Janaboli

13/09/2025

तीन भाषामा प्रधानमन्त्री कार्कीलाई
भारतीय समकक्षीको बधाई

भारतका प्रधानमन्त्री नरेन्द्र मोदीले नेपालको अन्तरिम सरकारको प्रधानमन्त्रीको कार्यभार सम्हालेकोमा सुशीला कार्कीलाई बधाई तथा शुभकामना व्यक्त गरेका छन् । प्रधानमन्त्री मोदीले आफ्नो सामाजिक सञ्जालमा तीनवटा भाषामा सन्देश पोस्ट शुभकामना व्यक्त गरेका हुन्।

मोदीले नेपाली, अंग्रेजी र हिन्दी भाषामा लगातार तीनवटा ट्वीट गर्दै कार्कीलाई बधाई दिएका छन् । नेपालीमा लेखिएको पोस्टमा मोदीले भनेका छन्, ‘नेपालको अन्तरिम सरकारको प्रधानमन्त्रीको रूपमा पदभार ग्रहण गर्नुभएकोमा सम्माननीय श्रीमती सुशीला कार्कीज्यूलाई हार्दिक शुभकामना। नेपालका दाजुभाइ तथा दिदीबहिनीहरूको शान्ति, प्रगति र समृद्धिप्रति भारत पूर्ण रूपमा प्रतिबद्ध छ।’

13/09/2025

LatestUpdate : कर्मचारी, सेना–प्रहरी, शिक्षकहरुको तलब र दसैं भत्ता के हुन्छ ? "What Will Happen to the Salary and Dashain Allowance of Employees, Army–Police, and Teachers?"

13/09/2025

दिनपछि रात आउँछ, साश्वत सत्य हो । जसले अध्यारोलाई स्वीकारेर उज्यालोका लागि धर्यतासहित काम गर्छ । कालोलाई धुँदै सेतालाई कायम राख्छ । उ बदलिन्छ । आँखा पट्टी बाँधिएको, चेतमा बिर्को भरिएकाहरुका लागि परिवर्तन के हो ? के भयो, के भइरहेको छ । के हुनसक्छ ? के थाहाँ र ! आँखामा पट्टी बाँधेर बस्ने, कालो पट्टी बाँधिदिनेहरु दुवैको पतनपछि नै नयाँ निर्माण हुन्छ । अबको चिच्याईको कुनै मूल्य छैन । सबै सचेत नेपाली उज्यालोतर्फ लम्किऔं ।

13/09/2025

काठमाडौंको कर्फ्यू र निषेधाज्ञा हटेको हो ? सेनाले हामीलाई यस्तो जानकारी दियो "The Curfew and Prohibitory Order in Kathmandu Lifted?"

13/09/2025

13/09/2025

काठमाडौंको कर्फ्यू र निषेधाज्ञा हटेको हो ? यसो भन्छ नेपाली सेना

नेपाली सेनाले काठमाडौं, ललितपुर, भक्तपुरलगायत विभिन्न जिल्लामा लगाएको कर्फ्यू र निषेधाज्ञा अहिले हटेको छ । जेनजी आन्दोलनपछिको विषम परिस्थिति र असुरक्षाको कारण देखाउँदै सेनाले ४ दिनदेखि दैनिक निषेधाज्ञा र कर्फ्यू आदेशसम्बन्धी सूचना जारी गर्ने गरेकोमा शनिबार साँझबाट भने थप सूचना आएको छैन । आज बिहान ६ बजेसम्म मात्र कर्फ्यू कायम थियो ।

यसैबीच हामीले नेपाली सेनाका प्रवक्ता राजाराम बस्नेतलाई यसबारे सोध्यौं । उनले कर्फ्यू, निषेधाज्ञा अहिले केही नरहेको बताएका छन् । आज बिहानैदेखि उपत्यकाको सडकमा चहलपहल बढेको छ । जनजीवन सामान्य बनेको छ ।

हिजोअस्ति अत्यावश्यक कामका लागि बिहान ६ देखि ११ बजेसम्म र बेलुकी ५ देखि ७ बजेसम्म खुल्ला गरिएको छ । त्यस्तै बिहान ११ देखि बेलुकी ५ बजेसम्म निषेधाज्ञा र साँझ ७ देखि भोलिपल्ट बिहान ६ बजेसम्म कर्फ्यू लाग्दै आएको थियो । जेनजी आन्दोलनको बलमा बनेको अन्तरिम सरकारको प्रधानमन्त्री सुशीला कार्कीलाई गएराति राष्ट्रपतिले शपथ गराइसकेका छन् । नेपाली सेना सुरक्षाको दृष्टिले संवेदनशील मानिएका ठाउँमा भने अझैपनि तैनाथ छ ।

13/09/2025

13/09/2025

सेना देख्नासाथ भराेसा माग्दै वयोवृद्ध । सेनाकै भराेसामा कुकुर ।

13/09/2025

आज शनिवार । महासंकटका देवता महांकालकाे आराधना 😍

13/09/2025

जनजीवन सामान्य बन्दै, सेनाले क`र्फ्यु र निषेधाज्ञाको निर्णय गर्न छोड्यो

काठमाण्डौँ___पूर्वप्रधानन्यायाधीश सुशीला कार्की प्रधानमन्त्रीमा नियुक्त भएसँगै राजनीतिक अन्योल हटेको छ । जनजीवन बिस्तारै सामान्य हुन थालेको छ । मङ्गलबारको हिंसात्मक प्रदर्शनपछि नेपाली सेनाले कर्फ्यु र निषेधाज्ञा लगाउँदै आएकोमा अब जिल्ला प्रशासन कार्यालयहरुले आवश्यकता अनुसार निर्णय गर्न थालेका छन् ।

काठमाण्डौसहित धेरै ठाउँमा आज कर्फ्यु र निषेधाज्ञा छैन । सैनिक जनसम्पर्क निर्देशनालयले काठमाण्डौ उपत्यकामा हिजो बेलुकी सात बजेदेखि आज बिहान ६ बजेसम्म कर्फ्यु घोषणा गरेको थियो । त्यसपछि निर्देशनालयले थप निर्णय गरेको छैन । अब स्थानीय प्रशासनले आवश्यकताको आधारमा निर्णय गर्न सक्ने नेपाली सेनाले जनाएको छ ।

ललितपुर र भक्तपुर प्रशासनले आज बिहान ११ बजेदेखि ५ बजेसम्म निषेधाज्ञा र बेलुकी ७ बजेदेखि भोलि बिहान ६ बजेसम्म कर्फ्यु घोषणा गरे पनि काठमाण्डौले केही निर्णय गरेको छैन ।

13/09/2025

उपेन्द्र यादव भन्छन् ,"सुशीला कार्कीलाई अन्तरिम सरकार प्रमुख बनाउने निर्णय अत्यन्त सकारात्मक"

जनता समाजवादी पार्टी (जसपा) का अध्यक्ष उपेन्द्र यादवले अन्तरिम सरकार प्रमुख पूर्वप्रधानन्यायाधीश सुशीला कार्कीलाई बनाउने निर्णय सकारात्मक भएको बताएका छन्।

13/09/2025

प्रधानमन्त्री कार्कीको पीएसओमा डीएसपी निशान थापा

अन्तरिम प्रधानमन्त्री सुशीला कार्कीको निजी सुरक्षा अधिकृतको जिम्मेवारी डीएसपी निशान थापाले पाएका छन् ।
शुक्रबार राति प्रधानमन्त्रीको शपथलगत्तै उनी पीएसओ खटिएका हुन् । नेपाल प्रहरीको इन्स्पेक्टरमा २०७० सालमा भर्ना भएका थापा केही महिनाअघि डीएसपी बढुवा भएका थिए । उनी संखुवासभा जिल्लाका बासिन्दा हुन् ।