10/08/2025
सामाजिक अभियन्ता यमुना केसीको “रोल्पाली चेली” तीज गीत सार्वजनिक
काठमाडौं, राजन थापा —
सामाजिक अभियन्ता तथा रोल्पाली चेली फाउन्डेसनकी अध्यक्ष यमुना केसीको प्रस्तुतिमा नयाँ तीज गीत “रोल्पाली चेली” सार्वजनिक भएको छ। दिन–दुखीको सेवा र समाजसेवामा बिगत एक दशकभन्दा बढी समयदेखि सक्रिय केसीले शिक्षा, स्वास्थ्य र महिला सशक्तिकरणमा उल्लेखनीय योगदान दिएकी छिन्। एक दशकभन्दा बढी समाजसेवामा सक्रिय केसी, दर्जनौं मान–पदवी र पुरस्कारप्राप्त गरेकि छिन् ।
भद्र ओलीको निर्देशन तथा छायांकनमा तयार भएको यस गीतमा शब्द, संगीत र एरेञ्ज पनि भद्र ओलीकै रहेको छ भने कोरियोग्राफी शिवाजी क्षेत्रीले गरेका छन्। लाल र हरियो रंगको पारम्परिक तीज पहिरनमा सुसज्जित यमुना केसीको प्रस्तुतिमा तयार भएको गीतमा मौलिक संस्कृति, पर्वको उल्लास र महिलाको भावनालाई प्राथमिकता दिइएको छ। गीतमा यमुना केसी स्वयंले स्वर दिएकी छिन् भने भिडियोको पोस्ट–प्रोडक्सन शिवाजी डान्स सेन्टरले गरेको हो। यसअघि सार्वजनिक पोस्टरमार्फत गीतले दर्शक–श्रोतालाई तीजको रौनकमा डुबाउने संकेत दिएको थियो।
यमुना केसीले भनिन् —
“तीज हाम्रो संस्कार, संस्कृति र महिला एकताको प्रतीक हो। ‘रोल्पाली चेली’ मार्फत मैले हाम्रो मौलिकता, पर्वको उल्लास र महिलाको आवाजलाई संगीतको माध्यमबाट प्रस्तुत गर्ने प्रयास गरेकी छु।
केसी भन्छिन्,
“म सामाजिक मान्छे हुँ। मानिस जन्मेर कसरी बाँच्न पर्छ भन्ने कुरा मैले जीवनमै अनुभूत गरेकी छु। म ‘द्वन्द्वपीडित अपांग समाज नेपाल’ नामक सामाजिक संस्थासँग आबद्ध छु, जहाँ हाल ५३ जना बालबालिका आश्रित छन्। यस गीतबाट प्राप्त हुने सम्पूर्ण आम्दानी यही संस्थालाई दिने प्रण गरेकी छु।”समाजसेवामा जस्तै, कलामार्फत पनि म सधैं जनताको मनमा सकारात्मक सन्देश पुर्याउन चाहन्छु।” यमुना केसीका प्रमुख मान–पदवी र पुरस्कारहरू महिला आदर्श सम्मान – सामाजिक सेवामा निरन्तर योगदानका लागि जनसेवा रत्न – ग्रामीण क्षेत्रमा शिक्षा र स्वास्थ्य अभियान सञ्चालनको कदरमा गौरवशाली चेली सम्मान – महिला सशक्तिकरणमा उत्कृष्ट कार्यका लागि राष्ट्रिय सेवा पदक – आपतकालीन राहत तथा उद्धार कार्यमा सक्रिय भूमिकाको लागि स्थानीय विकास योगदान सम्मान – सामुदायिक विकास परियोजनामा नेतृत्वका लागि संस्थागत भूमिका
अध्यक्ष — रोल्पाली चेली फाउन्डेसन सल्लाहकार — महिला सशक्तिकरण नेटवर्क, काठमाडौं सदस्य — राष्ट्रिय समाजसेवी महिला महासंघ संरक्षक — ग्रामीण स्वास्थ्य जागरण समिति
“रोल्पाली चेली” अहिले विभिन्न डिजिटल प्लेटफर्म र युट्युबमार्फत उपलब्ध छ।
