06/05/2026
हावाहुरीले कक्षाकाे छानाे उडायो : भवन अभावमा विद्यार्थीको दुःखद अवस्था
२०८३ बैशाख २१ गते आएको भीषण हावाहुरी र वर्षाका कारण श्री रामशरण आधारभूत विद्यालय, जुड्पनियाका विद्यार्थीहरू कक्षाकोठाभित्रै पानीले भिज्न बाध्य भएका छन्। टिनको छानाबाट पानी चुहिँदा शिक्षक र विद्यार्थी दुवै सुरक्षित रहन सकेनन्।
पक्की भवन अभावका कारण विद्यार्थीहरू चिसोले काँप्दै शिक्षकको ओतमा लुकेका र अभिभावक सम्झेर रोएका थिए। शिक्षकहरूले टेबलको सहारामा अस्थायी ओत बनाएर जोगाउने प्रयास गरेका थिए।
वि.सं. २०१७ सालमा स्थापना भएको यस विद्यालयमा अहिलेसम्म पक्की भवन छैन, झन् आएको भवनसमेत अन्यत्र सारिएको भन्दै स्थानीयले गम्भीर ध्यानाकर्षण गराएका छन्।
