17/10/2025
नेपाली सेनाको ब्रीफिङ — भदौ २३ र २४ गतेका घटनाबारे :
- नेपाली सेनाले जेनजि आन्दोलनको बेला मृत्यु भएका ७६ मध्य २२ जना प्रदर्शनकारी, ३ जना प्रहरी, १० कैदी र अन्य कारणले मृत्यु भएका ४१ जना रहेको कुरा भनेको छ ।
- सेनाले २३ भदौमा नै प्रहरीको गोली लागेर नयाँ बानेश्वरमा १९ र इटहरीमा २ जनाको मृत्यु भएको भनेको छ भने अन्य कारणले मृत्यु हुनेमा केही आगलागीमा परेर मृत्यु हुनेहरू पनि हुनुहुन्छ ।
- ६८८ सरकारी कार्यलय, २५९ निजी निवास, १२८ व्यापारिक प्रतिष्ठान, १९८ राजनीतिक दलको पार्टी कार्यालय र ३०७ वटा प्रहरी कार्यालयमा आगजनी तथा तोडफोड भएको छ!
- काठमाण्डौ महानगरको दमकल अवरोधको कारण सुरुमै सिंहदरबार आउन नसकेको र आर्मी सँग सम्पर्क मै रहेको भनेर पनि उत्तर दिएको छ भने दमकल सोही रात आएर आगो निभाउन सहयोग गरेको उत्तर दिएको छ ।
- नेपाली सेनाले आफूले राजनीति नगर्ने पनि भनेको छ ।
- कारागारबाट भागेका १५ हजार ५८८ जना फरार भएका ८,७९९ पक्राउ/फिर्ता
- सिंहदरबार बचाउन केही राउण्ड हवाई फायर गरेको र स्थिति नियन्त्रणमा आउन नसक्ने देखेपछि सेनाले ‘लेस देन लिथल’ (कम घातक) नियन्त्रण उपाय अपनाएको र राष्ट्र सुरक्षा परिषद, रक्षा मन्त्रालय र अर्थ मन्त्रालयको डेटा सेन्टरलाई मुख्य प्राथमिकता दिएर सुरक्षामा ध्यान केन्द्रित गरेको र तिनीहरू जोगिएर अहिले सरकार सञ्चालन गर्न सजिलो भएको कुरा पनि भनिएको छ
- VIP/VVIP र परिवार सदस्य सहित ६१ जनाको हेलिकप्टर बाट उद्दार, २३ प्रहरीको पनि हेलिकप्टर बाट उद्दार अनि १२९ जनाको जमीन बाट उद्दार गरेको छ ।
