05/07/2026
हामी जेन वाइ (Gen Y) को तर्फबाट प्रधानमन्त्री बालेन शाहलाई १०० दिनको उपलक्ष्यमा एउटा 'दम्दार' खुल्ला पोस्ट:
🇳🇵 प्रधानमन्त्री बालेनज्यू, १०० दिनको 'डिजिटल क्रान्ति' र भर्चुअल सुशासन देखेर हामी गदगद छौँ! 🇳🇵
हामी त्यो पुस्ता (Millennials/Gen Y) हौँ, जसले माओवादी जनयुद्धको बारुद सुघ्यौँ, दरबार हत्याकाण्डको सन्नाटा भोग्यौँ, ०६२/६३ को आन्दोलनमा टायर बाल्यौँ, महाभूकम्पमा भग्नावशेष पन्छाउदै नाकाबन्दीमा साइकल चढ्यौँ। नोकिया ३३१० देखि आजको आर्टिफिसियल इन्टेलिजेन्स (AI) सम्मको यात्रा देख्ने हामीले नै हिजो सडकमा 'जेन जी (Gen Z)' सँग काँधमा काँध मिलाएर तपाईंहरूलाई सत्ताको साँचो सुम्पेका थियौँ।
चुनावअघि तपाईंको गर्जन थियो— "हामीलाई जम्मा १०० दिन सरकार चलाउन दिनुस्, रातारात थिति कसरी बसाल्ने हो, हामी देखाइदिन्छौँ!"
लौ हेर्नुहोस्, तपाईंको सरकारको १०० दिन पुग्दा हामी मिलेनियल्सले देखेका 'ऐतिहासिक उपलब्धिहरू'। चस्मा पुछेर पढ्नुहोला: 👇
१) डिजिटल सिङ्गापुर: सडकका खाल्डा र धुलो जस्ताको तस्तै भए पनि, फेसबुकका रिल्स र टिकटकका भिडियोहरूमा नेपाल सिङ्गापुर भइसकेको छ। भर्चुअल रियालिटीमै भए पनि यत्रो विकास देख्न पाउनु हाम्रो अहोभाग्य हो! 📱🇸🇬
२) नयाँ मेरिटोक्रेसी: अदालत, विश्वविद्यालय र सरकारी संस्थानहरूमा पुराना पार्टीको झोला बोक्ने परम्परा त तोडियो, तर अब 'नयाँ पार्टीको बिल्ला र चस्मा' लगाएपछि मात्रै मेरिट पुग्ने गज्जबको थिति संस्थागत भएको छ। वा रे सुशासन! 👏
३) भ्रष्टाचार निर्मूलको नयाँ दर्शन: गाउँघरका साना विकास योजनाहरू नै काटेर बजेट फ्रिज गराएपछि, 'विकासै नगरेपछि भ्रष्टाचारै हुँदैन' भन्ने जुन नयाँ आर्थिक सिद्धान्त तपाईंहरूले प्रतिपादन गर्नुभयो, त्यसले त अर्थशास्त्रका नोबेल विजेताहरू पनि चकित छन्। 🏆
४) युवाहरूलाई 'आराम' को अवसर: सय दिनमै दर्जनौँ उद्योग बन्द गराएर हजारौँ युवाहरूलाई कि त खाडी उड्ने, कि स्वदेशमै मज्जाले 'आराम गर्ने' (बेरोजगार बन्ने) गोल्डेन अवसर प्रदान गर्नुभएकोमा हृदयदेखि नै आभार! ✈️🛌
५) परम्पराको संरक्षण: सिंहदरबार र बालुवाटारका आसेपासेहरूले नम्बर प्लेट फेरेर सरकारी गाडी हुइँक्याउने पुरानै संस्कृतिलाई नयाँ पुस्ताले पनि भव्यताका साथ 'कन्टिन्युटी' दिएर संस्कार जोगाएकोमा सलाम छ। 🚙
६) सहकारीको 'सफल' समाधान: जिबि राई जस्ता कुख्यात ठगहरूलाई उन्मुक्ति दिएर (वा छुन नसकेर) सहकारी पीडितहरूको समस्या सधैँका लागि 'समाधान' भएको घोषणा गर्न मात्रै बाँकी छ। 🏃♂️💨
७) कडा भन्दा कडा कारबाही: निर्मला पन्तका हत्यारादेखि ठूला भ्रष्टाचारीसम्मलाई 'फेसबुकको स्टाटस' र भाषणमै कडा भन्दा कडा कारबाही गरेर न्यायको नयाँ नमुना पेस गरिएको छ। 😡
अन्त्यमा प्रधानमन्त्रीज्यू,
हामीले पात्र मात्रै फेर्न खोजेका थिएनौँ, प्रवृत्ति फेर्न खोजेका थियौँ। हिजो व्यवस्था परिवर्तनको लडाइँमा रगत पसिना बगाएको हाम्रो पुस्ता आज तपाईंहरूको यो '१०० दिने चमत्कार' देखेर सन्तुष्टले रुँदैछ! 😭
यत्रो ऐतिहासिक विकास हुँदा पनि "केही भएको छैन" भन्ने हाम्रा आँखै खराब हुन् कि ? कि तपाईंले लगाउने जस्तै चस्मा हामीले पनि किन्नु पर्ने हो, जसले सबैतिर 'नयाँ नेपाल' मात्रै देखाउँछ? 🕶️🤔
प्रेषक:
हन्डर खाएर हुर्किएको, तर आश नमारेको पुस्ता — जेन वाइ (Gen Y)
