Rastriya Samachar

Rastriya Samachar News, Views and Articles

08/06/2026

परराष्ट्रमन्त्री शिशिर खनाल जेठ ३१ गते चीन भ्रमणमा जाने भएका छन्। भ्रमणका क्रममा उनले चिनियाँ विदेशमन्त्री वाङ यी लगायत उच्च अधिकारीहरूसँग भेटवार्ता गर्ने कार्यक्रम तय भएको छ।

08/06/2026

सुदन गुरुङविरुद्ध जाहेरी दर्ता गर्न पुगेका जेनजी अभियन्ताहरूलाई जिल्ला प्रहरी परिसर काठमाडौंको गेटबाटै फर्काइएको दाबी गरिएको छ। अभियन्ताहरूले यसलाई न्यायिक प्रक्रियामाथिको अविश्वास बढाउने घटना भन्दै निष्पक्ष छानबिन र जाहेरी दर्ताको माग गरेका छन्।

08/06/2026

फिलिपिन्सको मिन्दानाओ क्षेत्रमा ७.७ म्याग्निच्युडको शक्तिशाली भूकम्पपछि सुनामीको चेतावनी जारी गरिएको छ। भूकम्पमा कम्तीमा ५ जनाको मृत्यु भएको पुष्टि भएको छ भने प्रशान्त क्षेत्रका धेरै देशहरू उच्च सतर्कतामा रहेका छन्।

08/06/2026

प्रतिपक्ष कमजोर भए पनि संवैधानिक सन्तुलन भत्किन नदिन सरकारलाई लिङ्देनको आग्रह

08/06/2026

प्रधानमन्त्रीले सीमासम्बन्धी अभिव्यक्ति सच्याउनुपर्ने हर्क राईको माग

08/06/2026

अर्थमन्त्री डा. स्वर्णिम वाग्लेमाथि संसदीय छानबिनको माग

08/06/2026

प्रधानमन्त्रीको अभिव्यक्तिप्रति आपत्ति जनाउँदै सदन चल्न नदिने एमालेको अडान

श्रम संस्कृती पार्टीका अध्यक्ष हर्कराज राईले प्रधानमन्त्रीले संसद्मा दिएको सीमासम्बन्धी अभिव्यक्तिप्रति आपत्ति जनाउँदै उ...
08/06/2026

श्रम संस्कृती पार्टीका अध्यक्ष हर्कराज राईले प्रधानमन्त्रीले संसद्मा दिएको सीमासम्बन्धी अभिव्यक्तिप्रति आपत्ति जनाउँदै उक्त भनाइ सच्याउन माग गरेका छन् ।

सोमबार बसेको प्रतिनिधिसभा बैठकमा बोल्दै राईले प्रधानमन्त्रीले नेपालले अन्य देशको सीमा मिचेको भन्ने आशयको अभिव्यक्ति दिएको उल्लेख गर्दै त्यसको पुष्टि गर्नुपर्ने बताए ।

उनले भने, ‘देशकै प्रधानमन्त्रीले संसद्को रोस्टमा उभिएर जुन खालको अभिव्यक्ति दिनुभएको छ त्यो सचाइनुपर्छ भनेर माग गदै आएका छौँ । उहाँले सिमानाको बारेमा नेपालले कहाँ कहाँ सिमाना मिचेको रहेछौं भन्ने बारेमा पुष्टि गरिदिनुपर्छ । होइन भने नेपाली जनतालाई सम्बोधन गरेर आफ्नो भनाइलाई सच्याउनु पर्दछ । त्यसको लागि माफी माग्नु पर्दछ ।’

राईले प्रधानमन्त्रीले आफ्नो भनाइ पुष्टि गर्न नसके नेपाली जनतालाई सम्बोधन गरेर अभिव्यक्ति सच्याउन र माफी माग्नुपर्ने माग गरे । उनले उक्त विषय समाधान नभएसम्म अन्य विषयमा प्रवेश गर्नु उचित नहुने धारणा समेत राखे ।

उनले सीमाको सुरक्षालाई राज्यको प्रमुख दायित्व भएको उल्लेख गर्दै सीमामाथि हुने अतिक्रमणविरुद्ध स्पष्ट नीति आवश्यक रहेको बताए ।

08/06/2026

संसद नियमित चलोस् भन्नेमा प्रतिबद्धता छ, हाम्रो आफ्नो धारणा छ । प्रधानमन्त्रीको यो विषय सच्यिनुपर्छ । संसदको रेकर्डबाट हट्नुपर्छ र प्रधानमन्त्रीले जवाफ दिनुपर्छ भन्ने प्रतिपक्षको अडान कायम छ । सत्ता पक्षबाट पनि विभिन्न अप्सनहरू सकारात्मक नै आएका छन् तर निष्कर्षमा पुग्न नसकिएको हुनाले केही समय बैठक रोकेर सभामुखले छलफलको वातावरण बनाइदिन आग्रह गर्छु।: सांसद वर्षमान पुन

नेपाल कम्युनिष्ट पार्टीले बैठक केही समयका लागि स्थगित गरी दलहरूबीच छलफलको वातावरण बनाउन सभामुखसँग आग्रह गरेको छ । सोमबार...
08/06/2026

नेपाल कम्युनिष्ट पार्टीले बैठक केही समयका लागि स्थगित गरी दलहरूबीच छलफलको वातावरण बनाउन सभामुखसँग आग्रह गरेको छ ।

सोमबार बसेको प्रतिनिधिसभा बैठकमा बोल्दै सांसद वर्षमान पुनले संसद नियमित रूपमा सञ्चालन हुनुपर्नेमा आफ्नो दल प्रतिबद्ध रहेको बताए ।

यद्यपी प्रधानमन्त्रीको विवादित अभिव्यक्ति सच्याइनुपर्ने, संसदको अभिलेख (रेकर्ड) बाट हटाइनुपर्ने तथा प्रधानमन्त्रीले त्यसबारे स्पष्ट जवाफ दिनुपर्ने प्रतिपक्षको अडान यथावत रहेको बताए ।

पुनले सत्ता पक्षबाट समस्या समाधानका लागि विभिन्न विकल्पहरू सकारात्मक रूपमा आएको भएपनि अहिलेसम्म कुनै निष्कर्षमा पुग्न नसकिएको उल्लेख गरे ।

उनले भने, ‘संसद नियमित चलोस् भन्नेमा प्रतिबद्धता छ, हाम्रो आफ्नो धारणा छ । प्रधानमन्त्रीको यो विषय सच्यिनुपर्छ । संसदको रेकर्डबाट हट्नुपर्छ र प्रधानमन्त्रीले जवाफ दिनुपर्छ भन्ने प्रतिपक्षको अडान कायम छ । सत्ता पक्षबाट पनि विभिन्न अप्सनहरू सकारात्मक नै आएका छन् तर निष्कर्षमा पुग्न नसकिएको हुनाले केही समय बैठक रोकेर सभामुखले छलफलको वातावरण बनाइदिन आग्रह गर्छु।’

Address

Kathmandu
Kathmandu

Website

Alerts

Be the first to know and let us send you an email when Rastriya Samachar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Rastriya Samachar:

Shortcuts

Share

Category