05/08/2026
नेपाल सरकारले लगानी बोर्डको सिइओमा याङ्की उक्याबलाई नियुक्त गरेको छ । `उक्याब´ थर कम सुनिने थर मध्येका हुनाले शंकाको बजारमा एउटा नयाँ चर्चा छ " के उनी नेपाली नै हुन् ?"
नेपालको वालुङ जातिको एउटा थर हो उक्याब । ताप्लेजुङको ओलाङचुङगोलामा बसोबास गर्ने वालुङ जातिको जनसंख्या जम्मा ४८१ मात्रै रहेको तथ्यांक छ । त्यसैले यो अतिलोपोन्मुख जातिमा पर्छ ।
याङ्की शब्दले तिब्बती भाषामा 'सौभाग्यपूर्ण आनन्द' भन्ने अर्थ जनाउँछ ।
{पहाडी र हिमाली बौद्ध समुदाय (शेर्पा, तामाङ, लेप्चा आदि)हरुको नाम तिब्बती शब्दबाटै जुराइने चलन छ ।}
नेपालको जातीय विविधताको सम्मान गरौं है, फरक नाम र अनुहार देख्ने बित्तिकै शंका नगरौं ।
