16/08/2026
“जसले सुरक्षा दिनुपर्ने थियो, उसैबाट बाल्यकालमै पीडा भोग्नुपर्यो।”
ज्योति महतको अनुहारमा देखिने जलेका दाग उनका पीडाको एउटा हिस्सा मात्र हुन्। उनी कक्षा १० मा अध्ययनरत हुँदादेखि आफ्नै बुबाबाट यौन दुर्व्यवहार भोग्नुपरेको र न्याय खोज्दा पनि आफन्त तथा समाजबाट अपेक्षित साथ नपाएको बताउँछिन्।
२०७९ सालमा ग्यास सिलिन्डर विस्फोट हुँदा उनको शरीरको करिब ४० प्रतिशत भाग जलेको थियो। उपचारका क्रममा उनले ६ दिनसम्म कोमामा रहनुपरेको थियो भने अनुहारमा पुनर्निर्माण उपचारसमेत गरिएको थियो। कठिन उपचार र लामो पीडाबीच पनि उनले जीवनप्रतिको संघर्ष छाडिनन्।
आज उनी आफ्नो सानो भाइको साथमा नयाँ जीवन अघि बढाउने प्रयासमा छिन्। थप उपचारका लागि करिब ६–७ लाख रुपैयाँ आवश्यक रहेको बताइएको छ।
ज्योतिको कथा केवल पीडाको कथा होइन, कठिन परिस्थितिका बीच पनि न्याय र सम्मानका लागि निरन्तर अघि बढिरहेकी एक संघर्षशील महिलाको कथा हो। उनको न्याय र उपचारका लागि आवश्यक सहयोग जुटाउन सम्बन्धित निकाय, समाज र सहयोगी हातहरू अघि बढ्नु आवश्यक छ।
News Sorce:- Social Media
