जिवनका लागि स्वास्थ्य हेल्थ फर लाइफ/युएसएआइडीको प्राविधिक सहयोगमा तयार पारिएको कार्यक्रम हो । यो कार्यक्रम कपिलवस्तु र अर्घाखाँचीका साथै मध्यपश्चिमका १२ वटा जिल्लाका २८ रेडियोबाट हरेक साता प्रशारण हुन्छ । कार्यक्रममा स्वास्थ्य सम्बन्धि विभिन्न जानकारीका साथै गाउँटोलमा भएका स्वास्थ्य समस्या र समाधानका उपायबारे छलफल हुन्छ । परिवार नियोजन, सुरक्षित मातृत्व, नवजात शिशु स्याहार, बालबालिकाको पोषण, किशोर
किशोरीको प्रजनन स्वास्थ्य, यौन तथा एच आइभी एड्स लगायत स्वास्थ्यका अनेक विषय कार्यक्रममा समेटिने विषय हुन् ।
स्वास्थ्यका बारेमा नागरिकमा रहेका भ्रमहरु हटाउने, समस्या हटाएर स्वास्थ्यमा उनीहरुको पहुँच बढाउने कार्यक्रममको उद्धेश्य हो ।
स्वास्थ्य क्षेत्रमा सरकारले गरिरहेका राम्रा कामहरु, निःशुल्क औषधी, स्वास्थ्य सम्बन्धि सरकारका योजनाहरु सर्वसाधारणलाई जानकारी दिइन्छ । त्यस्तै जिल्लाका विभिन्न गाविसमा पुगेर आम नागरिकको स्वास्थ्यमा कस्तो पहुँच छ भनेर बहस पनि गरिन्छ । स्थानीयको गुनासाहरु सरोकारवालाले पूरा गरेका छन् कि छैनन् ? कहिलेसम्म पूरा गर्छन् भनेर उनीहरुबाट प्रतिवद्धता लिइन्छ । धेरै ठाउँका सरोकारवालाले आफुले गरेका प्रतिवद्धता पूरा गरेका छन् कसैले गर्ने प्रक्रियामा छन् ।
