27/08/2026
जिन्दगी साच्चै केहि छैन। को कतिन्जेल यो धर्तीको पाहुना हो भन्ने टुंगो हुदैन। आज सकुसल भएको हामी, भोलि सुतेकै ठाँउबाट नउठन सक्छौ। यहीँ जिन्दगी हो।
जुन घटना आज देशमा घटेकाे छ, त्यो अकल्पनीय हो।
जुन शोकमा आज हामी छौं, त्यो शब्दमा बयान गर्न नसकिने हो।
यो हामी एकजुट हुने समय हो। यो हामी साच्चै, त र म भन्ने भाष्य छोडेर, हामी हुने समय हो। यो हामी एक हौं र हामी सारा नेपाली साथमा छौँ भन्ने पुष्ठि गर्ने समय हो। यो हामी बलियो बनेर एकले अर्कोलाई सहयोग गर्ने समय हो।
मैले आफ्नो तर्फबाट Prime Minister’s Disaster Relief Fund मा सहयोग गरेकी छु। तपाईंहरू पनि आफ्नो क्षमता र इच्छाअनुसार सहयोग गर्नुस। देशलाई सहयोग गर्नुस। हाम्रै दाजुभाइ-दिदीबहिनी-आमाबुवालाई सहयोग गर्नुस। सानो-सानो सहयोगले ठुलो राहत दिन सक्छ।
एक थुकी सुकी, सय थुकी नदि।🙏
र कृपया सामाजिक सञ्जालमा देखिएका व्यक्तिगत बैंक खातामा वा अपरिचित व्यक्तिको खातामा रकम नपठाउनुहोस्। सहयोग गर्दा नेपाल सरकार वा सम्बन्धित आधिकारिक निकायले सार्वजनिक गरेका सरकारी तथा प्रमाणित खाताहरू/कोषहरूमा मात्र रकम जम्मा गरौँ, ताकि हाम्रो सहयोग सही ठाउँमा पुग्न सकोस। रकम पठाउदा तलको तस्वीरमा झैँ 'Prime Minister’s Disaster Relief Fund' लेखेको हेर्नुहोस। अनि पठाउनुहोस।
बाढी तथा विपत्तिबाट प्रभावित सबै परिवारप्रति हार्दिक समवेदना। मृतकप्रती हार्दिक श्रद्धाञ्जली😥।
मनैदेखि प्राथना छ, भगवान यस्तो विपत कहिले नपरोस्🙏।
