20/05/2025
जानकारीको निम्ति
अनेरास्ववियु
मिति: २०८२ जेठ ६ गते
हामी गर्वका साथ सूचित गर्न चाहन्छौं कि अनेरास्ववियुको २४ औं राष्ट्रिय महाधिवेशनको लोगो र झण्डा ८८४८.८६ मिटरको उचाइमा अवस्थित सगरमाथाको शिखरमा पु-याइएको ऐतिहासिक क्षण २०८२ जेठ ५ गते बिहान ८:४० बजे सम्पन्न भएको छ।
यो गौरवपूर्ण अभियानमा विश्व प्रसिद्ध हिमाल आरोही मिङ्मा डेभिड शेर्पाको महत्वपूर्ण साथ र योगदान रहेको थियो। उहाँलाई हाम्रो संगठन तर्फबाट विशेष धन्यवाद ज्ञापन गर्न चाहन्छौं।
अनेरास्ववियुले जलवायु परिवर्तनको असर र हिमाली पारिस्थितिकी तन्त्रको संरक्षणलाई केन्द्रमा राखी भावी अभियानहरू सञ्चालन गर्ने प्रतिबद्धता व्यक्त गर्दछ। हामी वातावरणीय न्याय, हिमालको संरक्षण तथा दिगो विकासका पक्षमा दृढ रहँदै अघि बढ्नेछौं।
प्रकाश पौडेल
प्रवक्ता
अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)
