29/08/2026
रसुवाको भोटेकोशी बाढी प्रभावित क्षेत्रमा तीव्र रूपमा उद्धार र राहत कार्य जारी रहेको जानकारी दिँदै प्रधानमन्त्री बालेन्द्र शाहले हालसम्म भएका प्रमुख कामहरू सार्वजनिक गर्नुभएको छ:
१. १८,७०८ सुरक्षाकर्मी र १६ वटा हेलिकप्टरमार्फत २३६ पटक उडान भरी ७,५१४ जनाको सकुशल उद्धार गरिएको छ।
२. धुन्चे र बट्टारका मोबाइल अस्पतालसहित ५ स्थानबाट विशेषज्ञ स्वास्थ्य सेवा तथा मनोपरामर्श प्रवाह भइरहेको छ भने 'रक्त सूचना पोर्टल' सञ्चालनमा ल्याइएको छ।
३. रसुवा र नुवाकोटमा १८ राहत शिविर स्थापना गरी विस्थापित करिब ३,५०० नागरिकलाई अस्थायी बसोबासको व्यवस्था मिलाइएको छ र १५ स्थानीय तहलाई ६ करोड ७५ लाख रुपैयाँ निकासा गरिएको छ।
४. प्रधानमन्त्री राहत कोषमा ५ अर्ब ४ करोडभन्दा बढी रुपैयाँ संकलन भएको छ र हवाई तथा सडकमार्गमार्फत खाद्यान्न तथा राहत सामग्री वितरण तीव्र पारिएको छ।
५. भारत, चीन, अमेरिका, स्विट्जरल्याण्ड, एडीबी र विश्व बैंकबाट आर्थिक, भौतिक तथा प्राविधिक सहायता परिचालन गरिएको छ।
६. अवरुद्ध अधिकांश बिटिएस टावर सञ्चालनमा ल्याइएको छ।
७. काठमाडौं–धुन्चे वैकल्पिक सडक र पृथ्वी राजमार्ग खुलाएर प्रभावित क्षेत्रलाई पुनः राष्ट्रिय सडक सञ्जालमा जोडिएको छ।
८. फेला परेका ६७५ श'वलाई 'एयर टाइट ब्याग' र डीएनए सुरक्षित राख्दै सरकारी निर्देशिकाबमोजिम व्यवस्थापनको काम भइरहेको छ।
