Namaste Khabar

22/04/2026

म, सुदन गुरुङ, मिति २०८२ चैत १३ गतेदेखि गृह मन्त्रीको जिम्मेवारीमा इमानदारीपूर्वक काम गर्दै आएको छु। पछिल्ला दिनहरूमा नागरिक स्तरबाट मेरो शेयर लगायतका विषयमा उठेका प्रश्न, टिप्पणी र जनचासोलाई मैले गम्भीर रूपमा लिएको छु।
मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन। आज देशमा सुशासन, पारदर्शिता र जवाफदेहिताको माग गर्दै उठिरहेको Gen Z आन्दोलनले पनि यही सन्देश दिएको छ सार्वजनिक जीवन स्वच्छ हुनुपर्छ, नेतृत्व उत्तरदायी हुनुपर्छ।मेरा ४६ जना भाइ बहिनिहरुको रगत र बलिदानी को आडमा बनेको सरकारलाई कसैले प्रश्न गर्छ भने त्यसको जवाफ नैतिकता हो।
त्यसैले, मसँग सम्बन्धित विषयमा निष्पक्ष छानबिन होस् र पदमा रहँदा conflict of interest नदेखियोस र त्यसमा कुनै असर नपरोस् भन्ने उद्देश्यले मैले आजकै मितिदेखि लागू हुने गरी गृह मन्त्री पदबाट राजीनामा दिएको छु।
मैले आफ्नो तर्फबाट नैतिक जिम्मेवारी निर्वाह गरेको छु। अब मेरो अपिल छ, प्रिय सञ्चारकर्मी मित्रहरू, आम नेपाली दाजुभाइ, दिदीबहिनी र युवाहरू, यदि हामी साँच्चै परिवर्तन चाहन्छौँ भने सत्य, इमानदारी र आत्मशुद्धिको बाटोमा सबै उभिनैपर्छ।कति मिडियाकर्मी साथी हरु को कहा कहा स्वीट शेयर छ बिस्तारै आउला, रामराज्यको चाहना राख्नेहरूले त्याग र नैतिक साहस पनि देखाउन सक्नुपर्छ।
For my country and For the respect of our security forces and For the youths of Nepal.

22/04/2026

सुदन गुरुङ राजिनामा दिने मुडमा। प्रधानमन्त्री बालेन शाह संग छलफल गर्दै

21/04/2026

नेकपा (एमाले) का नेता महेश बस्नेतले सामाजिक सञ्जालमार्फत सार्वजनिक गरेको अभिव्यक्तिले पछिल्लो समय राजनीतिक वृत्तमा तरंग ल्याएको छ। उनले सुदन गुरुङसँग जोडिएको शेयर प्रकरणबारे गम्भीर आरोप लगाउँदै तत्काल छानबिन र जिम्मेवारी निर्धारणको माग गरेका छन्।
बस्नेतका अनुसार व्यवसायी दीपक भट्टको नाम प्रयोग गरी प्रधानमन्त्री केपी शर्मा ओलि माओवादी केन्द्रका अध्यक्ष पुस्पकमल दाहाल र कांग्रेस सभापति शेरबहादुर देउवालाई बदनाम गराउने प्रयास भएको थियो। तर अनुसन्धान अगाडि बढ्दै जाँदा वास्तविक सम्बन्ध फरक दिशामा देखिएको उनको दाबी छ।
उनले दाबी गरेअनुसार, दीपक भट्टको सम्बन्ध हालका गृहमन्त्री सुदन गुरुङसँग देखिएको छ। गुरुङसँग करिब २५ लाख रुपैयाँ बराबरको शेयर सम्बन्ध रहेको तथ्य फेला परेको बस्नेतको भनाइ छ।
यस्तै, कार्की आयोगका सदस्य बिज्ञान राज शर्माको नाममा समेत करिब १० लाख रुपैयाँ बराबरको शेयर जोडिएको दाबी गरिएको छ, जसले प्रकरणलाई थप जटिल बनाएको छ।
बस्नेतले उक्त विषयमा अदालतले अन्तिम निर्णय गर्ने भए पनि नैतिक जिम्मेवारीका आधारमा गृहमन्त्रीले तत्काल राजीनामा दिनुपर्ने बताएका छन्। उनले भने, “छानबिन निष्पक्ष बनाउन पदबाट अलग हुनु आवश्यक छ।”
उनले अझै कडा चेतावनी दिँदै भनेका छन् कि यदि राजीनामा नआएमा केही दिनभित्रै थप प्रमाण, भिडियो सामग्रीसहित सार्वजनिक गरिनेछ। यसले राजनीतिक वातावरण अझै तात्ने संकेत देखिएको छ।
उक्त आरोपप्रति गृहमन्त्री वा सम्बन्धित पक्षबाट औपचारिक प्रतिक्रिया भने आइसकेको छैन। तर यो प्रकरणले आगामी दिनमा सरकार र प्रतिपक्षबीचको टकराव बढ्ने संकेत देखिएको छ।

21/04/2026

अन्नतः गृहमन्त्री सुधन गुरुङ राजीनामा गर्न तयार भएका छन् । गृहमन्त्री सुधन गुरुङले सम्पत्ति शुद्धीकरण अनुसन्धानमा मुछिएका व्यवसायी दीपक भट्टसँग व्यावसायिक साझेदारी रहेको विवरण सार्वजनिक भएपछि राजीनामा दिने तयारी गरेकाे बुझिएकाे छन । प्रधानमन्त्री बालेन शाहले सो विषयमा स्पष्टीकरण माग गरेपछि गुरुङले सोमबार साँझ लिखित जवाफ पेस गरेका थिए। आफूविरुद्ध उठेका प्रश्नहरूको अनुसन्धानमा सहयोग पुर्‍याउन र विवादमुक्त भएर फर्कने वातावरण बनाउन प्रधानमन्त्रीको सुझाव र आफ्नै प्रतिबद्धता बमोजिम उनी पदबाट बाहिरिन तयार भएका हुन्। सल्लाहकार तथा नेताहरू उनी छलफलमा छन् । अहिले उनी पार्टी सभापति रवि लामिछानेलाइ भेट्न उनकाे निवास गएका छन् ।

20/04/2026

काठमाडौँ — गृहमन्त्री सुधन गुरुङ सेयर विवादपछि गम्भीर दबाबमा परेका छन्।

व्यवसायी दीपक भट्टसँगको कनेक्सन र बीमा कम्पनीमा लगानीको विवरण बाहिरिएपछि उनको भूमिकामाथि प्रश्न उठेको हो।

विवाद चुलिँदै गएपछि उनी प्रधानमन्त्री बालेन्द्र शाहलाई भेट्न पुगेका थिए। स्रोतका अनुसार प्रधानमन्त्रीले नैतिक आधारमा राजीनामा दिन सुझाव दिएका थिए।

तर पार्टीभित्र र सल्लाहकार तहबाट तत्काल राजीनामा नदिन भनिएपछि निर्णय टुंगोमा पुग्न सकेको छैन।

यता गुरुङले भने सार्वजनिक स्पष्टीकरण दिँदै आफूले कुनै पनि सम्पत्ति लुकाएको नभएको दाबी गरेका छन्।

उनका अनुसार लगानीको स्रोत बैंकिङ प्रणालीमार्फत पुष्टि गर्न सकिनेछ र अनुसन्धान प्रक्रिया स्वतन्त्र रूपमा अघि बढिरहेको छ।

प्रमुख प्रतिपक्षी कांग्रेसले निष्पक्ष छानबिनको माग गर्दै राजनीतिक नैतिकताको प्रश्न उठाएको छ।

यस्तै, जेनजी मुभमेन्टले समेत स्वार्थको द्वन्द्व देखिएको भन्दै गुरुङलाई पदबाट हटाउन माग गरेको छ।

09/04/2026

प्रतिनिधिसभाको उपसभामुख पदमा राप्रपाबाट सरस्वती लामा र श्रम संस्कृति पार्टीको तर्फबाट रुबी कुमारी ठाकुर उम्मेदवार बनेका छन्। ठाकुरलाई बालेन पक्ष र कांग्रेसले सघाउने उता राप्रपाका उमेदवारलाई रबि लामिछाने पक्ष र राजाबादी पक्षले सघाउने।

09/04/2026

उपसभामुखमा रबि लामिछाने पक्षले राप्रपा राजाबादीको उमेद्वारलाइ सघाउने, एता बालें पक्षले भने हर्क साङपाङ्लाइ सघाउने तर्क।

09/04/2026

जापानमा अप्रिल मै गर्मीको चेतावानी

२०२६ अप्रिल ६ मा, जापान मौसम एजेन्सीले प्रारम्भिक गर्मीको चेतावनी जारी गरेको छ। यस अनुसार, अप्रिल १२ तिरदेखि जापानका धेरै भागहरूमा असाधारण रूपमा उच्च तापक्रम हुन सक्छ — जस्तो कि यस मौसममा करिब दस वर्षमा एक पटक मात्र देखिन्छ।

प्रभावित क्षेत्रहरूमा कान्तो-कोशिन, टोकाइ, होकुरिकु, चुगोकु, शिकोकु, उत्तरी क्युसु, दक्षिणी क्युसु र अमामी, तथा ओकिनावा रहेका छन्।

एजेन्सीले यी क्षेत्रहरूका मानिसहरूलाई अप्रिलको मध्य भए पनि गर्मीजन्य स्वास्थ्य समस्याप्रति सचेत रहन आग्रह गरेको छ। यो प्रारम्भिक चेतावनी अचानक आउन सक्ने गर्मीको सम्भावनाका लागि अग्रिम तयारी गर्न सहयोग पुर्याउने उद्देश्यले जारी गरिएको हो।

नागरिकहरूलाई पर्याप्त पानी पिउने, अत्यधिक शारीरिक परिश्रम नगर्ने, र मौसमको अपडेट नियमित रूपमा अनुगमन गर्न सल्लाह दिइएको छ।

09/04/2026

केपी ओली हस्पिटल मुक्त, प्रहरीद्वारा लगाइयो पत्नी राधिकालाई जिम्मा।

08/04/2026

देउबा दम्पति बिरुद्ध पक्राउ पुर्जी जारी, नेपाल आउन साथ पक्रने सरकारको तयारि।

काठमाडौं: सरकारले पूर्वप्रधानमन्त्री शेरबहादुर देउवा र उनकी पत्नी डा. आरजु राणा देउवा विरुद्ध पक्राउ पुर्जी जार....

03/04/2026

एमालेको निष्कर्ष:बादलको बुझाई अझै पूर्व माओबादिनै

काठमाडौं । एमालेले संसदीय दलका नेता रामबहादुर थापा ‘बादल’ले प्रतिनिधिसभाको पहिलो बैठकमा गरेको सम्बोधन पार्टीक....