Kitab Publishers

22/08/2026

🔴 युगले सम्झिनुपर्ने मानिस: धर्म सर‼️
धर्म गौतमको ‘बीपी र विद्रोहका ती दिन’को गृह विमोचन तथा विमर्श हुँदै
पत्रकार तथा लेखक धर्म गौतमको नवीन कृति ‘बीपी र विद्रोहका ती दिन’ को गृह विमोचन तथा विमर्श कार्यक्रम इलाममा आयोजना हुने भएको छ।

किताब पब्लिसर्सद्वारा प्रकाशित यस कृतिमा गौतमले आफ्नो राजनीतिक जीवनयात्राका क्रममा देखे भोगेका महत्वपूर्ण घटना, तत्कालीन राजनीतिक परिवेश तथा पञ्चायती व्यवस्थाविरुद्धको संघर्षलाई समेटेका छन्। इलामबाट सुरु भएको उनको राजनीतिक यात्रा नक्सलबारी, बिहार र बनारस हुँदै काठमाडौंसम्म पुगेको प्रसंग पुस्तकको महत्वपूर्ण पाटोका रूपमा रहेको छ।

गौतम बीपी कोइरालासँग निकट रहेर राजनीतिक गतिविधिमा समेत सक्रिय थिए। पुस्तकमा बीपी कोइरालासँगको सान्निध्य, पञ्चायती व्यवस्थाविरुद्धको सशस्त्र संघर्ष, भूमिगत जीवन, पक्राउ तथा कारावासका अनुभवसँगै सशस्त्र विद्रोहदेखि राष्ट्रिय मेलमिलापको नीतिसम्मको राजनीतिक यात्रालाई समेटिएको छ।
बीपी कोइरालाले राष्ट्रिय मेलमिलापको नीति लिएर स्वदेश फर्किनुअघि नेपाल पठाएका तीन विश्वासपात्रमध्ये धर्म गौतमसमेत रहेको प्रसंगले पनि कृतिको ऐतिहासिक महत्वलाई थप विशेष बनाएको छ।

धर्म गौतम पत्रकारिता क्षेत्रमा लामो समयदेखि सक्रिय व्यक्तित्व हुन्। उनी पत्रकार तथा लेखकका रूपमा परिचित छन्। इलाममा पत्रकारिताको संस्थागत विकासमा समेत उनको महत्वपूर्ण योगदान रहेको छ। उनी नेपाल पत्रकार महासंघ, इलाम शाखाका संस्थापक सभापति हुन्। पत्रकारिताका क्रममा स्थानीय समाज, राजनीति र समसामयिक विषयमा निरन्तर कलम चलाउँदै आएका गौतमले पत्रकारिता र लेखनमार्फत इलामको सामाजिक तथा राजनीतिक इतिहासका विभिन्न पक्षलाई नजिकबाट प्रस्तुत गर्दै आएका छन्।

प्रत्यक्ष रूपमा राजनीतिक संघर्ष र त्यस समयको परिवेश भोगेका व्यक्तिले आफ्नै अनुभव, स्मृति र दृष्टिकोणबाट लेखेको कृतिका रूपमा ‘बीपी र विद्रोहका ती दिन’ ले नेपाली राजनीतिक इतिहासको एउटा महत्वपूर्ण कालखण्डलाई बुझ्न नयाँ सामग्री प्रस्तुत गर्ने अपेक्षा गरिएको छ।

कृतिको गृह विमोचन तथा विमर्श कार्यक्रम २०८३ भदौ ६ गते शनिबार (२२ अगस्ट २०२६) बिहान ११ बजे अरनिको सांस्कृतिक सङ्ग्रहालय, पुरानो दरबार, इलाममा आयोजना हुनेछ। कार्यक्रममा साहित्यप्रेमी, पाठक, लेखक, पत्रकार, बुद्धिजीवी तथा शुभेच्छुकहरूको सहभागिताका लागि आयोजकले आग्रह गरेको छ।

20/08/2026

Writer Dharma Gautam recalls Koirala’s influence on his reading, writing, and political thinking—and the memories behind his new book ‘BP Ra Bidrohka Ti Din’.

👉 Detail:https://kathmandupost.com/art-culture/2026/08/20/bp-koirala-always-told-us-you-are-lazy-about-reading

17/08/2026

16/08/2026

16/08/2026

16/08/2026