07/05/2026
टोखा-२ का अध्यक्ष धर्मेन्द्र श्रेष्ठले सरिताको हत्यारा अनिललाई प्रहरीमा बुझाए
काठमाडौँ, २४ बैशाख/
जीतपुरफेदी-३ तारकेश्वर नगरपालिकाकी ४५ वर्षिया सरिता तिवारीको हत्या प्रकरणले मित्रता, विश्वासघात् र विवाहेत्तर सम्बन्धको एउटा दु:खद् पाटो उजागर गरेको छ ।
११ दिनदेखि बेपत्ता सरिताको झोरस्थित शिवपुरी जंगलमा शव गाडिएको अवस्थामा भेटिएको हो ।
मृतक तिवारी गत बैशाख ११ गते बजार जान्छु भन्दै घरबाट निस्किएकी थिइन् ।
साँझसम्म घर नफर्किएपछि चिन्तित परिवारले १२ गते खोजतलासका लागि प्रहरी वृत्त बालाजुमा ऊजुरी दिएका थिए।
झण्डै ११ दिनको अन्योल र खोजीपछि टोखा-१ झोरस्थित शिवपुरी राष्ट्रिय निकुञ्जको जंगलमा मृतकको शव उत्खनन् गरी फेला पारिएको थियो ।
प्रहरीका अनुसार हत्यामा संलग्न आरोपमा पक्राउ परेका अनिल डंगोल र मृतकका पति शंकर तिवारी विगत ७/८ वर्षदेखि घनिष्ठ मित्र थिए ।
साथीको नाताले अनिलको तिवारी निवासमा बाक्लो आउजाउ थियो ।
शंकर कलाकारिता र कृषि कर्ममा व्यस्त रहन्थे ।
यहीबेला अनिल र सरिताबीच निकटता बढेको पाइएको छ ।
उनीहरूबीच एक वर्षदेखि प्रेम सम्बन्ध रहेको प्रहरी अनुसन्धानले देखाएको छ ।
प्रहरीका अनुसार सरिता र अनिलबीचको सम्बन्धबारे परिवार र समाजमा चियो-चर्चा चल्न थालेपछि समस्या शुरू भएको थियो ।
गत माघ-फागुनतिर मात्रै शंकरले पत्नी र साथीबीचको सम्बन्धबारे सुइँको पाएको बताएका छन् ।
सरिताले आफ्नो जिम्मा लिन अर्थात् सामाजिक र कानुनी रूपमा स्वीकार गर्न दबाब दिँदै आएकी थिइन् ।
सोही दबाब झेल्न नसकेर अनिलले हत्याको योजना बनाएको प्रहरीको प्रारम्भिक निष्कर्ष छ ।
काठमाडौँ प्रहरी प्रवक्ता एसपी पवनकुमार भट्टराईका अनुसार डंगोलले आफ्नो अपराध स्वीकार गरिसकेका छन् ।
टोखा नगरपालिका-२ का अध्यक्ष धर्मेन्द्र श्रेष्ठले दिएको सूचनाका आधारमा प्रहरीले अनिललाई नियन्त्रणमा लिएको हो ।
पक्राउ परेपछि अनिलकै बयानका आधारमा प्रहरीले जंगलमा गाडिएको स्थान पत्ता लगाई शव निकालिएको हो ।
एउटा भरपर्दो मित्र नै कसरी काल बन्नसक्छ भन्ने यो घट्नाले पुष्टि गरेको छ ।
प्रहरीले अभियुक्तलाई हिरासतमा राखी ज्यान सम्बन्धी मुद्दामा थप कानुनी प्रक्रिया र अनुसन्धान अगाडि बढाएको जनाएको छ ।
#ठामको_ठाम्🎷
#हाकुचा'
***n
゚viralシ
