Samman Khabar

31/08/2026

बाढीपीडित १२९ घरधुरीलाई राहत सामग्री वितरण

गत भदौ १० गते भोटेकोशी र त्रिशूली नदीमा आएको बाढीका कारण रसुवा, नुवाकोट, धादिङ र गोरखालगायत जिल्लामा ठूलो जनधनको क्षति भयो । बाढीका कारण सयौँ परिवार घरबारविहीन हुनुका साथै खाद्यान्न, लत्ताकपडा र अन्य अत्यावश्यक सामग्रीको अभाव झेलिरहेका छन् ।

बाढीपीडितलाई केही राहत पु¥याउने उद्देश्यले धादिङ क्षेत्र नम्बर १ का प्रतिनिधिसभा उम्मेदवार तथा श्रम संस्कृति पार्टी धादिङका जिल्ला सचिव प्रलाद सिलवालको पहल र निर्पेश मिजारको समन्वयमा राहत सामग्री वितरण गरिएको छ ।

Days For Girls Nepal र Eternal Hope Nepal को सहयोग तथा गजुरी गाउँपालिका–५ का वडा अध्यक्ष गोविन्द लामिछानेको रोहबरमा आइतबार गजुरी गाउँपालिका–५ अन्तर्गत गलौंदी बजार, बाँगे बजार र पोखरे खोलाका बाढीपीडितलाई राहत सामग्री वितरण गरिएको हो ।

महिलाका लागि धुन मिल्ने प्याड, डिस्पोजेबल प्याड, साबुन, सानो रुमाल, टुथपेस्ट, टुथब्रस, काइँयो, प्यान्टी, कपडाको मास्क र क्यारी पाउचलगायत अत्यावश्यक सामग्री समेटिएको एक–एक प्याकेट वितरण गरिएको थियो । यस्तै, बाढी प्रभावित सबै परिवारलाई ओढ्ने कम्बलसमेत वितरण गरिएको छ । अति आवश्यक परिवारलाई ८१ थान त्रिपाल वितरण गरिएको छ ।

राहत सामग्रीबाट गलौंदी बजारका ८१, बाङ्गे बजारका ३७ र पोखरे खोलाका ११ गरी कुल १२९ घरधुरी लाभान्वित भएका छन् ।

बाढीपछि आधारभूत आवश्यकतासमेत पूरा गर्न कठिनाइ भोगिरहेका पीडित परिवारलाई राहत सामग्रीले तत्कालका लागि केही सहयोग पुगेको छ ।

31/08/2026

भोटेकोसीको बाढीमा उद्धार गर्दागर्दै सम्पर्कविहीन बनेका कालिकास्थान (रसुवा) का प्रहरी निरीक्षक रमेश राय यादव सकुशल भेटिएका छन्। तर सामाजिक सञ्जालमा उनले लेखेको वाक्यले सबैको मन पगालेको छ— “अहिलेसम्म ठिक छु, पछि भन्न सकिन्न…”

आफ्नै जीवनको निश्चितता नहुँदा पनि अरूको रक्षामा खटिने यस्ता वीर र समर्पित राष्ट्रसेवकप्रति उच्च सम्मान! 🇳🇵🙏

30/08/2026

त्रिशुली ३ 'ए' जलविद्युत् आयोजनाको सुरुङभित्र थुनिएका प्राविधिक तथा कर्मचारीको उद्धारका लागि प्रयासरत टोली 'केबल एक्सेस टनेल'सम्म पुग्न सफल भएको छ। नेपाल विद्युत् प्राधिकरणका निमित्त कार्यकारी निर्देशक दीर्घायुकुमार श्रेष्ठका अनुसार सेना, प्राधिकरण र सुरुङ विशेषज्ञ सम्मिलित टोलीले पावरहाउसबाट तार बाहिर ल्याउन प्रयोग गरिने उक्त सुरुङमार्ग पत्ता लगाएको हो।

उक्त टनेलबाट अब उद्धार टोलीका विज्ञहरूलाई भित्र प्रवेश गराई वस्तुस्थिति बुझ्ने योजना बनाइएको छ। श्रेष्ठले भने, "यो बाटोबाट मानिस सहजै आउजाउ गर्न सक्ने भएकाले भित्र अड्किएकाहरूको उद्धार सम्भव छ। अघिल्लो दिन नै अक्सिजन पठाउने प्वाल पारिएकाले सबैजना सुरक्षित रहेको आशा छ।"

यसअघि भित्र हावा प्रवाह गराउन पाँच स्थानमा ड्रिल गरिएको थियो। उद्धार स्थलमै खटिएका सांसद तथा सुरुङविज्ञ श्रीराम न्यौपानेले टनेल भेटिएको पुष्टि गर्दै ड्रिल गर्ने र भित्रको अवस्था नियाल्ने काम भइरहेको जानकारी दिए।

बाढी आएको दुई दिनपछि शुक्रबारदेखि मात्रै उद्धार टोलीले प्रयास सुरु गरेको थियो। पाँच दिन बितिसक्दा पनि सुरुङ खोतल्न कठिन भइरहेकाले भित्र रहेका मानिसहरूको अवस्थालाई लिएर चिन्ता बढेको छ। भूमिगत विद्युत् गृहको ओभरहालिङ काममा खटिएका करिब ४० देखि ४२ जना प्राविधिक टोली सुरुङभित्रै अड्किएको प्राधिकरणको अनुमान छ।

30/08/2026

आमाको अत्यन्त कठिन परिस्थितिमा पनि बचाउन सफल भइन् बच्चा!

15/08/2026

काठमाडौँमा एकैदिन साढे ६ हजारभन्दा बढी ग्यास सिलिन्डर बिक्री, तर धेरै उपभोक्ता अझै खाली हात

काठमाडौँ । विगत एक महिनादेखि व्याप्त खाना पकाउने ग्यासको अभावलाई सम्बोधन गर्न सरकारले राजधानीका विभिन्न स्थानबाट एकैदिन ६ हजार आठ सयभन्दा बढी सिलिन्डर वितरण गरेको छ। नेपाल आयल निगम र जिल्ला प्रशासन कार्यालय काठमाडौँको संयुक्त समन्वयमा शनिबार विशेष बिक्री केन्द्रहरू सञ्चालन गरी कुल ६,८०२ वटा ग्यास सिलिन्डर सर्वसाधारणलाई उपलब्ध गराइएको हो।

ग्यास सहज रूपमा पाउने आशामा सर्वसाधारण बिहान ८ बजेदेखि नै तोकिएका स्थानमा घण्टौँ लाइनमा बसेका थिए। नेपाल आयल निगमको तथ्याङ्कअनुसार ५ वटा प्रमुख डिपोहरूबाट ५,९७२ सिलिन्डर तथा साल्ट ट्रेडिङ र बालाजु काउन्टरहरूबाट थप ८३० सिलिन्डर गरी उक्त सङ्ख्यामा ग्यास बिक्री गरिएको हो।

स्थानअनुसार ग्यास वितरणको विवरण

टेकु परिसर: २,२९० सिलिन्डर (सबैभन्दा बढी)

बबरमहल (पुरानो सिडिओ कार्यालय): १,६०० सिलिन्डर

कीर्तिपुर (राधास्वामी केन्द्र): ७६२ सिलिन्डर

चाबहिल (यातायात कार्यालय परिसर): ७२० सिलिन्डर

बसुन्धरा (राधास्वामी केन्द्र): ६०० सिलिन्डर

बालाजु काउन्टर: ५०० सिलिन्डर

जडीबुटी तथा कालीमाटी (साल्ट ट्रेडिङ): ३३० सिलिन्डर

नेपाल र एभरेष्ट ग्यासको माग उच्च

बिक्री भएका विभिन्न ब्रान्डका ग्यासमध्ये नेपाल ग्यासको माग सबैभन्दा बढी देखियो, जसका १,७६० सिलिन्डर वितरण भए। त्यसैगरी एभरेष्ट/सुगमका १,०४३ वटा, एचपीका ७८० वटा, हिमालका ५४० वटा, सगरका ४६४ वटा र श्रीरामका ३२७ वटा सिलिन्डर बिक्री भएका छन्। यसका साथै एसटीसी, श्री, ओम, भानु, साईबाबा/श्रीकृष्ण, श्रीमाया, लोकप्रिय र सूर्य ब्रान्डका सिलिन्डरहरू पनि वितरण गरिएका थिए।

सरकारले ठूलो परिमाणमा ग्यास वितरण गरिएको दाबी गरे तापनि उपभोक्ताको अत्यधिक चापका कारण हजारौँ सर्वसाधारण दिनभरि लाइन बसेर पनि रित्तो हात फर्कन बाध्य भएका छन्। लामो समयदेखिको अभावका कारण अझै पनि ग्यासको आपूर्ति सहज हुन नसकेको भन्दै सर्वसाधारणले आक्रोश र गुनासो व्यक्त गरेका छन्।

28/02/2026

https://sammankhabar.com/2026/02/428103/

दोलखा । आगामी निर्वाचनको पूर्वसन्ध्यामा सुरक्षा अवस्था र व्यवस्थापकीय तयारीको स्थलगत वस्तुस्थिति बुझ्न गृहमन.....

02/01/2026

https://www.facebook.com/share/p/17dgCDFYsG/

झापा— भद्रपुर विमानस्थलमा बुद्ध एयरको विमान अवतरणका क्रममा रन–वेबाट चिप्लिँदै घाँसे क्षेत्रमा पुगेको छ। झापाक....

02/01/2026

भद्रपुर विमानस्थलमा बुद्ध एयरको विमान अवतरणका क्रममा रन–वेबाट चिप्लियो