Jaya Nepal

08/09/2025

नक्खु कारागारबाट सभापति रवि लामिछानेको हार्दिक अपिल🙏

आदरणीय दाजुभाई तथा दिदीबहिनीहरू,

आज भदौ २३ गते कुशासन र भ्रष्टाचारका नाइकेहरुले १९ भन्दा बढी कलिला विद्यार्थीको रगत पिए र सयौँलाई घाइते बनाए । यी आततायीहरुलाई अब कुनै माफी दिन सकिँदैन, न अब बाँकी एक मिनेट पनि यिनलाई सत्तामा झेल्न सकिन्छ ।

आफ्नै बिन्दास संसारमा रमाउने उमेर का Gen Z लाई सडकमा आउन कसले बाध्य पाऱ्यो ? यिनै आततायीका सनक, कुशासन र भ्रष्टाचारले । यिनीहरु अयोग्य, भ्रष्ट मात्र होइन अत्यन्त क्रुर पनि छन् भन्ने तथ्य स्कुले पोशाक लगाएका ती निर्दोष, निरपराध र अबोध बालबालिकालाई के थाहा ? सिपालु सिकारीले चरा मारेझैँ यिनीहरुले कलिला केटाकेटीहरुलाई ताकि-ताकि गोली हानेर मारे । म स्तब्ध र विक्षिप्त भएको छु, यो नेपाली इतिहासको सबैभन्दा कालो दिन हो ।

Gen Z र सिंगो देशलाइ मेरो अपिल छ, अब आततायीहरुलाई एक मिनेट पनि सत्तामा रहन दिनुहुन्न । यिनीहरुकै वर्चस्व रहेको संसदसँग पनि अब जनादेशको वैधता छैन । आफ्नै अपराधबाट तर्सिएर बनेको र तर्साएर जोगाएको यो सरकार इतिहासकै कलंकित बनेर सकिएको छ । कालकोठरीबाट भएपनि जिम्मेवार राजनीतिक नेताका रूपमा यो विषम परिस्थितिमा मैले देशलाई केही समाधान सुझाउनैपर्छ । ती यस्ता छन् :

१) सकेसम्म छिटो Gen Z सहितको अन्तरिम नागरिक सरकार गठन होस् ।

२) ०४६ सालपछिका सबै नीतिगत निर्णयको समीक्षा होस् । त्यसयताका सबै उच्चपदस्थ र तीनका परिवारको सम्पत्तिको छानबिन गर्ने गरी आयोग गठन होस् ।

३) आगामी संसदबाट अनुमोदन हुने गरी संविधान संशोधन वा पुनर्लेखनका लागि विज्ञहरुको उच्चस्तरीय समिति बनोस् ।

४) आजको हत्याकाण्डको छानबिनका लागि न्यायिक आयोग बनोस् र त्यसले प्रधानमन्त्रीदेखि गृहमन्त्रीसम्मका अपराधहरुको अनुसन्धान गरोस् ।

यी आततायीलाई अझै यो देश लुट्न र जनताका सन्तानको हत्या गर्न दिन सकिन्न । देशलाई ३८ वर्षसम्म लुटेका यिनको अनुहार अब त निर्दोष, निरपराध र अबोध केटाकेटीका रगतले समेत राताम्य भइसकेको छ । यिनीहरु शासन होइन, दण्डका भागेदार हुन् । सबै Gen Z शहिदका परिवारप्रति मेरो हार्दिक समवेदना छ । सबै घाइतेहरूको शीघ्र स्वास्थ्य लाभको कामना गर्दछु । इतिहासले एक दिन यो बलिदानको हिसाब र न्याय खोज्नेछ ।

देश आन्दोलन होइन, क्रान्तिमा प्रवेश गर्दैछ भनेर हामीले शान्तिपूर्ण रुपमा उपस्थिति जनाएका थियौँ। यिनले सुनेनन् , टेरेनन् बरु उल्टो नागरिक आवाज बन्द गर्नतिर लागे । अझै पनि क्रान्तिलाई संयमित र शान्तिपूर्ण बनाउन सकिन्छ र म सबैलाई संयमित हुन हार्दिक अपिल गर्दछु । यो क्रान्ति केवल यी आततायीहरुलाई दण्डित गर्न मात्र होइन, देश बदल्ने तहमा पुग्नुपर्छ । नत्र Gen Z को बलिदान खेर जानेछ । मेरो हातमा हत्कडी लागे पनि तपाईँहरुका हातले यिनका हातबाट तस्करले दिएको घडी खोस्नुहोला । यिनले जोगाएका आफ्ना पार्टीका अपराधीहरू र यिनले बन्द गरेका फाइलहरूको धुलो टक्टक्याउनु होला । गृह मन्त्रालयको एउटा दराजमा मैले अनुसन्धान गर्ने भनी संसदमा प्रण गरेको २५ वटा काण्डको लिस्ट छ । खोज्नु होला, खोस्नु होला । नबिर्सनु होला, ममाथि लागेका सबै मुद्दाहरु रमेश लेखक गृहमन्त्री भएपछि मात्रका हुन् ।

प्रिय रास्वपा सांसदहरू,

उल्लेखित मागहरू पूरा नभए संसदबाट राजीनामा दिन पर्ने हुनसक्छ । तयार रहनुहोला ।



रवि लामिछाने

सभापति

नक्खु कारागार, ललितपुर

08/09/2025

यो भिडियोले धेरै रुवायो । नरसंहारकारी, क्रुर, बर्बर, आततायीहरुका रुने दिन पनि आउँछन् ।

08/09/2025

ओली यत्ति चाहन्छन् ।

08/09/2025

क्रुरताको पराकाष्ठा, दानवीयताको पराकाष्ठा ।

08/09/2025

रुपन्देहीका सुरज खरेलले पनि त्यागे एमाले

"आजको दिनदेखि म नेकपा एमालेसँगको मेरो सम्पूर्ण सम्बन्ध विच्छेद भएको घोषणा गर्दछु।

निर्दोष बहिनी र भाइहरूको रगत बगाउने, नागरिकको पीडामाथि राजनीति गर्ने, जनताको आवाज दमन गर्ने यस्ता नालायक पार्टीमा बस्नु मेरो लागि नैतिक र मानवीय दृष्टिले अस्वीकार्य छ।
त्यसैले, म गर्वका साथ भन्छु ।

अब म यस्तो रगतले दागिएको पार्टीको सदस्य होइन।
म सधैं पीडितको पक्षमा, न्यायको पक्षमा, र नयाँ पुस्ताको आवाजसँगै रहनेछु।"

08/09/2025

विश्वदर्शन पराजुलीले एमाले र अनेरास्ववियुबाट राजीनामा

"यतिबेला पारिवारिक दुखमा सुनवल छु !
मेरो पार्टी र मेरो पार्टीले नेतृत्व गरेको सरकारले जब म र म जस्ता युवा संगै सिंगो राज्य र जनताप्रति घात गर्छ भने म यसको मतियार बनिरहन सकिन !

२०६९ साल देखि बुझाएको मेरो पार्टी सदस्यता शुल्क केहि लोभोपापी सिनियरहरुले खाईदिए पश्चात २०७१ साल देखि लिएको मेरो पार्टी सदस्यता ११ वर्ष पुगेछ !

२०६७ सालदेखिको प्रत्यक्ष विधार्थी राजनीतिले १५ बर्ष टेकेछ !

राजनीतिका हरेक यात्रामा साथ-सहयोग दिनुहुने सम्पूर्णमा आभार ! पार्टी भित्रका तमाम ईमान्दार र योग्य अनुज, सहपाठी र अग्रज नेता कार्यकर्ता संग क्षमायाचना गर्दै यो १५ बर्षको राजनैतिक यात्रामा पार्टी- सरकार बाट कुनै लाभ नलिएको र कुनै व्यक्ती वा संस्थाबाट १ रुपैँया पनि चन्दा नलिएको म एक कार्यकर्ताले जति दिएँ पार्टीलाई दिएँ अब देशलाई दिने विचारका साथ आजैका मितिदेखि नेकपा एमालेको पार्टी सदस्यता निस्क्रिय पार्दै अनेरास्ववियुमा रहेको मेरो सांगठनिक जिम्मेवारीबाट राजिनामा दिएको स्वघोषणा गर्दछु !"

08/09/2025

Hi everyone! 🌟 You can support me by sending Stars – they help me earn money to keep making content that you love.

Whenever you see the Stars icon, you can send me Stars.

08/09/2025

08/09/2025

देशभक्त बाऊको अभागी छोरो...
छोरा तिम्ले मैले भन्दा धेरै त्याग गर्नु पर्छ र गरिरहेका छौ ! म त लाहुरेको छोरो भएर हुर्कें मेरो बाऊ अर्थात तिम्रो बाजेले मलाई समय दिनु भयो मेरा चाहनाहरु पूरा गरिदिनु भयो तर तिमी एउटा देश भक्तको छोरा बनेर जन्म लियौ ! मैले तिम्लाई समय दिन सकिनँ सकिरहेको छैन ! तिम्रो रहरका खेलौना र सरसामान किन्दिन सकिरहेको छैन ! म भ्रष्टाचार र कमिशन खाने मान्छे परिनँ त्यसैले मनग्गे पैसा खर्चेर तिम्लाई मन पर्ने सरसामान किन्दिन सकिरहेको छैन ! म यो देश बनाउने अभियानमा छु त्यसैले आफु इमानदार बनेर यो देशलाई इमानदार र पौरखी बनाउने अभियानमा डटिरहंदा तिम्रा बालापन बाऊ बिनाको टुहुरोको जस्तो बितिरहेको छ ! बाऊ सङ्ग हिंड्ने घुम्ने रहरहरु पूरा नगरिकनै बितिरहेको छ ! यो तिम्रो त्याग हो ! मैले तिम्रो लागि केही पनि सम्पत्ति जोडिदिएको छैन ! तिम्रा दुईहात बजाएर खानेछौ र आफ्नो पहिचान सहित तिम्ले आफ्नो पेटपाल्नेछौ भन्ने विश्वास लिएको छु ! यही देशमा गरिखाने र बाँच्न सक्ने वातावरण बनाउन मैले र तिम्ले हामी दुईले यो त्याग गर्नु परेको हो ! यो देशलाई समर्पित गरिसकेको जीवन बाँच्ने मान्छेको महान त्यागी छोरा हौ तिमी ! अहिले तिम्ले यो मेरो लेखको अर्थ बुझ्न सक्दैनौ तर जुन दिन बुझ्ने उमेरको बन्ने छौ त्यो दिन तिम्रो बाऊले ( मैले ) गरेको कर्म र चुनेको बाटो गलत थिएन रहेछ भन्ने बुझ्नेछौ ! यो देश नै मेरो घर र सारा नेपाली मेरो परिवार सम्झेर देश बनाउन मैले गरेको त्याग र प्रयासको कारण तिम्रो बालापन बाऊ बिनाको टुहुरोको जस्तो तरिकाले बितिरहेको छ ! तिम्लाई जति माया मैले यो देशका हरेक बालबालिकालाई गर्नु पर्छ ! यो देशका हरेको बाल्बालिकाको भविष्य र खुसीका लागि संघर्ष, प्रयास र श्रम गर्नु पर्दा मैले तिम्लाई समय दिन नसकेको हो ! मैले बुझेर त्याग गरिरहेको छु ! तिमी अबोध भएरै पनि त्याग गर्नु परिरहेको छ ! तिम्ले गरेको त्याग मैले गरेको भन्दा ठुलो त्याग हो किनकि तिम्रो त्याग निर्दोष छ अबोध छ ! "अरुको बाबाले घुमाउन लान्छन् त ! खोइ त बाबाले मलाई घुमाउन लानु हुन्न त ! किन ? " भनेर तिम्ले आमालाई सोध्छौ रे ! तिम्रो प्रश्नले मेरा आँखा रसाउँछन् तर ओठले बोल्न सक्दैन ! त्यो तिम्रो प्रश्नको जवाफ म कसरी दिऊँ छोरा ? म सङ्ग तिम्रो प्रश्नको उत्तर छैन ! भए पनि तिम्लाई बुझाउन सक्दिन ! तिमी अबोध र निर्दोष छौ ! तिम्ले गरिरहेको त्याग मेरो त्याग भन्दा ठुलो छ ! मैले त बुझेर त्याग गरें तर तिम्ले... तिम्ले त बुझ्न सम्म पाएनौ कि "तिम्रो बाबाले किन तिम्लाई समय दिएन ! तिम्रा साथीहरुलाई उनीहरुको बाबाले किन्द्या जस्तो खेलाँची र रहरका सामानहरु किन किन्दिएन !" I am sorry. I could not be a good father to you at the moment. तर एक दिन तिमी बुझ्ने भए पछि ठुलो भए पछि तिमी मलाई माफ गरिदिनेछौ र तिम्रो बाबाले गरेको कर्म, तिम्रो बाबाले यो देशलाई गरेको माया र देशका लागि अर्पिएर्को जीवनलाई महशुस गरेर खुसी र गर्व महशुस गर्नेछौ ! तिमी र तिमी जस्ता करोडौँ बालबालिकाको भविष्य कोर्न मैले यी सारा दु:ख र त्याग गर्दा तिम्ले पनि आफ्नो भागको त्याग गर्नु परेको रैछ भन्ने थाहा हुँदा तिम्रा आँखा खुसीले रसाउनेछन् ! हो तिमी खुसीले रुनेछौ त्यो दिन ! छोरा तिमी महान छौ ! त्याग गर्ने छोरा हौ तिमी ! तिमी महान छौ !

08/09/2025

आन्दोलनको क्रममा प्रहरीको सुरक्षा घेर तोडेर संसद भवन प्रवेश गरेका जेन–जीमाथि प्रहरीले गोली चलाएको छ । गोली लागेर एक दर्जन बढी घाइते भएका छन् । उनीहरूको सिभिल अस्पतालमा उपचार भइरहेको छ ।