22/09/2025
सिस्टमभन्दा बाहिरबाट आएको एउटा मन्त्रीले आएकै भोलिपल्ट त चाहेर पनि भ्रष्टाचार गर्न सक्दैन ! त्यो पनि भ्रष्टाचारबारे यति धेरै जनआबाज र निगरानी भएको बेला आफ्नो मन्त्रालय मातहतका कर्मचारी र संरचनासमेत नचिन्दै, सिङ्गो मन्त्रालय त छोड़म्, पल्लो कोठामा कुन शाखा र कुन हाकिम छ भन्नेसम्म थाहा नपाउँदै कसैले करोड़ रुपियाँ खाने भन्ने कुरो कसरी सम्भव हुन्छ र ?
पैसा जति आफ्नै अफिसको दराजमा हुने, मन्त्रीले चाबी बुझ्ने, खोल्ने र खाने जस्तो गरी समाचार आउने रहेछन् ।
हो, दलभित्रबाट, सिस्टमबाट, सेटिंगबाट आउनेले चाहिँ त्यस्तो गर्न सम्भव छ र हुँदै आएको पनि छ ।
ठेक्का नपर्ने ठेकेदारले मिडियामा अलिकति रकम खर्च गरेर पाँच अर्बको प्रोजेक्टमा पाँचै अर्ब भ्रष्टाचार भयो भन्ने खालको समाचार लेखाउने गरेको त सुनिएको थियो, कुर्सीमा नबस्दै यति करोड़ भ्रष्टाचार भन्ने पनि पढ्न पाइयो !
फेरि यस्तो खबर शेयर गर्नेचाहिँ सिस्टम कब्जा गरेका पुरानै नेता हुँदा रहेछन् । एक दुई महिना त धैर्य गर्नु नि !
