06/09/2026
३ हजार ९६७ जनाको हवाई उद्धार, खोजी र राहत जारी
काठमाडौं । भोटेकोशी बाढी प्रभावित क्षेत्रमा नेपाली सेनाले खोज तथा उद्धार, राहत र स्वास्थ्य सेवा जारी राखेको छ।नेपाली सेनाका अनुसार हालसम्म स्वदेशी ३ हजार ६९२ र विदेशी २७५ गरी ३ हजार ९६७ जनाको हवाई उद्धार गरिएको छ।प्रभावित रसुवा, नुवाकोट, धादिङलगायत क्षेत्रमा सेनाका ९ हजार ३ सयभन्दा बढी जनशक्ति परिचालन गरिएको छ। सेनाले खोज तथा उद्धारसँगै शव व्यवस्थापन, राहत ढुवानी, सडक तथा पुल सञ्चालन र स्वास्थ्य सेवा प्रदान गरिरहेको जनाएको छ।हालसम्म त्रिशूली र धुन्चेमा सञ्चालित आपत्कालीन उपचार केन्द्र तथा मेडिकल पेट्रोलबाट ३ हजार २९८ जनाले स्वास्थ्य सेवा लिएका छन्।
