गरिने स्पोन्सर भिसाको संख्या २२ हजारबाट ३५ हजार पुर्‍याइएको छ भने स्वतन्त्र रूपमा आउने दक्ष कामदारको संख्या ६ हजार ५ सयबाट ३२ हजार पुर्‍याइएको छ ।

दुर्गम क्षेत्रमा देखिएको कामदार अभाव पूरा गर्ने उद्देश्यले उक्त क्षेत्रमा छुट्याइएको भिसाको संख्यासमेत ११ हजारबाट ३१ हजार पुर्‍याइएको छ । तर पार्टनर भिसाको संख्या भने ७२ हजारबाट ४० हजारमा झारिएको छ । गत वर्ष दक्षताका आधारमा दिइने भिसाको संख्या ७६ हजार ६ सय रहेकामा उक्त संख्यालाई बढाएर १ लाख ४२ हजार पुर्‍याइएको छ भने पारिवारिक भिसाअन्तर्गत दिइने संख्यालाई ८० हजारबाट घटाएर ५२ हजार बनाइएको छ ।
यसका साथै सरकारले आगामी चार वर्षका लागि यहाँको अध्यागमन क्षेत्रमा अझ चुस्तता ल्याउन ५ सय ७६ मिलियन डलरको घोषणा गरेको छ । भिसा प्रोसेसिङ लगायतका काममा पछिल्लो समयमा देखिएको ढिलासुस्तीलाई कम गर्न, बाहिरी स्थानमा रहेका कार्यालय तथा शरणार्थीलाई सहयोग गर्नका लागि सरकारले तोकेको रकम खर्च हुने स्थानीय समाचार संस्था एसबीएसले उल्लेख गरेको छ ।

अस्ट्रेलियाले बढाएको दक्ष कामदार भिसामा विदेशमा रहेका दक्ष कामदार तथा अस्ट्रेलियामा लामो समयसम्म बसोबास गरिरहेका व्यक्तिलाई प्राथमिकता दिइने जनाइएको छ । प्रधानमन्त्री एन्थोनी अल्बानिजीले अध्यागमन विभागको बजेटमा उल्लेख्य वृद्धि भएको बताएका छन् । परिवर्तन गरिएको नीतिले चार वर्षमा ९ सय २५ मिलियन डलर राजस्व संकलन हुने आकलन गरिएको छ ।

अध्यागमन क्षेत्रका जानकारका अनुसार अस्ट्रेलियाले कोभिडपछि देखिएको कामदार अभाव पूरा गर्ने उद्देश्यका साथ भिसा नीतिमा परिवर्तन गरेको हो । सिड्नीस्थित कानुन व्यवसायी सञ्जीव पाण्डे सरकारको पछिल्लो निर्णय कामदार अभाव पूरा गर्ने उद्देश्यले ल्याइएको भए पनि नेपाली विद्यार्थीलाई समेत प्रत्यक्ष फाइदा पुग्ने बताउँछन् । नेपाली विद्यार्थीले दक्ष भिसाको प्रक्रियाबाट पीआर लिने भएकाले यसको फाइदा उनीहरूलाई पनि हुने उनको भनाइ छ ।

यो समाचार कान्तिपूरवाट साभार गरिएको हो ।

28/10/2022

अर्घाखाँचीको एयरपोर्टमा मोटरसाइकल दुर्घटना : २ जनाको घटनास्थलमै मृत्यु, २ घाइते
सन्धिखर्क : अर्घाखाँचीको सन्धिखर्कस्थित निर्माणाधीन एयरपोर्टमा मोटरसाइकल दुर्घटनामा दुई जनाको मृत्यु भएको छ। २ जना घाइते भएका छन्। सन्धिखर्क-१० शिखरबार्नीमा निर्माणाधीन एयरपोर्टको रनवेयमा मोटरसाइकल चलाउने क्रममा गएराती अनियन्त्रित भई दुई मोटरसाइकल दुर्घटनामा परेका हुन्।
प्रदेश नम्बर बा प्र. ०२-०३८.प.५०३२ नम्बरको मोटरसाइकल दुर्घटनामा मोटरसाइकलमा सवार सन्धिखर्क नगरपालिका- १ मिडिया चोकका २६ वर्षीय रोशन सुनाम र हललाइनका २२ वर्षीय कृतिम रायमाझीको घटनास्थलमै मृत्यु भएको जिल्ला प्रहरी कार्यालयका प्रमुख डीएसपी मुकुन्द रिजालले बताए।
अर्को बा २५ प ८८७६ नम्बरको मोटरसाइकलमा सवार सन्धिखर्क २ आटिकापाटा निवासी ५७ वर्षीय हेमराज भुसाल र २० वर्षीय विष्णु पराजुली घाइते भएका छन्। घाइतेको बुटवलमा रहेको मर्सिटी हस्पिटलमा उपचार भइरहेको प्रहरीको भनाइ छ। मोटरसाइकल ओभर स्पिडका कारण घटना भएको हुनसक्ने प्रहरीको प्रारम्भिक अनु‍सन्धान रहेको छ। घटनाको बारेमा अनुसन्धान भइरहेको जिल्ला प्रहरी कार्यालयका प्रमुख रिजालले जानकारी दिए।

23/10/2022

२० बर्ष कैद सजाय भई फरार रहेका कर्तव्य ज्यान मुद्दाका फरार १२ बर्ष पछी पक्राउ
*******************************
भुमिकास्थान नगरपालीका वडा नं -१० न धनचौर बस्ने बर्ष २८ की खुमकला भुषालको जाहेरी वादी नेपाल सरकार प्रतिवादी भुमिकास्थान न.पा. १० स्थाई ठेगाना भएका नारायण बुढा समेत भएको मिती २०६७।१०।२५ गते साविकको धनचौर गा.वि.स वडा नं. ९ प्यारे भन्ने स्थानमा बर्ष ४० को दधिराम भुषाललाई खड्क बहादुर बुढाथोकी समेतका ९ जनाले कर्तव्य गरि मारेको कर्तव्य ज्यान मुद्दामा जिल्ला अदालत अर्घाखाँची को २०७५।०३।०३ गतेको भएको फैसला बमोजिम २० बर्ष कैद सजाय भई फरार रहेका भुमिकास्थान न.पा.१० स्थाई ठेगानामा बस्ने बर्ष ४० को शालिक बहादुर बुढा र नारायण बुढा गरि दुई जनालाई अर्घाखाँची र कपिलवस्तु जिल्लाको सिमानामा लुकिछिपि बसेका छन भन्ने सूचनाको आधारमा जिल्ला प्रहरी कार्यालय अर्घाखाँची बाट प्र.नि. अर्जुन पौडेलको को कमाण्डमा खटिएको प्रहरी टोलिले मिती २०७९।०७।०६ गते अर्घाखाँची र कपिलवस्तु जिल्लाको सिमानामा बाट पक्राउ गरी कैद भुक्तानको लागि अर्घाखाँची जिल्ला अदालत समक्ष पेश गरिएको प्रहरिले जनाएको छ ।

22/10/2022

रुपन्देही २ मा राजु गुरुङको उम्मेदवारी खारेज

रुपन्देही–२ का एकीकृत समाजवादीका उम्मेदवार राजु गुरुङको उम्मेदवारी खारेज भएको छ ।
शुक्रबार सर्वोच्च अदालतका न्यायाधीश ईश्वरप्रसाद खतिवडा र कुमार रेग्मीको इजलासले गुरुङको उम्मेदवारी तत्काल खारेज नगर्न यसअघि सर्वोच्चले नै दिएको अल्पकालीन अन्तरिम आदेश निरन्तरता नदिने आदेश दिएको हो ।
सर्वोच्चले गुरुङ कर्जा सूचना केन्द्रको कालोसूचीमा कायम रहेकाले प्रतिनिधिसभा निर्वाचनमा उम्मेदवार हुन नपाउने प्रारम्भिक दृष्टिकोण दिएको हो ।
‘निवेदक राजु गुरुङले २०७४ सालमा कालो सूचीमा राखिएको कुरालाई लिएर कुनै कानूनी उपचार प्राप्त गरेको भन्ने पनि देखिएन । कालोसूची कायम रहेको भन्ने देखियो’, आदेशमा भनिएको छ, ‘कालोसूचीमा नाम समावेश रहेको सम्बन्धी अयोग्यता निवेदक राजु गुरुङमा कायम रहेको देखिँदा निजले प्रतिनिधिसभा सदस्य पदको निर्वाचनमा उम्मेदवार हुन पाउने अवस्था देखिएन । कालो सूचीमा नाम कायम रहेका व्यक्तिले उल्लिखित निर्वाचनमा उम्मेदवार हुन नपाउने भएकाले निवेदन माग बमोजिम अन्तरिम आदेश जारी गर्न मिलेन ।’
यो पनि पढ्नुहोस
रुपन्देही–२ मा राजु गुरुङको मनोनयन किन विवादित बन्यो ?
यसअघि रुपन्देही-२ का निर्वाचन अधिकृत उदवीर नेपालीले गुरुङको नाम कालोसूचीमा रहेको भन्दै उम्मेदवारी खारेज गरिदिएका थिए । निर्वाचन अधिकृतको निर्णयविरुद्ध गुरुङले सर्वोच्चमा रिट दिएका थिए । उक्त रिटमाथि सुनुवाइ गर्दै न्यायाधीश विश्वम्भरप्रसाद श्रेष्ठको एकल इजलासले गुरुङको उम्मेदवारी खारेज तत्काल खारेज नगर्न अल्पकालीन अन्तरिम आदेश दिँदै दुबै पक्षलाई छलफलमा बोलाएको थियो ।
दुबै पक्षसँगको छलफलपछि शुक्रबार न्यायाधीश खतिवडा र रेग्मीको इजलासले गुरुङ २०७४ सालदेखि कर्जा सूचना केन्द्रको कालोसूचीमा रहेको र त्यसमा कुनै कानुनी उपचार प्राप्त नगरेकाले कालो सूचीमा कायम रहेको देखिएको र उम्मेदवार हुन नमिल्ने ठहर गरेको हो । प्रतिनिधिसभा सदस्य निर्वाचन ऐन, २०७४ को दफा १३ (ज) मा कालोसूचीमा रहेको व्यक्ति त्यस अवधिभर उम्मेदवार हुन नपाउने व्यवस्था छ ।
सर्वोच्च अदालतको यो आदेशसँगै रुपन्देही–२ मा सत्तारुढ गठबन्धनको उम्मेदवारविना नै चुनावी प्रतिस्पर्धा हुने भएको छ । यसले एमाले उम्मेदवार एवं पूर्वअर्थमन्त्री विष्णु पौडेललाई सहज बनाएको छ । अब निर्वाचन आयोगलाई रुपन्देही–२ मा मतपत्र डिजाइन र छपाइको बाटो खुल्नेछ ।