17/07/2025
गर्भवती श्रीमतीका लागि सामान लिन सदरमुकाम जाँदै थिए नारायण, तुइन चुँडिएर महाकालीमा बिलाए:
दार्चुला — दार्चुलाको व्याँस गाउँपालिका–२ दुम्लिङका २८ वर्षीय नारायण बुढाथोकी मंगलबार बिहान सदरमुकाम खलंगा जाँदै गर्दा महाकाली नदीमा बेप'त्ता भएका छन्। ९ महिनाकी ग'र्भवती श्रीमतीका लागि घरको सरसामान लिन हिँडेका नारायण तुइन चुँडिएर उर्लंदो महाकालीमा बिलाएका हुन्।
उनका साथमा गाउँकै जितु विष्ट र जयदु बुढाथोकी पनि थिए। जोखि'मपूर्ण भारतीय बाटो हुँदै महाकाली तर्ने क्रममा तुइनको डोरी चुँडिएको थियो। नारायण नदीमा खस्दा जितु विष्ट भने ज्यान जोगाएर भारततर्फ पुग्न सफल भएका छन्।
घ'टनास्थल नजिकको तुइन केही दिनअघि भारतीय सशस्त्र सीमा बल (एसएसबी) ले हटाएको थियो। त्यसयता स्थानीयवासीले लुकीछिपी तुइन प्रयोग गर्दै आएका थिए।
प्रहरीका अनुसार नारायणको खोजी कार्य जारी छ, तर बर्खे भेल र नदीको धमिलो पानीका कारण अप्ठ्यारो भइरहेको छ।
नारायण बुढाथोकी परिवारका एक्ला छोरा थिए। सानो होटल, बाख्रापालन र यार्सागुम्बा संकलनबाट उनले परिवारको गुजारा चलाइरहेका थिए। उनको बे'पत्तापछि ग'र्भवती श्रीमती, आमा, एक छोरा र बहिनी ग'हिरो सं'कटमा परेका छन् ।💔
