10/08/2026
यदि हरि ढकाल सिंहदरबारको नाम बदल्नै चाहन्छन् भने 'अनामनगर दरबार' अलि कमजोर सुनिन्छ। त्यहाँका वर्तमान शासकको व्यवहार हेरेर यसको नयाँ नाम "बिरालो दरबार" राख्नु बढी व्यावहारिक हुन्छ ।
फेसबुकमा: कालो चश्मा लगाएर विदेशी शक्तिसामु गर्जिने हुङ्कार।
भेटघाटमा: भारतीय राजदूत नवीन श्रीवास्तव अगाडि "एक्लै भेट्दिनँ" भन्ने अडान भुलेर शिष्टाचारको चिया पिउँदै गरिएको मीठो म्याउ!
मेयर छँदा कार्यकक्षमा 'ग्रेटर नेपाल'को नक्सा टाँसेर फेसबुकमा सिंह झैँ गर्जिने बालेनले प्रधानमन्त्री बन्नासाथ विदेशीलाई एक्लै भेट्दिनँ भन्ने अडान भुलेर भारतीय राजदूतसँग चिया पिउनाले फेसबुकको सिंह सत्तामा पुगेपछि कसरी म्याउ गर्ने बिरालो बन्छ भन्ने सिद्ध गरिदिएको छ।
त्यसैले ढकालले नाम फेरिरहनै पर्दैन बालेनको यो अवतारले सिंहदरबारलाई पहिल्यै बिरालो दरबार बनाइसकेको छ!
