https://www.facebook.com/1087419827780841/

Routine Of Parbat Banda, Parbat, Kusma (2026)

16/10/2026

कुश्मा नगरपालिकामा रास्वपाको ‘क्यान्डिडेट क्लब’ खुला, अब मेयरदेखि वडा अध्यक्षसम्म उम्मेदवार बन्ने बाटो खुल्दै!

राष्ट्रिय स्वतन्त्र पार्टी (रास्वपा) ले ‘नगरपालिका क्यान्डिडेट क्लब’ का लागि आवेदन खुला गरेसँगै कुश्मा नगरपालिकामा मेयर, उपमेयर तथा वडा अध्यक्षलगायतका पदमा उम्मेदवार बन्न इच्छुक व्यक्तिहरूका लागि प्रारम्भिक प्रक्रिया सुरु भएको छ।

अब चासोको विषय छ—कुश्मा नगरपालिकाको भावी नेतृत्वमा को–को आउलान्? क्यान्डिडेट क्लबको प्रतिस्पर्धा र छनोट प्रक्रियाबाट कुन–कुन व्यक्तिले उम्मेदवारीको अवसर पाउलान् ?

तपाईंको विचारमा कुश्मा नगरपालिकाको भावी मेयर, उपमेयर र वडा अध्यक्षका रूपमा कसलाई देख्न चाहनुहुन्छ?

आफ्नो विचार कमेन्टमा लेख्नुहोस्। नामसँगै उहाँको अनुभव, योजना र नगर तथा वडाको विकासका लागि गर्न सक्ने कामबारे पनि उल्लेख गर्नुहोस्।

कुश्मा नगरपालिकाको भावी नेतृत्वबारे तपाईंको धारणा के छ ?

#कुश्मानगरपालिका #रास्वपा #स्थानीयचुनाव #पर्वत

15/10/2026

स्थानीय निर्वाचन लक्षित ‘नगरपालिका क्यान्डिडेट क्लब’को आवेदन खुला,,।।

स्थानीय निर्वाचनलाई लक्षित गर्दै ‘नगरपालिका क्यान्डिडेट क्लब’को आवेदन खुला गरिएको छ।
नगरपालिकाको प्रमुख, उपप्रमुख, वडाध्यक्ष तथा वडा सदस्यका रूपमा नेतृत्व लिन इच्छुक व्यक्तिहरूले क्लबमा आवेदन दिन सक्ने जनाइएको छ।
इच्छुक उम्मेदवारहरूले सम्बन्धित पार्टीको आधिकारिक मोबाइल एपमा लगइन गरी आवेदन दिन सक्नेछन्।
स्थानीय तहमा नेतृत्व गर्न चाहने र निर्वाचनमा उम्मेदवार बन्न इच्छुक व्यक्तिहरूलाई आवेदन प्रक्रियामा सहभागी हुन आह्वान गरिएको छ।
https://rspnepal.page.link/app

15/10/2026

पर्वतका युवा नेता मदन पौडेलको अभिव्यक्ति : अस्तित्व संकटमा परे चुनौती सामना गर्न तयार,,।।

पर्वत — पर्वतका युवा नेता मदन पौडेलले आन्दोलनको जगमा बनेको पार्टीभित्रै स्टेकहोल्डरहरूमाथि प्रहार भइरहेको भन्दै असन्तुष्टि व्यक्त गरेका छन्।

उनले सामाजिक सञ्जालमार्फत आफ्नो धारणा सार्वजनिक गर्दै पार्टीभित्र योगदान दिएका पक्षहरूको अस्तित्वमाथि संकट उत्पन्न भए त्यसको सामना गर्न तयार रहेको बताएका छन्।

पौडेलले आन्दोलनको मर्म र योगदानको सम्मान हुनुपर्ने आशय व्यक्त गर्दै आफ्नो अस्तित्व संकटमा पर्ने अवस्था आए चुनौतीको सामना गर्ने चेतावनी दिएका छन्।

उनको अभिव्यक्ति पार्टीभित्रको भूमिका, योगदान र अधिकारका विषयमा उठेको असन्तुष्टिका रूपमा बुझ्न सकिन्छ।

#पर्वत #मदनपौडेल

15/10/2026

नेपाली कांग्रेसकाे पन्ध्राै महाधिवेशनबाट (खुल्ला तर्फ) केन्द्रीय सदस्य पदमा पर्वतका अर्जुन जाेशी र बिद्वान गुरुङ बिजयी भएका छन् ।

14/10/2026

पर्वतको शंकरपोखरीमा बोलेरो पिकअप दुर्घटना, पाँच जना घाइते

पर्वत, असोज २८। पर्वतको फलेवास नगरपालिका–३ सिमखेतमा बोलेरो पिकअप दुर्घटना हुँदा दुई बालबालिकासहित पाँच जना घाइते भएका छन्।

प्रहरीका अनुसार बुधबार राति करिब ८:२० बजे कुश्माबाट भेडावारीतर्फ जाँदै गरेको ग ३ च ८७०३ नम्बरको डबल क्याप बोलेरो पिकअप उकालोमा रोकेर सामान झार्ने क्रममा पछाडि सरेर सडकबाट करिब ८० मिटर तल खसेको हो।

दुर्घटनामा फलेवास–३ शंकरपोखरीका ११ वर्षीया समृद्धि अधिकारी, ३३ वर्षीया सन्तु गौतम, उनकी २ वर्षीया छोरी सलिना गौतम र ५० वर्षीया जयलक्ष्मी अधिकारी तथा फलेवास–२ भेडावारीकी ५५ वर्षीया सुमित्रा थापा घाइते भएका छन्। घाइतेमध्ये तीन जनाको अवस्था सामान्य र दुई जनाको अवस्था मध्यम रहेको प्रहरीले जनाएको छ। उनीहरूलाई उपचारका लागि प्रदेश अस्पताल कुश्मा पठाइएको छ।

14/10/2026

पर्वतको शंकरपोखरीमा जिप दुर्घटना, ५ जना घाइते!

पर्वत — पर्वतको फलेवास नगरपालिका–३, शंकरपोखरीस्थित सिमखेतमा जिप दुर्घटना हुँदा ५ जना घाइते भएका छन्।
दुर्घटनामा घाइते भएका सबैलाई उपचारका लागि प्रदेश अस्पताल पर्वत, कुश्मा लगिएको जानकारी प्राप्त भएको छ।

14/10/2026

पर्वतको शंकरपाेखरीमा जीप दुर्घटना । थप बिबरण आउन बाँकी !

पर्वत — साईकलचोक हुँदै फलेबास नगरपालिका–३, शंकरपोखरीको सिमखेततर्फ जाँदै गरेको जिप दुर्घटनामा परेको छ।
दुर्घटनामा भएको मानवीय तथा भौतिक क्षतिको विवरण आउन बाँकी रहेको छ।
थप विवरण प्राप्त हुनासाथ अपडेट गरिनेछ।
#पर्वत #फलेबास #दुर्घटना

14/10/2026

रास्वपा प्रवेशसँगै कमलनाथ पोखरेललाई कुश्माको मेयरमा उठ्न शुभेच्छुकहरूको सुझाव,,।।

पर्वत — राष्ट्रिय स्वतन्त्र पार्टी (रास्वपा) मा औपचारिक प्रवेश गरेसँगै कमलनाथ पोखरेललाई कुश्मा नगरपालिकाको मेयर पदमा उम्मेदवारी दिन उनका शुभेच्छुकहरूले सुझाव दिन थालेका छन्।

शिवालय कुश्मा खानेपानी संस्थाको अध्यक्षका रूपमा दुई कार्यकाल जिम्मेवारी सम्हालेका पोखरेलले कुश्मा बजारमा शुद्ध खानेपानी उपलब्ध गराउने कार्यमा महत्त्वपूर्ण भूमिका खेलेका थिए। खानेपानी व्यवस्थापनमा उनले निर्वाह गरेको नेतृत्व र पारदर्शी कार्यशैलीबाट स्थानीय नागरिक प्रभावित रहेको उनका शुभेच्छुकहरूको भनाइ छ।

निजामती सेवामा ३२ वर्ष स्थायी सेवा गरी अधिकृतस्तरबाट अवकाश प्राप्त पोखरेलले कारागार कार्यालयमा सात वर्ष कार्यालय प्रमुखका रूपमा समेत काम गरेका थिए। लामो प्रशासनिक अनुभव, सामाजिक क्षेत्रमा सक्रियता र व्यवस्थापकीय दक्षताका कारण उनलाई स्थानीय तहको नेतृत्वमा आउन शुभेच्छुकहरूले सुझाव दिन थालेका हुन्।

यद्यपि, पोखरेलले कुश्मा नगरपालिकाको मेयर पदमा उम्मेदवारी दिने विषयमा अहिलेसम्म औपचारिक घोषणा गरेका छैनन्। उनी उम्मेदवार बन्ने वा नबन्ने र यस विषयमा पार्टीले कस्तो निर्णय लिन्छ भन्ने कुरा भने आगामी दिनमा स्पष्ट हुँदै जानेछ।

14/10/2026

दुर्लुङ कोटगाउँमा दौड्न सके लखपति बन्ने अवसर, प्रथम पुरस्कार एक लाख!

पर्वत। पर्वतको कुश्मा नगरपालिका–३ स्थित ऐतिहासिक तथा धार्मिक महत्त्व बोकेको दुर्लुङकोटमा एक लाख रुपैयाँ पुरस्कार राशिको खुला हाफ म्याराथन प्रतियोगिता आयोजना हुने भएको छ।

दुर्लुङकोट म्याराथन समाजको आयोजनामा दशैँको अवसर पारेर आगामी असोज ३१ गते पहिलोपटक प्रतियोगिता हुन लागेको हो। प्रतियोगितामा सहभागी धावकहरूले २९ किलोमिटर दूरी पार गर्नुपर्नेछ।

आयोजक म्याराथन समाजका अध्यक्ष भीमबहादुर गुरुङका अनुसार दुर्लुङकोट क्षेत्रको पर्यटन प्रवर्द्धन, खेलकुदको विकास तथा स्थानीय युवालाई खेलकुदप्रति आकर्षित गर्ने उद्देश्यले प्रतियोगिता आयोजना गर्न लागिएको हो।

समाजका सचिव भीमप्रसाद शर्माका अनुसार प्रतियोगिता मोदी गाउँपालिकाको पातीचौरबाट सुरु हुनेछ। पातीचौरबाट भ्याप्ले, अम्बोट, परादी, चुवा, खरेहा हुँदै दुर्लुङचोक पुग्ने धावकहरू गोदाम, सल्यान, देउराली र कोटथर हुँदै कोटगाउँ पुगेर दौड पूरा गर्नेछन्।

प्रतियोगितामा प्रथम हुनेले एक लाख रुपैयाँ, द्वितीय हुनेले ६० हजार रुपैयाँ र तृतीय हुनेले ४० हजार रुपैयाँ पुरस्कार प्राप्त गर्नेछन्। त्यसैगरी, सान्त्वना स्थान हासिल गर्ने दुई जनाले जनही २० हजार रुपैयाँ तथा पाँचौँ हुनेले १० हजार रुपैयाँ प्राप्त गर्ने आयोजकले जनाएको छ। उत्कृष्ट खेलाडीलाई ट्रफी र प्रमाणपत्रसमेत प्रदान गरिनेछ।

प्रतियोगितामा सहभागी हुन नाम दर्ता शुल्क एक हजार रुपैयाँ तोकिएको छ। सुरुमा असोज २३ गतेसम्मका लागि तोकिएको दर्ता अवधि बढाएर असोज २८ गतेसम्म पुर्‍याइएको आयोजकले जनाएको छ।

प्रतियोगितामा एक सय जना धावक सहभागी हुने अपेक्षा गरिएको छ। आयोजकका अनुसार हालसम्म ५० जनाभन्दा बढीले नाम दर्ता गराइसकेका छन् भने सहभागी हुन इच्छुक व्यक्तिहरूको सम्पर्कसमेत बढिरहेको छ।

एक लाख रुपैयाँ पुरस्कार जित्ने अवसरसँगै दुर्लुङकोटको पर्यटन प्रवर्द्धनमा योगदान पुर्‍याउने यस प्रतियोगिताले पर्वतमा खेलकुद पर्यटनको सम्भावनालाई थप उजागर गर्ने अपेक्षा गरिएको

14/10/2026

हार्दिक अपिल | निर्माण कार्यमा अवरोध नगरौँ!

कुश्मा दुर्लुङ पदमखोल्सीदेखि माथि जाने सडकमा ढलानको काम भइरहेको अवस्थामा हिजो बेलुका ७ बजे जबर्जस्ती मोटरसाइकल प्रवेश गराउन खोज्नु र निर्माण कार्यमा खटिएका मजदुरलाई हप्कीदप्की गर्नु खेदजनक छ।
वडा नं. ३ दुर्लुङ ले यससम्बन्धी सूचना जारी गरिसकेको हुँदा निर्माण कार्यमा अवरोध नगर्न र सम्बन्धित सूचनाको पालना गर्न सम्पूर्णमा हार्दिक अनुरोध गर्दछौँ।
सडक हाम्रो साझा सम्पत्ति हो, यसको संरक्षण गर्नु हामी सबैको कर्तव्य हो। विकास निर्माणको कामलाई सफल बनाउन सबैले सहयोग गरौँ। 🙏
#पदमखोल्सी #सडकनिर्माण #जनचेतना #पर्वत

Routine Of Parbat Banda

16/10/2026

15/10/2026

15/10/2026

15/10/2026

14/10/2026

14/10/2026

14/10/2026

14/10/2026

14/10/2026

14/10/2026

Address

Website

Alerts

Contact The Business

Shortcuts

Share

Category

Listing takedown request