Independent News Network

17/05/2025

बुल्गेरियाको संसदमा एकजनाले गोलि ताक्यो तर पेस्तोल पड्किएन । तब शुरु भयो राम धुलाई !

14/05/2025

रैती राग के हो ?
हरेक कुराको आफ्नै विशेष राग हुन्छ । जस्तो कि तोरीको तेलबाट आफ्नै खालको राग आईरहेको हुन्छ । रागबाटै हामि त्यो बस्तुको पहिचान गर्न सक्छौ । लसुनको आफ्नै खाले राग हुन्छ । यो रैती भन्ने कुराको पनि आफ्नै खालको राग छ । रैतिको राग लसुनको राग जस्तो सुघेर पत्तो लाग्दैन । लसुन र तोरीको राग नाकबाट छिरे पछि महशुस गरिन्छ । तर रैतिको राग नाकबाट होइन कानबाट छिर्छ । रैती रागले ग्रस्त मान्छेले मुखबाट राग ओकल्छ आबाजको रुपमा । त्यो राग हाम्रो कान भएर मगजमा पुग्छ । लसुनको राग पिरो खालको हुन्छ भने तोरीको राग हल्का सुगन्धित र पिरो पिरो हुन्छ । यो रैती राग चाहिँ मगजमा पुगे पछि कसैलाइ आनन्द दिने खालको हुन्छ भने कसैलाइ कन्सिरी तताउने खालको हुन्छ । रैती राग राजेन्द्र लिङ्देनको कानबाट छिरेर मगजमा पुग्यो भने उनले बेहद आनन्द महशुस गर्न सक्छ । यहि राग गगन थापाको कानबाट छिरेर मगजमा पुग्यो भने कन्सिरी तताउन सक्छ ।
रैती राग कसरी चिन्ने ?
रैती राग आबाजको रुपमा मुखबाट निस्किन्छ । जुन मान्छेलाइ रैती रागले ग्रस्त पारेको हुन्छ उसको मुखबाट यस्ता कुरा रागको रुपमा निस्किन सक्छ -
१. राजा महाराजाको गुनगान
२. लोकतन्त्रको घोर बिरोध
३. लोकतन्त्र र गणतन्त्रबादी नेताहरुलाई गाली
४. राजतन्त्रको पक्षमा भाषणबाजी
५. संविधान बिरोधी कुरा
रैती राग मगजमा पसे पछिको लक्षण
१. लोकतन्त्र र गणतन्त्रबादी नेताहरुलाइ मनपरी गाली गर्दै हिड्न थाल्छ । रागले ग्रस्त नै पारेको रहेछ भने भाषण नै गरेर हिड्छ ।
२. राजा महाराजाको पोस्टर बोकेर हिड्न सक्छ ।
३. रागले सारै ग्रस्त पारेको मान्छेले नारा जुलुस लगाउने, प्रहरिलाइ ढुङा हान्ने, आगजनी गर्ने काम गर्न सक्छ ।
४. रागले थलिएको मान्छे मर्न मार्न पनि तयार हुन्छ
५. रागले ग्रस्तहरु राजाको सामु घोप्टेर ढोग्न तयार हुन्छन । उनीहरु हीन भावनाले ग्रस्त हुन्छन । उनीहरु मालिक बिना बाच्न नसक्ने अबस्थामा पुग्छन ।
रैती रागबाट बच्ने उपाय
१. रैती रागले ग्रस्तहरुको कुरा नै नसुन्ने ।
२. सुने पनि प्रतिबाद गरि हाल्ने ।
३. आफुलाइ सदैब नागरिक ठान्ने रैती होइन ।
४. रैतिहरुको संगत नै नगर्ने ।
५. रैतिहरुको भेला, सम्मेलन र गोष्ठीमा नजाने ।
#रैतिराग

14/05/2025

प्र म के पि वली ज्युको एउटा पोस्टमा गरिएको कमेण्ट जस्ताको तस्तै -----
आदरणीय प्र म ज्यु,
हजुरलाइ सादर अनुरोध छ कि भाषणबाजी गरेर मात्र कलाकर्मीहरुको मन जित्न सकिँदैन । हजुरले साँची नै चलचित्र कर्मीहरुको मन जित्न चहानु हुन्छ भने चलचित्रमा लगाइएको सेन्सरशीप अबिलम्ब हटाइ दिनुस । ईतिहास रच्नुस हजुर ! सेन्सरशीपले गर्दा हाम्रो चलचित्र उद्योगले चाहे जस्तो तरिकाले फस्टाउन पाएको छैन । फेरि अग्रिम सेन्सरशीप लोकतन्त्र बिरोधी प्राबधान हो । हिजो राजा महाराजा हुदा बनाईएको नीति आजको खुल्ला राजनैतिक ब्यबस्थामा सुहाउदैन हजुर ! यसर्थ हजुरलाइ बिनम्र अनुरोध छ चलचित्रको सेन्सरशीप हटाएर चलचित्रकर्मीहरुलाई स्वतन्त्र भएर उड्ने वातावरण बनाइ दिनुस । लोकतान्त्रीक गणतन्त्रको अबस्थामा पनि चलचित्रमा सेन्सरशीप लगाउनु भनेको सफा लुगामा कालो धब्बा जस्तो हो । कालो धब्बा लागेको बर्को ओडेर हजुर कहिले सम्म हिडि रहनु हुन्छ ? हजुरले यो काम गर्नु भएन भने सम्पूर्ण चलचित्रकर्मी कसैले पनि हजुरले नेपालको चलचित्र उद्योगलाई माया गर्नु हुन्छ भनेर पत्याउने छैनन । अनि हजुरले गर्ने भाषणको के अर्थ रहला र । हजुरले गम्भीरतापूर्बक शोचिदिन हुन सम्पूर्ण चलचित्रकर्मीहरुको तर्फबाट सादर अनुरोध छ !!

05/05/2025

30/04/2025

खाइ नखाई दुख गरेर जम्मा गरेको अर्काको रकम पचाउन खोज्ने ए नर पिचाश हो के तिमिहरुलाइ नर्कको डर लाग्दैन ? सहकारीमा पैसा जम्मा गर्ने हजारौ मान्छेको रकम खोइ ? सरकार किन मौन ? सरकार अस्तित्वमा छ भने ती बिचराहरुको रकम फिर्ता गराउन पहल गरोस । हैन यो कस्तो देश हो ? जसले जे गर्दा पनि हुने ! ठगहरुको संरक्षण कसले गरिरहेको छ ? सहकारीमा पैसा जम्मा गर्नेहरु पैसा नभएर उपचार समेत गर्न नपाएर मर्नु पर्ने अबस्था आएको छ ! ठगहरुको घरानाबाट असुल उपर गरेर निक्षेपकर्ताहरुलाई न्याय दिनु पर्दैन सरकारले ? ए नर पिचाश हो , आफू मात्र खाएर नबस ! मरे पछि तिमिहरुको रुवाई नर्कमा हुनेछ । पाप धुरीबाट कराउछ ! अरुलाई रुवाएर केही हुदैन भन्ने नठान ! तिमिहरु क्रुर पिचासहरुले निक्षेपकताहरुलाइ बिरामी पारेर मार्ने षडयन्त्र गरेको हो कि होइन ? कति लाई मार्‍यौ ? धिक्कार छ तिमिहरुलाइ ! पैसाको लागि पशु बन्न पनि तयार भयौ तिमिहरु ! तिमिहरुको सात पुस्ता कुहिएर मर्ने छ र नर्कमा जाकिने छ । अरुलाइ रुवाउनु नै अधर्म हो । याद गर , तिमीहरुले घोर अधर्म गरेका छौ । नर्क तिमिहरुकै लागि हो ! यातना भोग्न तयार भए बस !

27/04/2025

एउटा समसामयिक लेख ! नवराज समीर द्वारा लिखित ! सुरक्षा पन्त सम्बन्धी उठिरहेको बिबादसंग सम्बन्धीत लेख । सबैले पढौं र प्रतिकृया दिउँ !

म र्न त सबै मर्छन । दुखद कुरो त यो छ कि कतिपय मान्छे शरीर नमर्दै चेतनाको हिसाबले मरिसकेका हुन्छन । आफुलाइ बाँचे जस्....

24/04/2025

भरखै भारतको पहलगामा भएको आतंकबादी आक्रम ( अप्रैल २२, २०२५ ) दिनानुदिन पेचिदा बन्दै गैइ रहेको छ । यो घटना पछि भारतले पाकिस्तान संगको सबै खाले सम्बन्ध एक प्रकारले तोडेको छ । यस पछि को दोश्रो एक्सन भनेको आक्रमण हो । के भारतले पाकिस्तानमा आक्रमण गर्न सक्छ त ? भुल्न नहुने पक्ष भनेको यो छ कि पाकिस्तान गाजा जस्तो लावारिस भुमी होइन नि ! ईजरायलले आफ्नो भुमिमा यस्तै प्रकृतिको आक्रमण ( २०२३ अक्टुवर ७ ) मा सहनु परेको थियो । जसमा १४०० मानिस मारिएको थियो । यसर्थ भारतले पाकिस्तान माथी आक्रमण गर्नु अगाडि सत्र पटक शोच्नु पर्छ । भारतले आक्रमण गरेमा विश्व जनमतबाट ईजरायललाई जस्तो सपोर्ट हुदैन । बरु उल्टै चीनबाट पाकिस्तानमा हतियार घुसपैठ भएर भारतमा लाखौ मानिसको संहार हुन सक्छ । तालिवानको शासन पछि अहिलेको मोदी सरकारसंग अफगानस्तानको सम्बन्ध राम्रो छैन । पाकिस्तानलाइ अफगानस्तानबाट नि हतियार आउन सक्छ । उता ईरान त मोदीको हरकत देखि पहिल्यै रुष्ट छ । अहिले विश्व जनमत मोदीको बिरुद्धमा खडा छ । कारण के त भने उनले भारतमा गोप्य रुपले धार्मिक अतिबादको जातो चलाइ रहेको कुरा मुस्लीमहरु स्वीकार्छन । यहाँ सम्म कि उनले नेपालका हिन्दुहरुलाइ पनि नेपालमा अस्थिरता खडा गर्न घुसपैठ गरेको चर्चा छ । भारतको दादागिरी खत्तम पार्न बिश्वका अरु दादाहरु भित्र भित्रै अबसर खोजिरहेका छन । बास्तबमा विश्व जनमत भारतमा राहुल गान्धीको सरकार चहान्छ । छेउछाउका ससाना राज्यमा अस्थिरता खडा गरेर हात घुसार्ने नीति मोदी सरकारले छोड्नु पर्छ ।
युद्ध भयो भने के हुन्छ ?
युद्ध शुरु हुना साथ शुरक्षाको कारण देखाउदै भारतले नेपालसंगको सबै नाका बन्द गर्न सक्छ । पाकिस्तानको पक्षमा बंगलादेश , अफगानस्तान र चीन खुलेरै बाहिर आउन सक्छ । चिनियाँ हतियार पैठारी भएर पाकिस्तान भारत हान्ने स्थायी अखडा बन्न सक्छ । अहिले पाकिस्तान आर्थिक रुपले अति नै संकटमा छ । यस्तो बेला पाकिस्तान मर कि गर को स्थितिमा छ । युद्ध भयो भने भारतले अकल्पनीय क्षती ब्यहोर्नु पर्ने हुन्छ । भारतले पाकिस्तानसंग लड्नु भनेको परोक्ष रुपमा चीनसंग पंजा लडाउनु हो । यदि मोदीले यस्तो हुदा पनि पाकिस्तान्संग बदला लिएन भने भारतमा उसको व्यापक बिरोध हुनेछ र त्यही बिरोधले उसको सत्ता धराशायी हुनेछ । अहिलेको आक्रम भनेको बास्तमा परोक्ष रुपमा नरेन्द्र दामोदरदास मोदीको पिठ्युमा छुरी रोपिएको हो ! हेरौं घटनाले कस्तो मोड लिन्छ ! यसो भन्दा भन्दै पनि एउटा कटु सत्य सबैले स्वीकार्नै पर्छ कि आतंकबादी शैलेमा गरिने कुनै पनि आक्रमणको हामी नेपालीहरु कहिल्यै पनि समर्थन गर्दैनौं । यसर्थ यो बेला नेपालले भारतको पक्षमा उभिएर आतंकबादको सशक्त बिरोध गर्नै पर्छ ।
प्रशिक्षार्थी पत्रकार प्रज्ञा लामिछानेको लेख

15/04/2025

पश्चिमाहरु बोल्नु भन्दा पहिले बस्तु स्थिती राम्ररी अध्ययन गर्छन । हामी नेपालीहरु बोलिसके पछि गम्भीर भएर शोच्छौं । हामिमा यति सारो लापर्बाहिपन छ कि त्यही भएर हाम्रो देश साधन श्रोत हुदा हुँदै पनि ऋणमा चुर्लुम्म डुबेको छ । हामी ध्यान दिएर अध्ययन नै गर्दैनौं । चाहिने कुरामा भन्दा वाईयात कुरामा हाम्रो बढी चाशो छ । कसैले कुनै लेख लेख्यो भने हामी पढ्दै नपढी धारणा बनाउछौ । खास गरेर हामी अति पूर्बाग्रही छौ ! हामी सबैले आफुलाइ सुधार्नु छ । तब देश बन्छ । राम्रो कुराको समर्थन गर्ने बानी हामिमा बस्यो भने पनि देश उभो लागि हाल्छ । पूर्बाग्रह नराखी कुनै पनि कुरालाइ हेर्ने गरौं । राम्रो रहेछ भने समर्थन गरौं ! नराम्रो रहेछ भने आफ्नै समुदायकोले ल्याएको रहेछ भने पनि त्यसलाइ खारेज गरिदिउँ । यति चेतना मात्रै जाग्यो भने पनि देश बन्छ । अहिले त हामी पूर्बाग्रहले गर्दा बर्बाद भईसकेका छौं ! हामिमा अनाबश्यक जोश छ । उखुरमाउलो ! तोडफोड गर्नु पर्‍यो भने हाम्रो हात चिलाई हाल्छ । कुटपिटमा उत्रीनु पर्‍यो भने आँखा चिम्लेर उत्रीन्छौं । उखुरमाउलो जोश छ हामिमा ! देश यसरी बन्दैन । गम्भीर बनौं ! कसले के भन्दैछ गम्भीर भएर सुनौं । कसले के लेख्दैछ गम्भीर भएर पढौं । गम्भीरता बिना देश बन्दैन । यदि हामिले गम्भीर भएर अनि पूर्बाग्रह रहित भएर बिषय बस्तुलाइ लिन थाल्यौं भने यो देश संसार कै सम्पन्न र सुन्दर बन्ने छ !
सामाग्री : आनन्द गौतम

12/04/2025

सबैको चेत खुलोस !!!
नेपालका समस्त हिन्दुहरुले बुझ्नु पर्ने गुदी कुरो - यो देश गणतन्त्रात्मक र धर्म निरपेक्ष भै सक्यो । हिन्दुहरु जति जम्मै हाम्रो भनेर राजाबादीहरुले शोच्नु नै महा भुल हो ! किनकी भारतमा राजा त छैन तै पनि त्यहा करोडौ हिन्दुहरु मज्जाले हासी खुशी बसेका छन । आफ्नो रिति रिवाज र परम्परा मजाले मानेका छन । हिन्दुत्वलाइ टिकाउन राजा चाहिदैन नि ! राजाले हिन्दु बचाउने होइन बरु हिन्दुत्व भित्र राजा रहन सक्छन । राजा देउता पनि होइन ! हिन्दुत्व भन्दा राजा जहिल्यै पनि तल हुन्छ ! परन्तु नेपालमा तरवारको आडमा ब्राम्हण्हरुलाइ कज्याउन केही क्षेत्रीयहरुले राजालाइ देव भनेर हिन्दुत्वको मान मर्दन गर्न खोजेका हुन । अब यो गलत परम्परा सारा हिन्दुहरुले तोड्नु पर्छ । सारा हिन्दु जाग्नु पर्छ । हिन्दुत्व भन्दा माथी ईश्वर छन राजा होइन । अब नेपालका हिन्दुहरुले आफुलाइ राजा भन्दा तल छु भन्ने शोच त्याग्नु पर्छ । राजा त बास्तबमा अरुको नभए पनि हिन्दुहरुको त सेवक हो ! राजा बनाउने नै हिन्दुले हो ! राजा त धर्मको देन हो ! राजा राख्ने कि नराख्ने भन्ने अधिकार हिन्दुहरुमा छ । राजाले हिन्दुहरुलाइ आदेश दिने होइन । आदेश त राजाले हिन्दुहरुको मान्नु पर्छ । यो कुराको वकालत गर्ने धुरन्धर बिद्वान ब्राम्हणहरुलाइ राजाहरुले दरबार भित्रै शिर छेदन गरेर मारेको तथ्य नेपालका हिन्दुहरुलाइ थहा छ कि छैन ? अब यो रहस्यको पनि भण्डाफोर गर्नु पर्छ । षडयन्त्र गरेर नेपालमा त राजा भनेको भगवान हो भनेर चाटुकार र तरवार देखाएर तर्साउनेहरुले राजाको आडमा लुट्ने काम गरे ! अब समय आएको छ हिन्दुहरु जाग्ने ! सैयौ बर्ष देखिको गलत परम्परा तोड्ने ! ईश्वर भन्दा माथी कोहि छैन । हिन्दुहरुको लागि राजा सेवक हो ! राजा बनाउने हिन्दु हो । कसरी हुन्छ राजा हिन्दु भन्दा माथी ? जब नेपालका सारा हिन्दुले यो कुरा बुझ्ने छन तब नेपालमा नयाँ युगको सूत्रपात हुनेछ ! अनि हुनेछन नेपालका हिन्दुहरु मुक्त ! हजारौ बर्ष अगाडि जस्तै ! स्वतन्त्र ! अहिले त नेपालका हिन्दुहरुलाइ तरवारधारीहरुले कज्याएर राखेका छन ! कहिले बुझ्ने ? कहिले जाग्ने ? कहिले

11/04/2025

हुदा हुदा दुर्गा प्रसाईं नेपालको लागि मात्र होइन भारतको लागि पनि घाँडो बने ! ठुलै स्याबासी पाउछु भन्ने उनलाइ लागेको थियो तर योगी आदित्यले झपारे पछि उसको होश हवास उड्यो । एयरपोर्टमा ज्ञानेन्द्रलाइ स्वागत गर्न गएको भीडमा योगी आदित्यको फोटोले आदित्यको अपमान गरेको थियो किनकी ज्ञानेन्द्रको स्वागतमा योगी सहभागी हुने हैसियतका मान्छे नै होइनन । उनी त ज्ञानेन्द्रलाइ आफ्नो पाउ ढोगाउने हैसियत राख्छन । पहिला त दुर्गा प्रसाईले नेपालमा राजतन्त्र र हिन्दु राज्य स्थापनाको लागि सहयोग मागे । त्यसको लागि एकजना पनि बिजेपि नेताहरु राजी भएनन । सायद यसबाट दुर्गा प्रसाईलाइ भारत नेपालमा के चहान्छ भन्ने स्पष्ट भएको हुनु पर्छ । मोदिलाइ भेट्न चहान्थे त्यो झन ठाडै अस्वीकार गरियो । दिल्लीबाट आदेश आयो दुर्गा प्रसाइलाइ चाढो नेपाल खेदाउनु ! संभवत पश्चिमा मुलुकबाट मोदीलाइ दवाब आएको हुनु पर्छ । दुर्गा प्रसाईलाइ 'एटवान्स' नेपाल पठाउनु भन्ने पश्चिमाहरुको दवाब मोदीले थाम्नै सकेनन । दुर्गाले भारतमै बस्न पाउँ भनेर अनुरोध गरे त्यसलाइ पनि योगी आदित्यले स्वीकारेनन । दुर्गालाइ भारतमा बस्न दिनु भनेको भारतकै लागि घाँडो साबित हुन पुग्यो । भारतमै दुर्गा प्रसाई अशुरक्षित हुन थाले । भारतलाइ डर थियो कि दुर्गा प्रसाईं माथि अचानक केही नहोस । यसर्थ उसले यथासीघ्र दुर्गा प्रसाईलाइ नेपाल पठायो । उनी लाचार थिए । उनले गिरफ्तारी दिए । अब दुर्गा प्रसाईं मार्काका अरुले पनि बुझ्दा हुन्छ कि नेपालमा राजतन्त्र र हिन्दु राज्य स्थापना गर्नु भनेको एउटा दुश्सहास मात्र हो । यो कुराको तातो पिरो अनुभव लिनु छ भने जो कसैले पनि दुर्गा प्रसाइसंग भलाकुसारी गरे हुन्छ !

10/04/2025

कृपया पुरै सामाग्री पढ्न फोटो माथी क्लिक गर्नुहोस !