Review with CBC

06/10/2024

घटना करिब १ घन्टा अगाडीको हो ।

म Frontline Hospital, Old Baneshwor मा छु । दोश्रो तल्लामा रहेको NICU बाट पहिलो तल्लामा रहेको काउन्टरमा आउदैथिए ।
सेतो टिसर्ट र हाफ प्यान्ट लगाएको अन्दाजी ३० बर्ष हाराहारीको एउटा केटो हतारिदै म भएको ठाँउमा आयो र भन्यो : "ब्रद्रर तपाईहरूको Patient यही हस्पिटलमा हो ?"
"हो । किन र ?" मैले सहज उत्तर दिए ।
"हेर्नुस न, मेरो यही अस्पतालमा ३७००० लाग्यो । मैले तिरे । मलाई अहिले १५०० पुगेन । मेरो Mobile Banking गर्न पनि आजको Transaction Limit exceed भयो । मोबाईल पनि अफ छ । मलाई सहयोग गर्न सक्नुहुन्छ ?" उसले सोध्यो ।
"हुन्छ नि । एक्कैछिन ल ।" मैले यत्ति भने र म काउन्टरतिर लागे ।

काउन्टरको काम केही बाँकी थियो । मैले काउन्टरको काम गरून्जेल उ निकै हतारमा भएको झै यता उता गरिरह्यो । त्यो बिचमा उसले काउन्टर स्टाफसँग यहाँको डाक्टर चिनेको जसरी कुरा गर्यो । आफ्नो श्रीमतीको अन्य Treatment, SSF बाट हुने नहुने बारे सोध्यो । उसले यसरी सोधुन्जेल, त्यहाँ काउन्टरको स्टाफसँग कलम र कागज पनि माग्यो ।

मेरो काउन्टरको काम सकियो र म उतर्फ फर्किए ।
उसले मलाई पैसा साँझ नै फिर्ता गर्ने वा भोली बिहान फिर्ता गर्ने कुरा गर्यो । र मेरो नम्बर टिप्न खोज्यो । मलाई यो बिचमा उप्रति शंका उपशंका केही थिएन । तर बजारमा बिभिन्न किसिमका Scam चलिरहेको बारे चै दिमागमा चल्यो ।
उसले मलाई नम्बर माग्यो ।

मैले कागजमा आफ्नो नम्बर लेखिदिदै सोधे : "तपाईलाई पैसा कहाँ तिर्नुपर्ने हो र ?"
"यही बाहिर मेडिकलमा ।" उसले मेरो नम्बर भएको कागज हातमा लिदै, छोटो उत्तर दियो ।
मैले आफूसँग Cash नभएको र Bank Transfer गरिदिने बारे भने ।
"हुन्छ, तपाईको नम्बर दिनुस, म त्यहाँ मेडिकलमा गएर तपाईलाई तपाईको नम्बरमा Scanner, Whatsapp गरिदिन्छु ।" उसले भन्यो ।
"यही Frontline को मेडिकलमा तिर्ने हैन र ?" मैले सोधे ।
"हैन बाहिर हो ।" उसले भन्यो ।
"बिरामी कता हुनुहुन्छ तपाईको ?"
"बिरामी त पठाईसके तर त्यहाँ मेडिसिनको पैसा तिर्न नपुग्नेभयो ।"
"कहाँ ? यही बाहिरको मेडिकलमा हो ?"
"हजुर । हो ।"
"कहाँनेर हो ? म गईदिन्छु नि त ।" मैले भने ।
"हुन्छ ब्रदर । तर मैतिदेवी पुग्नपर्ला । तपाईलाई गाह्रो होला कि ? बरू म मेडिकल पुगेर, तपाईको Whatsapp मा Scanner पठाउछु नि ।" उसले भन्यो ।

अब भने मलाई शंका लाग्न थाल्यो । मैले अलिकति शंका व्यक्त गर्दै भने । "ब्रदर अप्ठेरो नमान्नुहोला । तपाईको लाईसेन्स अथवा Identity Card केही छ ?"
"किन र ? तपाईलाई मैले Scam गर्न खोजेको जस्तो लाग्यो कि के हो ? I belong to the good family brother. And I work as a Marketing Adviser and get good salary."
अहो, उसको अंग्रेजी । मैले फेरी भने "Scam को शंका लागेको त हैन, तर मैले कसलाई पैसा दिए भनेर यसो याद गर्न मात्र खोजेको । तपाईले भोली बिहानै दिइ त हाल्नुहुन्छ ।"
"हेर्नुस न । म हतारमा हिडेको । मसँग केही छैन ।" उसले अत्तालिदै भन्यो ।
"त्यसो हो भने, मलाई तपाईको फेमिली मेम्बर कसैसँग फेसबुकमा जोडिदिनुस । मेरोबाट फोन गर्नुहोस । अनि म त्यही तपाईको फेमिली मेम्बरलाई नै पैसा पठाईदिन्छु नि ।"
त्यसपछि भने उ अलिकति रिसायो : "ठीक छ ब्रदर । अप्ठेरो सबैलाई पर्छ । तपाईलाई म Scammer जस्तो लाग्यो होला । म एकदम हतारमा हिडेको हु । मलाई आफैलाई पनि Dengue भएको छ । कुन अवस्थामा छु, मलाई थाहा छ । तपाई दिन चाहनुहुन्न भने ठीकै छ ।"
"म पनि अस्पताल नै आएको छु । पैसाको आवश्यकता मलाई पनि छ । म तपाईलाई अप्ठेरो परेको छ भनेर सहयोग गर्न खोजिरहेकै छु । तर मलाई पनि थोरै केही आधार त चाहियो कि तपाईले फिर्ता गर्नुहुन्छ । यसो गरम न त । एउटा सेल्फी खिचौ । हुन्छ ?"
अब भने उ हडबडायो । भन्न थाल्यो, "ब्रदर मैले बिहानदेखि केही खाएको पनि छैन । म निकै अप्ठेरो हालतमा हिडेको छु । मसँग पैसा आज वा भोली नै नहुन सक्छ । तपाईले मेरो फोटो हालिदिनुभयो भने त मेरो बेइज्जत हुन्छ ।"
"मैले बेइज्जत गर्न खोजेको हैन ब्रदर । १५०० ठूलो कुरा नहोला । तर म आफै अस्पतालमा छु । मलाई पनि पैसा चाहिन्छ । तपाई अफिसियल मान्छे भन्नुहुन्थ्यो । अफिसबाट लोन लिन मिल्छ । Monthly Salary छ होला । र अहिले खाना खान समस्या भएको हो भने, म खुवाउछु हिड्नुस ।"
"म अहिले लिभमा छु ब्रदर । You may not believe me now. But when i return it, i will call you for coffee. Then you will know, who I am."
"मलाई कफीमा Interest छैन ब्रदर । तपाईलाई समस्या छ । म दिन तयार छु । तर मलाई थोरै केही आधार चाहियो । त्यत्तिकै त कसरी दिम ? Fraud हरू टन्नै छन ।"
"तपाई मेरो बाईक राख्नुस न त । तर फोटो नखिच्नुस ।"
"१५०० को लागि बाईक भन्ने कुरा हुदैन । तपाईलाई बाईक चाहिन्छ पनि । म पैसा दिन्छु तर केही आधार दिनुस ।"

यत्तिखेरसम्म मैले उसको अनुहार पूरै याद गरिसकेको थिए । उसको ओठको काप कापबाट सेतो फिज थोरै आईरहेको थियो । ओठ फुस्रो थियो । सेता चिरा पर्न खोजेजस्तो देखिन्थ्यो । कतै केही मेडिसिन युज गरेको जस्तो, अलिक अर्कै महसुस हुन थाल्यो ।

"मैले बिहानदेखि खाना खाएको छैन ब्रदर । मेरो हालत अहिले एकदम खराब छ । मसँग भोली नै पैसा नहुन सक्छ । धेरै दिनसम्म पनि नहुन सक्छ ।"
"ठीक छ भन्ने बित्तिकै नहोला । मलाई हप्ता दिनपछि दिनुस । तर मलाई केही आधार चाहियो । भोक लागेको भए केही खान हिड्नुस ।"
"मसँग हप्तादिनसम्म पनि नहुन सक्छ ।"
"तपाई त जागिरे मान्छे । त्यस्तो पनि नहोला कि ?" मैले उसलाई प्रश्न त गरे । तर आफ्नै हालत पनि याद गरे । जागिर भन्दैमा सधै हुदैन । भएपनि कहिलेकाँही आफ्नो तत्कालको आवश्यकता बढो महत्वपूर्ण र गाह्रो भईदिन्छ ।
उसले भन्यो । "एक हप्तामा पनि नहुन सक्छ । मेरो अवस्था तपाई बुझ्नुहुन्न ब्रदर । ठीक छ सहयोग खोजेको हो, तपाईलाई यस्तो अप्ठेरो नपरोस । दिनुहुन्न भने नदिनुस ।"
"एक हप्तामा सक्नुहुन्न । ठीक छ । एक महिनामा दिनुस । तर म बिना केही आधार दिन सक्दिन ।" अब भने मैले कुरा छोट्याउन खोजे ।
उ रिसायो । भुत्भुतियो आफैसँग । र भन्यो : "ठीक छ ब्रदर । तपाईलाई यस्तो अप्ठेरो नपरोस । म Scammer हैन । तपाईले कस्तो मान्छेसँग Deal गर्दैहुनुहुन्छ तपाईलाई थाहाछैन । भयो मलाई चाहिदैन ।"
"मैले सहयोग गर्न नखोजेको हैन । म अप्ठेरो बुझ्छु तर बाईक लिएर हिड्नुभएको छ, ID केही छैन । तपाईको साथी / परिवारको कसैलाई मसँग जोडिएर scanner पठाउनुस भने, त्यो पनि हुदैन भन्नुहुन्छ । अनि फोटो त खिचौ भने त्यो पनि मान्नुहुन्न । एक महिनामा पनि १५०० दिन सक्दिन भन्नुहुन्छ, marketing adviser हु भन्नुहुन्छ । Scam हो हैन थाहाछैन, तर म यसरी चै दिन सक्दिन । म आफै अस्पतालमा छु । Sorry."
यति भनेर म मेरो भाई भएतिर गए । उ हतार भएजस्तो गर्दै मसँग रिसाएर निस्कियो ।

१५०० रूपियाको लागि मैले शंका गर्नु ठीक थियो/थिएन मलाई थाहाछैन । तर उसले पहिला आफ्नो बिरामी यही Frontline हस्पिटलबाटै भर्खरै पठाएको र बाहिर मेडिकलमा पैसा तिर्नको लागि चाहिएको भन्यो । त्यसपछि मेडिकल मैतिदेवीतिर भन्यो । बाईक चढेर हिडेको मान्छे लाईसेन्स ब्लु बुक छैन भन्यो । अफिसमा काम गर्ने मान्छे, आईडी छैन भन्यो । सामाजिक संजालमा जोडिन मानेन । बाईक राख बरू भन्छ । अनि पैसाको अप्ठेरो छ, मैतिदेवी लिन जानुपर्छ भन्छ । एक महिनासम्म पनि पैसा नहुन सक्छ भन्छ, अनि तपाई मेरो स्टाटस थाहापाउनु भयो भने दंग पर्नुहुन्छ भन्छ । फोटो खिच्न मान्दैन ।

उसको अप्ठेरो साच्चैको हो भने, उसलाई कोही सहयोगी मन भेटियोस । तर यी शंकाहरू बिच मलाई चै उसलाई सहयोग गर्न निकै असहज भयो । यदि यो Fraud हो भने, यस्तै Scammer हरूको कारण सहयोग गर्न मन हुँदा हुँदै नि शंका गर्नुपर्ने हुन्छ ।

पैसाको Amount निकै सानो होला, तर बिश्वास भन्ने कुरा निकै ठूलो हुन्छ ।

Post copied from MRR.

24/09/2024

PREM GEET 3 || Nepali Movie Official Movie in 15 Minutes || Pradeep Khadka, Kristina Gurung || Full Movie Available in Cinemaghar App / WebsiteFull Movie Ava...

01/08/2023

पेट्रोल , डिजेल र मट्टितेलको मूल्य बढ्यो, ग्यासको घट्यो ।।

नेपाल आयल निगमले पेट्रोलको मूल्य प्रतिलिटर ९ रुपैयाँ र मट्टीतेल तथा डिजेलको मूल्य प्रतिलिटर ७ रुपैयाँले बढाएको छ ।

खाना पकाउने एल्पी ग्यासको मूल्य भने प्रतिसिलिन्डर १३० रुपैयाँ घटेको निगमले जानकारी दिएको छ । यता हवाई इन्धनको मूल्य भने यथावत छ।

निगमका प्रवक्ता मनोजकुमार ठाकुरले स्वचालित मूल्य अनुसार इन्डियन आयल कर्पोरेसनले पठाएको नयाँ मूल्य सूचीका आधारमा राती १२ बजेदेखि लागू हुने गरी मूल्य समायोजन गरिएको बताएका छन् ।

30/01/2023

ईलाका प्रहरी कार्यालय महेन्द्रनगरको जेलबाट पर्खालबाट दुलो बनाएर ६ जना थुनुवा फरार ।
तस्बिर : विजय कुमार सिंह

27/01/2023

नेपालको ऋण २० खर्ब ७ अर्ब, एक जना बराबर ६८ हजार ७५५ अब नेताले नेपाल सक्छन जस्तो छ ।

27/01/2023

रवि लामिछानेको सांसद पद खारेज
सांसद/मन्त्री बन्न अयोग्य

27/01/2023

शालिग्राम शिला पाइने विश्वकै एकमात्र नदी कालीगण्डकीबाट निकालिएका दुईवटा शिला आज रुद्राभिषेक सहित विशेष पूजाआजा गरी गलेश्वरधामबाट बाजागाजा र र्‍यालीसहित बेनी बजार परिक्रमा गराई जनकपुर हुँदै अयोध्याका लागि पठाइएको छ । सो शिलाबाट भारतको अयोध्यामा निर्माणाधीन श्रीराम जन्मभूमि मन्दिरमा भगवान रामको मुख्य मूर्ति बनाइनेछ।

म्याग्दीको बेनी नगरपालिका–६ ठूलोपहिरोस्थित कालीगण्डकी किनारको शिला हिजो क्रेनमार्फत निकाली गाडीमा राखेर गलेश्वर लगिएको थियो । रामको मूर्ति बनाइने शिलाको दर्शन गर्न भक्तजन , सरकारी निकायका प्रमुख तथा जनप्रतिनिधि , सर्वसाधारणलगायतको भीड लागेको थियो।

22/05/2022

प्रेम गीत३ असोज ७ बाट प्रदर्शनमा आउने

प्रेम गीत३ ले आफ्नो प्रदर्शन मिति तय गरेको छ । चलचित्र आउदो नेपाली हरुको महान