15/07/2026
आशा
निभ्न लागेको
दियोले पनि त
अन्तिमसम्म उज्यालो खोज्छ,
थाकेको यो गोडाले
फेरि नयाँ
पहाड चढ्ने साहस रोज्छ।
हार त एउटा
बहाना मात्र हो,
नयाँ तरिकाले
ब्युँझिनका लागि,
त्यसैले त मनले सधैं
निराशाको भीडमा पनि
एउटा आशा खोज्छ।
पीडाका यी लामा
लहरहरूले कति दिन नै पो
थुन्लान् र छोपेर?
खुसीका किरणहरू आउनेछन्,
सबै बन्धन र भित्ताहरू तोडेर।
आज एक्लो महसुस भए पनि,
भोलि संसार तिम्रो पछि हुनेछ,
अघि बढ्दै जाऊ,
विगतका ती
तिक्तताहरूलाई त्यहीँ छोडेर।
मौसम जस्तै त हो नि
यो जीवन,
बद्लिन समय लाग्दैन,
साँझ ढलेपछि
क्षितिजमा जूनको
चमक कहिल्यै भाग्दैन।
समय सधैं एउटै रहँदैन,
यसले त
नयाँ पालुवा मात्र पर्खेको हो,
जसरी आज दुःख छ,
भोलि सुख पनि
पक्कै आउनेछ,
यो सत्य टर्दैन।
#सानोबाबु_डायरीज़
#सानो_बाबु
